Kya aap hamesha thake hue hote ho?

Namaskar Mmitro mai hu Vicky aur haal kaisa hai aapka. Kya aap hamesha thake hue hote ho? Aap karna toh bahut kuch chahte ho but aapme wo energy hi nahi rehti hai jo zaruri hai un cheezon ko karne ke liye. Aaj mai aapko kuch reasons bataunga jisse aapme yeh thakaan aati hai.

Waise iske alaawa bhi kaafi aur reasons ho sakte hai but mai yeh kuch common reasons aapko bata raha hu.

1. Aap alarm ke anusaar uthte hai
Kaafi logon ko subah uthkar bhi thakaan mehsoon hoti hai. Subah toh hame fresh feel hona chahiye na aakhir poori raat aaraam se sokar uthte hai to phir ye thakaan kyu mehsoos hoti hai? Iska ek kaaran hai galat sleep cycle mein uthna. Alarm ke hisaab se uth jaate hai hum. Pehle jab alarm nahi hua karta tha tab log apni sleep cycle poori hone ke baad uthte the agar wo kisi dusri cheez se disturb na hue ho. Isliye wo subah uthkar taaza mehsus karte the.

Mai yeh nahi keh raha ki alarm use karna buri baat hai. Jab tak hum naturally usi time par uth nahi jaate tab tak toh alarm use kar sakte hai lekin aap koshish kare ki aap naturally us time par uth jao. Iske liye aapko thik samay par sona hoga. Alarm ke kaaran kaafi baar aisa ho sakta hai ki aap neend complete hone par na uthe aur beech mein hi disturb ho kar uth jaaye. Ho sake toh alarm ko tab hi use kare jab bahut zaruri ho aapka us time par uthna. Jaise ki subah aapko kisi jagah 7 baje pahuchna hai aur uske liye aapka 5 baje uthna anivarya hai toh aise cases mein aap alarm use kijiye aur normally aap naturally subah time par uth jaaiye. Naturally subah time par uthne ke liye aap ek cheez try kar sakte hai. Sone ke thik pehle apne manme kahiye ki mujhe subah is time par uthna hai.


2. Dusra kaaran hai aapke shareer ko suraj ki energy proper mil nahi rahi hai
Aaj ke computer ke daur mein bahut se logo ko ghanto office ke andar kaam karna hota hai. Aur jab ham ghar par bhi hote hai toh kaafi baar utna sair nahi kar paate. Agar aap zyaada samay andar bitaate hai to vitamin D ki kami ke kaaran thakaan ho sakti hai. Ho sake to roz subah uthkar kuch minutes walk ya jogging kare bahar jahan par suraj ki roshni acchi aa rahi ho.

3. Teesra kaaran hai exercise nahi karna ya bahut kam exercise karna
Kaam ki wajah se hame ghanto baithna padhta hai computer ke saamne. Aur isse aapke andar laziness bhi aa sakti hai jisse aap apne sharir ko zyaada move nahi karate ho. Aap kaam ke beech mein thoda break lekar walking kia kijiye. Din mein kam se kam 20-25 mintues walking kare. Aur baaki exercises bhi kia kijiye aapse jitna ho sake jaise thodi jogging, yoga, cardio. Manav shareer ka design kuch aisa hai ki use zyaada move karne ke liye banaya gaya hai isliye agar aap bahut zyaada der baithoge roz to aapko shareer se related problems ho sakti hai.

4. Chautha kaaran hai ki Aap paani kam peete ho
Kaafi baar ham kaam mein itne busy ho jaate hai ki paani peete hi nahi. Bahut zyaada paani peena bhi accha nahi hota lekin aap apne khaane mein aisi cheezein include kar sakte hai jisse aapke body ko paani mile jaise fruits, foods jisme fibre zyaada ho. Aur din ke dauran paani bhi piya kijiye beech beech mein. Waise kaafi logon ki alag alag opinions hai ki kitna paani peena chahiye har din. But doctors recommend karte hai ki kam se kam 8 glass paani toh pijiye roz. Apne saath ek water bottle carry kia kijiye.

5. Paanchwa kaaran hai ki aap bahut zyaada chai/ coffee peete ho
Coffee mein caffaine content bahut zyaada hota hai jise agar aap bahut peete ho toh aapki neend kam ho sakti hai. Neend kam hone se aap subah thake hue mehsoos kar sakte hai. Isliye mai kahunga ki aap coffee ko aadaat mat banaaiye. Jab aapko bahut zarurat ho tabhi pijiye use. Kabhi kabaar pine mein koi dikkat nahi hai. Ho sake to coffee ke badle chai pijiye. Chai mein bhi caffaine hota hai but wo kam hota hai. Chai bhi zyaada accha nahi. Raat ko sone ke kuch ghante pehle agar aap coffee piyenge toh aapko neend aane bhi problem hogi. Toh mitro chai coffe jitna aapse ho sake kam pijiye.

To mitro video acchi lagi to like karo aur share zarur karna sabke saath. Aur subscribe kar liya na?

Leave a Reply