Marketing plan kya hai? Explained in Hindi

Doston kisi bhi business ke liye marketing bahut zaruri hota hai. Zara sochiye aapne ek behtareen product to bana liya lekin agar logon ko pata hi nahi chalega ki aisa koi product hai to kya fayda uska. Un tak wo pahuchega Kaise. Iske liye marketing karni hogi aapko us product ki. Aur marketing karne ke liye ek marketing plan ka hona faydemand hota hai.

To Marketing plan kya hota hai? Aaj isi ke baare mein aapko is video mein samjhaunga mai. Dhyaan se dekhiye koshish meri yahi hai ki aapko bahut simple tarike se bata paaun ki marketing plan kya hai? Aur channel ko subscribe nahi kiya hai to kar lijiye kyun is channel hum aapke liye career, courses, digital marketing aur web technologies se related videos laate hai regularly.

Doston marketing plan jo hai wo business plan ka hissa hota hai. Ek acche marketing plan ka foundation hota hai acchi marketing strategy. Waise marketing plan mein kaafi actions likhe hote hai lekin ek acche strategic foundation ke bina wo business mein useful nahi ho paata. Accha strategic foundation hona chahiye marketing plan banaate waqt.

Par marketing plan aakhir hai kya? Marketing plan aapke business ke advertising aur marketing efforts ko outline karta hai. Jo marketing objectives honge aapke unko poora karne ke liye kaunse business activities lagenge wo likha hota hai usme. Aur kitne time mein haasil karna hai un objectives ko wo bhi mention kiya jaata hai. Marketing plan mein business ki current marketing position ka bhi description hota hai. Business ke target market ka discussion hota hai. Isme marketing mix ka description bhi hota hai jo business use karegi apne marketing goals ko achieve karne ke liye.

Isme historical data ho sakta hai, future ke predictions ho sakte hai aur methods ya strategies hote hai jo marketing objectives ko achieve karne ke liye lagenge. To bahut si cheezein hoti hai isme. Dhyan dete rahiye doston. Samaj mein to aa raha hai na jo mai bataa raha hu?

Doston ek marketing plan is basis par bana hona chahiye ki company future mein apne aapko kis point par dekhna chahti hai.

Ab aapko mai batane wala hu kuch aisi zaruri cheezein jo ek marketing plan banate waqt company ko chahiye hoti hai.

Market research:
Jis market mein company abhi hai uska data iqhatta karna hota hai. Us data ko thik se classify bhi karta hota hai. Aur bhi kaafi cheezein karni hoti hai jaise market dynamics, patterns, customers, aur industry ka current sales volume examine karna hota hai.

Competition:
The marketing plan mein organization ke competition ke baare mein bhi likha hona chahiye. Plan mein ye describe kiya hona chahiye ki kaise organization apni competition se alag khada reh payega aur market leader banne ke liye kya karenge wo.

Market plan strategies:
Organization jo marketing aur promotion strategies se karegi wo mention hona chahiye. Ye strategies ho sakti hai advertising, direct marketing, training programs, trade shows, website, etc. To jitne bhi types ke promotional strategies wo apnane wale hai wo.

Marketing plan budget:
Jo bhi Strategies marketing plan mein identify ki gayi hai wo budget mein honi chahiye. Aisa nahi ki likh diya karodon ki strategies aur account mein sirf lakh hi hai. Pair utne hi phailane chahiye jitni chadar ho, kyu? Yaa to chaadar badi karlo. Company ke jo Top managers hai unko company ki current financial situation ko review karna padta hai aur phir funding allocate karni hoti hai marketing plan ke liye.

Marketing goals: The marketing plan mein aise marketing goals hone chahiye jinko aap paa sakte hai. Aise bade bade goals mat daaliye usme jo aapke organization ke liye attain karna namumkin ho. Practically sochna hoga marketing plan banaate waqt. Josh se nahi hosh se kaam lena hoga. Goals ka example batau to jaise ek goal ho sakta hai company ke current client base ko badhana. Agle 6 mahine mein aur 30 clients badhana.

Marketing Mix:
The marketing plan mein zaruri marketing mix ko evaluate karna chahiye. Ab aap shayad soch rahe hai ki ye marketing mix kya hai. Isme normally aate hai marketing ke 4 P’s jaise product, price, place, and promotion. In char elements ko modify kiya jaata hai jab tak ki best combination na mile jo customer ke needs of poora karte hue company ko maximum profitability bhi de.

Monitoring of the marketing plan results:
Marketing plan mein organization ki current position analyze karne ka process bhi hona chahiye. Jo strategies kaam kar rahi hai aur jo nahi kaam kar rahi hai wo identify karna hota hai.

