HTML kya hai? Overview and example


Doston is video mein ek overview dunga ki HTML kya hai, kyu istamaal hota hai aur ek simple HTML page aapko banake dikhaunga.

Lekin mai HTML par aur bhi kaafi coding videos banaunga taaki aapko acche practically samaj aa jaye HTML. Hypertext Markup Language (HTML) ek standard markup language hai un documents ke liye jo web browsers par dikhane ke liye design ki gayi hai. Web browsers par documents ko acchi tarah se dikhane aur interactivity add karwane ke liye normally iske saath Cascading Style Sheets (CSS) aur scripting language JavaScript ka istamaal kia jaata hai. Lekin is video mein HTML par focus karenge hun aur CSS aur JavaScript par mai alag se videos banaunga.

Web browsers HTML documents ko retrieve karte hai web server ya local storage se aur inko render karte hai multimedia web page mein. HTML page banane ke liye aapko kisi special software ki zarurat nahi hai. Bas notepad aur browser ke zariye aap bana sakte hai html pages. Wo mai aapko practically bataunga thodi der mein.

HTML web page ka structure semantically yaani arth poorna tarike se describe karta hai. HTML elements jo hote hai wo HTML pages ke building blocks hote hai.

HTML ek zariya pradaan karta hai structured documents create karne ka. Headings, paragraphs, lists, links, quotes jaise text ko arthpoorna tarike se structure karke.

HTML elements ko tags ke zariye likha jaata hai angle brackets ka istamaal karke.

Jaise agar aapko paragraph mein text likhna hai to <p> tag ka use kar sakte hai. For example aapko likhna hai how r u <p> tag mein to aap is tarah se likh sakte hai <p> how r u? </p>.

Yaha par hum p tag ko open karte hai, usme text likhte hai aur use close karte hai.

Aise bahut se tags hai jaise <h1> <h2> <div> etc. In tags ko close bhi kiya jaata hai. To jaise <h1> Hello </h1>.

Kuch tags aise hote hai jinhe alag tarah se close karte hai. Self closing hote hai wo jaise ki image tag. Image tag ko aise likhenge <img src=’anyimg.jpg’ />

Tags ke andar attributes bhi ho sakte hai jaise img tag mein aap dekh sakte hai src naam ka ek attribute humne likha hai jisme hum ek image mention kar rahe hai. Aise kaafi tarah ke attributes hote hai.

HTML mein ek major version update hua tha 2008 mein HTML5 ke roop mein. Isme kaafi naye features daale gaye the. Jaise naye tags <video> <audio> <nav> ityadi ke roop mein. Inhe mai aapko aane wale videos mein detail mein explain karunga.

Aaiye HTML document ka example aapko banake dikhata hun mai

<!DOCTYPE html>
<html>
<head>
<title>This is a title</title>
</head>
<body>
<p>Hello world!</p>
</body>
</html>

<!DOCTYPE html> jo sabse upar hai wo HTML5 ka declaration hai. Ye browser ko batata hai ki aapka document HTML5 hai. HTML5 ke pehle jab HTML4 use hota tha to kuch dusre type ke doctypes the par HTML5 mein sirf yah ek doctype hai. To hum hamare HTML pages pe yahi ek doctype use kar sakte hai

<html> aur </html> ke beech ka text aapke webpage ko describe karta hai.

<head> tag ke andar kuch tags hote hai jaise <title> <script>

<title> Tag ke andar jo text hai wo browser page title.

<script> tag ka istamaal tab karte hai jab hum koi JavaScript ki file ka reference dena chahte hai taaki us JavaScript file ka code is page se accessible rahe aur chal sake. Jaise agar meri ek JavaScript file hai common.js to use mai aise mention karunga yahan.

<body> tag ke andar ka content aake page ka visible content hai jo user ko dikhta hai. To isme wo saata HTML code hum likhenge ho browser par dikhega is page ke liye. Body tag ke andar aap wo saare tags use kar sakte hai jo aapke page ko browser par structured tarike se dikhaane mein help karega. Jaise <p> tag jo aap dekh rahe hai paragraph style mein aapka text dikhayega. Waise hi <div> tag hai jo divisions create karte hai. <H1> <H2> tags hai jo heading define karte hai. Ghabraiye mat ye sab aapko sikhaunga mai aane wale videos mein.

Doston agar hume is page mein koi image add karna hai to hum <img> tag ka prayog kar sakte hai is tarah

Forms se related elements jo hai jaise text box wagehra to uske liye hum <input> tag ka istamaal karte hai.

Add a Comment

Your email address will not be published. Required fields are marked *