Interview me ye sawaal to poocha hi jaata hai. Tell me about yourself. Bahut se candidates is sawaal ko lightly lete hai aur ise acche se prepare karke nahi jaate. Interview me thik se bol nahi paate aur interviewer ke saame pad jaata hai ganda impression. Isliye mitro is sawaal ko confidence ke saath kahna bahut zaruri hai.
Kuch candidates apni personal life ka bakheda bayaan karne lagte hai. Sir my father is a manager in a MNC. He is working there for twenty years. I read five books this year. The achemist, the monk who sold his ferari. Bhaiya ye saari cheeze nahi bolni hai jab tak in cheezo ke baaare me na poocha jaye.
Aapko apne aapko is tarah se present karna hai ki interviewer ko ye lagna chahiye ki bhai ye candidate perfect hai is job ke liye. Aapko maximum one minute ke andar apna introductino dena hai. Isliye aapko to the point jawaab dena hai. zyaada samay nahi lena chahiye warna interviewer ka dhyaan bhatak sakta hai aur wo aapki baat ko dhyaan se nahi sun payega. Aap hi sochiye agar koi aapse ghuma fira ke betuki baat kare jo aap bilkul bhi sunna nahi chahte ho to aapko kaisa lagega?
Aaiye Aaj aapko mai bataata hu ki badiya self introduction kis tarah se dena hai. Interviewer ke haath me aapka resume hai lekin phir bhi wo aapko ye sawaal poochta hai. Aakhir kyu? Simple, wo dekhna chahta hai aapka confidence, aapki communication skills, aapka behaviour.
Ye sawaal shuruwaat me poocha jaata hai isliye first impression ko badhiya banaana bahut hi zaroori hai. Mai jab shuru me interviews dene jaata tha to is sawaal ko ek mirror ke saamne baithkar acche se practice karke jaata tha. Doston technical questions me hame ye pata nahi hota ki interview kab kya poochle. Ho sakta hai koi aisa technical sawaal poochle jo hamne nahi padha ho. Lekin “Tell me about yourself” sawaal jo hai wo to hame pata hai already ki poocha jaane wala hai lekin phir bhi ham overconfidence ya carelessness ki wajah se practice karke nahi jaate. Aapko pata hai bahut baar communication skills ki wajah se log select ho jaate hai bhale hi technical me wo average ho. Isliye mitro aaj aapko mai clearly explain kar deta hu ki kaise dena hai iska jawaab Aur aapko kuch demo bhi dikha deta hu taaki aapke manme koi bhi confusion na rahe. bolte samay aisa nahi lagna chahiye ki ratta maarke aaye ho isliye dilse practice karo samaj ke.
Fresher aur experienced candidates ke self introduction me thoda sa fark hota hai. Fresher ke introduction steps pehle bataa deta hu aur baadme bataaunga experienced candidate ke introduction steps Fresher ke introduction steps:
Apne face par ek halki si smile rakhiye
1. Apna poora naam bataaiye
2. Apni educational qualification ke details bataaiye
3. Apne project work aur agar internship kia hai to uske baare me bataaiye. Apke koi academic achievements hai to wo bhi bataaiye.
4. Apne skills aur strengths ke baare me bataaiye
5. Apne hobbies ke baare me bahut short me bataaiye. hobbies ko carefully select karke bolna kyuki aisa bhi ho sakta hai ki interviewer poochle uske kuch details aur aap bataao na paao
6. Phir apne ambition ke baare me bataaiye short me
Ek galti jo students hamesha karte hai bolte waqt wo hai, Myself Vicky Shetty
ye galat hai. aisa nahi bolna hai. aap boliye aise my name is vicky shetty ya I am Vicky Shetty.
Apni educational qualification bataate samay pehle bataiye highest degree. For example agar aapki highest qualification MA hai to MA se start kijiye. Aur ek bahut zaruri baat, aap jis position ke liye apply kar rahe ho koshish kijiye ki aap apne skills usse related hi bataaye. Jaise accounting ke job ke liye aap accounting related skills, Web developer ke liye web development ke skills.
Mujhe pata hai ki example ke bina in cheezo ko samajhna thoda mushkil hai isliye maine aapke liye demos tayar kiye hai. To aaiye pehle dekhte hai ek fresher ka demo.
Hi! My name is Ravi Khanna. About my qualification, I have done B.Com from DS College, Mumbai University. During my graudation I have done a project related to ‘The Role Of Internal Auditing On Management’s Control Success’.
About my skillset I have good knowledge about Financial Planning, Auditing and Taxation.
My strengths are good analytical and presentation skills.
My hobbies are to play football and write stories.
My goal is to use my skills to the fullest and enhance my working capabilities in order to serve the organization I will work for.
Ab batata hu experienced logo ke liye steps:
1. Apne face par ek halki si smile rakhiye
2. Apna poora naam bataaiye
3. Apni current company ka job description bataaiye short me aur past companies ke details short me bataaiye
4. Apni educational qualification ke details bataaiye
5. Apni job related achievements ke baare me bataaiye.
6. Apne skills aur strengths ke baare me bataaiye
7. Aakhir me apne hobbies ke baare me bahut short me bataaiye.
To aaiye dekhte hai iska demo
Hi! My name is Ravi Khanna. About my work experience I have a total work experience of around 6 years. I am currently working with TCS as a Sr. Financial Analyst for around 2 years and before this have worked for RPL Ltd. as an analyst and Birla Group as a trainee. I have also won star contributer award at RPL Ltd. About my qualification, I have done B.Com from DS College, Mumbai University. My skills are Financial Planning, Auditing and Taxation. My strengths are good Analytical and presentation skills. My hobbies are to play football and write stories.
To mitro umeed hai aapko ye video pasand aaya. Koi bhi sawaal ho to bas subscribe kar lijiye agar aapne ab tak nahi kia ho aur comments box par likh dijiye. Dhanyawaad.
Namaste Mai hu Vishy Shetty, aapka adviser. Career Code Hindi ke madhyam se mai aapke career me aapko sahi guidance pradaan karna chahta hu apne experience se.
I am Vishy Shetty, a career adviser. Through Career Code Hindi I would like to share my experience with you and provide you proper guidance.