Doston marketing plan ki zarurat kyu padti hai?
Is ek main purpose to ye hota hai ki company ko ek marketing ki raah par set kar sake. Marketing plan ke hone se company ke jo leaders hai wo unse jo expected hai uspar nazar rakh paate hai. Jaise agar company ne apni marketing plan mein likha hai ki unko apni sales badhaani hai to company ke jo leaders hai unko stores mein aur staff badhane pad sakte hai zyaada sales generate karne ke liye. Marketing plan ke hone se company ke andar accha communication ho paata hai.

Ab main baat ki aakhir ek marketing plan mein contents kya hote hai. Doston dekhiye waise marketing plan aapka kitna bada hoga ye is baat par bhi depend karega ki aapka business kitna bada hai. Ek chote business ke liye ye content ho sakte hai:
competitors kaun hai iska ek description, product ya service ki demand kitni hai aur competitors ke strengths aur weaknesses. Phir ho sakta hai product ya service ka description, unke special features, Marketing budget jisme advertising aur promotional plan ho sakte hai, business ke location ka description ho sakta hai, marketing Pricing strategy ke advantages aur disadvantages ho sakte hai, Market Segmentation ho sakta hai.

Agar hum detailed marketing plan ki baat karen to usme dekhiye ye saari cheezein aayengi. Matlab agar kisi big size company ko marketing plan banana hai detail mein to usme kaunsi cheezein ayengi? Aaiye aapko marketing plan ka jo detailed document hota hai uske points batata hu aur unhe explain bhi karta hun bilkul simple language mein.

Title Page –
Title page mein hota hai company ka naam, marketing plan ka cover, complete hone ki date etc.

Executive Summary-
Ye ek brief overview hota hai aapke poore plan ka. Matlab aapke marketing plan ko short mein summarize kiya hota hai, jo uske main points hai unko mention karke.

Current Situation – ab is company ki current situation har area mein kya hai wo likha hota. Aapko bata deta hu current situation kin areas mein hai.
Macroenvironment: isme macro level pe company ki current situation hoti hai jaise ki Economic State, Legal State, Governmental State, Technological State. Haa bhai business ko chalate waqt ye factors bhi to zaruri hai jaise government ki kya policies hai, technologies kya use ho rahi hai, legalities kya hai etc etc. Ye macroenvironment factors hai.

Market Analysis: isme market size, market ka segmentation wagehra mention kiya hota hai.

Consumer analysis: isme jo cheezein likhi ho sakti hai wo hai consumer ka buying motivation kya hoga, demographics kya honge, matlab ki kaunse areas se ho sakte hai consumers, psychographics kya hogi.

Internal cheezein company ki jaise resources, company ke objectives, culture wagehra,

Situation analysis: SWOT analysis yaani company ke strengths, weaknesses, opportunities aur threats ka analysis.

Marketing Research:
isme normally Market research se related cheezein hongi jaise kya research methodology follow ki jayegi, information kaha se ayega wagehra.

Marketing Strategy:
Isme aapki marketing strategies hongi product, pricing , promotion etc. se related.

Implementation:
Marketing plan mein jo cheezein hai unko implement karne ke liye kharcha kitna ayega. Log kitne lagenge etc.

Financial Summary- Isme company ki financial summary jaise monthly income statement, break even analysis wagehra hoga.

Scenarios– jaise future ke jo scenarios honge uska ek prediction ho sakta hai aur Plan of action kya honge har scenario ke liye.

Controls

Appendix

Ab ye to hua marketing plan. Par doston aap is plan ko track kaise karoge. Kaise jaanogr ki jo goals isme likhi hai wo achieve ho rahi hai ya nahi. Iske liye kuch analysis perform kiye jaate hai jaise:
Sales analysis- company apne sales results check kar sakti hai marketing plan ke goals ko track karne ke liye
Market share analysis- company apna market share track kar sakti hai
Expense analysis- isme ‘marketing expense to sales ratio’ dekha jata sakta hai normally. Yaani ki bhaiya kitna kharcha ho raha hai marketing par budget ke anusaar aur sales us hisaab se kitna hua hai
Financial analysis-
Marketing activities ka nateeje mein to sabhi companies yahi chahti hai ki net profit badhe except jo non profit organizations hoti hai unhe chodkar. To isme company ke finances check hote hai.

To doston hamne dekha ki marketing plan kya hai aur kaun kaun si cheezein hoti hai isme. Umeed hai aapne dhyaan diya. Subscribe nahi kiya hai to kar lijiye. Dhanyawaad.

Add a Comment

Your email address will not be published. Required fields are marked *