Padhai ko aasaan banaane ke tips

Padhaai se related kaafi tips aapko mili hongi jaise time table banao, important cheezein mark karo etc. Par aaj aapko mai iske alaawa kuch tips bataane jaa raha hu. Study karne ke kuch aise tips jo aapki study ko aasaan bana sakte hai. Is video ke aur parts bhi banaunga mai kuch aur tarah ke tips ke saath. Toh aaiye shuru karte hai.

1. Neend poori lijiye:
Is tip ko sabse pehle bataa raha hu kyunki kaafi students ise lightly le lete hai. Mai yeh nahi keh raha hu ki aap zarurat se zyaada soiye. Par aap apni poori neend lijiye. Jitni aapke body ko zarurat hai utni neend zarur lijiye. Neend agar poori nahi loge to aap thake hue mehsoos karoge. Aur aapme utni zyaada energy nahi hogi jitna aap chahte ho. Agar neend poori nahi ho rahi hai kisi kaaran se toh din ke dauran choti choti neend lijiye 15-20 minutes ke liye jisse aapko thodi energy mile. Ek insaan ko kitne ghante ki neend chahiye yah alag ho sakta hai har kisi liye. Par normally around 7-8 ghante ki neend chahiye hoti hai young logon ko.

2. Apne man ko shaant kijiye padhai shuru karne se pehle:
Jab aap padhai shuru karne jaa rahe ho to ho sakta hai ki aapke man mein kaafi saari aisi cheezein chal rahi ho jo aapke padhaai se related nahi hai. Jisse kaafi distraction ho sakta hai. Toh padhai shuru karne se pehle thodi der around 5-10 minutes shaant baithe aankhe band karke. Man ko shaant ho jaane dijiye. Uske baad padhaai shuru kijiye


3. Thik tarah ka khaana khaaiye:
Study karte waqt ya karne se pehle jab aap khaana khaate ho toh jitna ho sake shakkar, fats aur carbs se bhare hue foods ko kam khaaiye. Aise food khaaiye jo energy provide kare. Paushtik aahar lijiye. Paryaapt paani pijiye.

4. Stress mat lijiye:
Mai jaanta hu yeh kehna aasaan hai aur karna mushkil. Par koshish kijiye ki padhai karte waqt aap tension naa le. Man mein aapke kaafi sawaal aur chinta jaag sakti hai kai baar. Par aap zyaada dhyaan mat dijiye uspar. Thik hai stress dene wale thoughts aa rahe hai to aakar chale jayenge. Aap un thoughts ke peeche mat padiye. Thodi der ke liye dhyaan jab aapka divert hota hai to koi baat nahi apna dhyaan jo bhi aap padh rahe ho uspar waapas laaiye.

5. Quantity se zyaada quality par dhyaan dijiye:
Kaafi baar aisa hota hai ki aap bahut zyaada ghanto tak padhte hai lekin kuch samaj nahi aata par kuch der liye padhte hai toh kaafi samaj me aa jaata hai. Kyuki ho sakta hai ki aap bahut ghanto tak to padh rahe ho lekin aapka concentration level utna nahi hai. Toh aap padh to rahe ho lekin wo cheez aapke dimaag tak nahi pahuch rahi hai aur agar pahuch bhi rahi hai to ho sakta hai shayad aap use bhool jaa rahe ho. Isliye jitna ho sake ais mahol aur samay mein padhiye jisme aapko padhna pasanad hai. Aap khushi se padhoge toh aapko padhi hui cheezein samaj aayengi aur yaad bhi rahengi.

6. Halki phulki exercise kia kijiye:
Thodi der ki exercise se aapki energy level increase ho sakti hai. Bahut heavy exercises karne ki zarurat nahi hai. Aapko jo exercise accha lagta hai, jisme aap comfortable ho wo kijiye. Jaise aap walking kar sakte ho. Koi khel khel sakte ho. Ya jogging kar sakte ho. Stretching kar sakte ho. Aapke interest ke anusaar koi bhi exercise kariye. Exercise aapke mind ke liye bhi kaafi accha hota hai.

Toh doston video acchi lagi to like karo aur share zarur karna sabke saath aur subscribe kar lia hai na?

Leave a Reply