IT industry mein 2 tarah ke companies hoti hai.
Aapne kaafi logo se yeh words sune honge. Product based companies aur service based companies. But kya aapko pata hai ki inme kya difference hai?
Product based companies wo hoti hai jo koi product create karti hai jaise example ke liye Amazon, Google, Oracle etc. ye product based companies hai. Google ke products hai jaise uska search engine, Gmail etc.
Service based companies wo hoti hai jo in products par kaam karti hai aur clients ko service provide karti hai. Jaise example ke liye TCS, Wipro etc.
Aaiye ab dono ke beech ka detailed comparision kar lete hai.
Product based companies kisi idea ko impelement karke products banaati hai aur use bechti hai. Isme working enovironment kaafi cool hota hai. Employee ko out of the box aur creative hona padega. Work experience isme zyaada acha mil sakta hai service based company ke mukaable aur isme learning ka scope bhi zyaada hai. Agar product based company reputed hai toh Job security bhi isme zyaada ho sakti hai service based company ke mukaable. Par agar startup hai toh aapko acche se research kar lena chahiye company ke future ke baare mein. Zyaadatar product based companies mein increment accha hota hai.
Service based companies jo hai wo customer ke requirement ke hisaab se kaam karti hai. Isme deadline par kaam ko khatam karne par zyaada zor diya jaata hai. Employee ko thoda multitasking bhi hona padega. R&D ka scope thoda kam ho sakta hai. Job security jo hai wo product based company ke mukaable kam ho sakti hai. Kai baar Client site par jaakar bhi kaam karna padh sakta hai. Jaise Agar kisi service based company ka client koi bank hai toh ho sakta hai ki wah bank us service based company ke employee to apne bank ke office mein kaam karne kahe taaki communication aasaan ho sake. Zyaadatar service based companies mein increment product based company ke mukaable kam hota hai.
Ab aapke dimaag me hoga ki kaunsa chune? Product based company ya Service based company.
Mitron agar aapko Product based company aur service based company ke offers milte hai aur aapko koi ek chunna hai toh kuch cheezein aapko compare karni padegi dono ke beech. Jaise dono mein se kaunsi company zyaada reputed hai. Kyuki kuch startups aise bhi hote hai jo shuru hone ke kuch samay baad band ho sakte hai agar unko investor na mile. Salary ka difference kitna hai dono ke beech. Agar aapko management mein zyaada interest hai aur technology mein kam toh aapko service based company suit hoga. Aur agar aapko technology mein zyaada interest hai to aapko product based company suit hoga. Overall agar abhi bhi aap confused ho aur dono hi company reputed hai toh product based company chun sakte ho aap.
To mitro video acchi lagi to like karo aur share zarur karna sabke saath. Aur subscribe kar liya na?
Namaste Mai hu Vishy Shetty, aapka adviser. Career Code Hindi ke madhyam se mai aapke career me aapko sahi guidance pradaan karna chahta hu apne experience se.
I am Vishy Shetty, a career adviser. Through Career Code Hindi I would like to share my experience with you and provide you proper guidance.