Web browser kya hai?


Aapne web browser ya browser ye shabd kaafi baar suna hoga lekin kya aap web browser ke baare mein zaruri jankari rakhte hai? Agar nahi to is video mein zarur jaan jayenge. Aaj hum janenge ki Web browser actually mein hai kya aur iske baare mein kaafi interesting baatein. Par usse pehle is channel ko subscribe zarur kar lijiye agar ab tak nahi kia hai to.

Web browser ek software application hai jiske zariye aap World Wide Web Ki information access karte hai. Web browsers is information ko web servers se retrieve karte hai aur user ke device par display karte hai. 

Ye information normally hoti hai koi web page, image, ya video. Ye web server mein stored hote hai aur inhe identify karne ke liye  Uniform Resource Locator (URL) ka istamaal hota hai. Har resource jis server par stored hai uska url address hota hai jaise for example http://codehindi.com/about-us

Kaafi log web browser aur search engine mein confuse ho jaate hai ki kahin ye same to nahi. Ji nahi ye dono alag hai. Search engine ek website hai jaise for eg google search jo data store karti hai dusre websites ke baare mein. Lekin un websites ke server se connect karne ke liye aur unke web pages display karne ke liye aapke device par web browser ka installed hona zaruri hai.

March 2019 tak 4.3 billion se zyaada log kisi browser ka istamaal karte hai jo ki duniya ki lagbhag 55% population hai. Sabse popular browsers hai Chrome, Firefox, Safari, Internet Explorer, aur Microsoft Edge.

Sabse pehle web browser ka naam tha WorldWideWeb jise Sir Tim Berners-Lee ne 1990 mein create kiya tha.
Web browsers ka kaam hai information resources ko fetch karna aur users ke device par unhe display karna. Jab user koi url browser pe type karta hai tab ye process shuru ho jaati hai. jaise for example aapne agar type kiya http://codehindi.com

To codehindi.com ke server se jab web page retrieve ho jaati hai to browser ka rendering engine use user ke device par display karta hai. Webpages mein normally dusre pages aur resources ke liye hyperlinks hote hai. Har link mein ek url hota hai jise click karne par browser wo naya resource display karta hai. To is tarah se aap us resource ko apne browser par dekh paate hai.

Aur kuch interesting cheezein jaante hai ab web browser ke baare mein. Web browser par Browse karte waqt normally websites ke cookies browser me store hote hai jaise aapke  login credentials or site preferences ityadi. Lekin users chahen to in cookies ko clear cache ya history options use karke clear kar sakte hai.
Agar aap chahte hai ki browsing karte samay aapki browsing history ya cookies browser mein store na ho to aap private mode ka option use kar sakte hai jo almost sabhi browsers provide karte hai. 

Doston hackers ke liye web browsers bahut hi popular target hai jo security holes ko exploit karte hai information chori karne ke liye, files destroy karne ke liye aur dusre malicious activities karne ke liye. Browsers ke in security holes ko bharne ke liye regular patches updates ke dwaara diye jaate hai taaki browser software updated rahe. Ye normally background mein automatically hota hai jab aapka computer internet se connected hota hai.

Market share ki baat karen to Google chrome jise Google ne develop kiya hai uska market share sabse zyaada hai 70.88% ke saath June 2019 ke StatCounter data ke anusaar. Firefox second par hai with 9.5%. Phir hai internet explorer aur phir hai safari, microsoft edge aur phir baaki. Ye data desktop web browsers ke liye hai.

To Google Chrome ka istamaal bahut hi zyaada log karte hai.

Guys ye thi jankari web browser ke baare mein. Aur bhi aisi kaam ki jankari aapko is channel par milti rahegi. Milenge next video mein jald hi. Dhanyawaad.

Add a Comment

Your email address will not be published. Required fields are marked *