Uncategorized

BA ke baad kya kare?

Namaste Mitro! Mai hu Vicky Shetty aapka adviser. Waise Sunil Shetty se mera koi sambandh nahi hai.

Doston Graduation complete karna ek bada landmark hota hai sabki zindagi me. Par student ke man me yah sawaal bhi aata hai ki ab iske baad main kya karu? Arts graduates ke paas bhi kaafi options available hai. Kaafi students ko is options ke baare me pata nahi hota. To aaiye shuru karte hai aur dekte hai ki konse wo options hai Arts students ke paas jo wo graduation ke baad apna sakte hai.

Master of Arts:
Ye to almost sab hi ko pata hai ki BA ke baad MA ek normal choice hoti hai. Kuch colleges me MA ke liye entrance test bhi hote hai. Koshish kare ki MA ek reupted college se karne ki. MA us field me kare jisme aapko interest ho.

B.Ed yaani Bachelor of Education
Jo students teaching field me jana chahte hai unke liye B.Ed bahut accha option hai. B.A ke baad aap B.Ed kijiye aur chahe to saath me MA bhi kar sakte hai.

LLB yaani Bachelor of Laws
BA graduates ke liye ek aur accha option hai LLB. Jo students practicing lawyers banna chahte hai wo log is course ko chun sakte hai. LLB karne ke baad students legal advisors aur attorney ke roop me bhi private aur government companies me kaam kar sakte hai. LLB ke liye aapko law ka entrance exam dena hoga BA ke baad.

MBA
Bahut hi popular course India me hai MBA. MBA students ko business problems solve karne me aur business manager banne ke liye tayar karta hai. MBA ke baad students private aur governments companies me as a business manager ke liye try kar sakte hai. Kaafi students MBA ke baad khud ka business bhi open kar sakte hai aur ban sakte hai Entrepreneur. MBA me admission entrance test ke dwaara hota hai. Ek bahut hi zaruri baat. MBA ek acche reputed institute se kijiye tab hi aapko iska accha fayda ho payega.

Aap Masters degree professional courses me jaise journalism and mass communication, Social work, Fashion Design, Hotel Management jaise courses karke usse related field me jobs paa sakte hai.

Ye hui courses ki baad. Ab dekhte hai jobs kya hai BA ke baad:

Aap direct back office jobs ke liye apply kar sakte hai aur bade MNC’s me interview dekar jobs paa sakte hai.

Aap teacher ban sakte ho.

Aap Contect Writer ban sakte hai. Content writer ka kaam hota hai likhna. Unhe topics diye jaate hai aur unko subject lines ya paragraphs likhne hote hai website ya publications ke liye.

Aap freelance writer ban sakte ho.

Aap Bank me job karna chahte hai to bank ke exams jaise Probationary Officer exam dekar bank me jobs paa sakte hai

Aap Civil Services ke exam dekar government me higher posts paa sakte hai par ye bahut difficult hota hai

To yeh thi mitro BA ke baad ki thodi si guidance. Agar aapke man me koi bhi sawaal ho ya mujhse koi advise chahiye ho to niche comments box par zarur likhiye. Is channel ki advise acchi lagi to subscribe kar lijiye aur share kijiye videos ko Facebook aur google plus pe. Thank You. Love you all.

Leave a Reply