English Vocabulary kaise yaad rakhein?

Aksar hame English ke naye seekhe hue words yaad rakhne me dikkat hoti hai. But is cheez ko aasaan banaane ka ek technique aapko bataana chahunga.

Pehle aapko bataata hu ke kyu hame naye words yaad rakhne me dikkat hoti hai. Iska reason hai ki ham un words ko visualize nahi kar paate yaani apne dimaag me uski chavi nahi dekh paate. Jab koi chavi dimaag me na ho, koi picture na ho us cheez ka to wo word yaad rakhna bahut mushkil ho jaata hai. Ab ye jo technique mai aapko bataane jaa raha hu bahut se logo ne ise pehle use kia hai. Isme ham us word ko uske meaning se related kisi cheez se jodenge. Koshish karenge wo cheez uska rhyming word ho. Aur us image ko apne dimag me sochenge us word ko yaad rakhne ke liye. Ek example dekhte hai jaise ek word hai gigantic iska matlab hota hai huge yaani bahut badaa. to ise yaad rakhne ke liye ham isko jodenge ek cheez se jo ki hai Titanic.
To sabse pehle Gigantic word ka sentence banaenge. Titanic is gigantic.


dusra example dekhte hai Consider. Consider ka matlab hota hai vichar karen ya phir sochna ya dhyaan rakhna. English kaafi baar ek word ke kai meanings hote hai.
To consider ko kaise yaad rakhen? jaise hamaari technique hai ek rhyming word soch lenge. Fielder.
To isse keh sakte hai “You can consider this fielder as a good option”
iska matlab hai is fielder ko ek acche option ke roop me aap vichar kar sakte hai.

Mujhe pata hai ki ye saare words ke liye mushkil hoga karna par kaafi words aap yaad rakh sakte hai is tarah se.

To vocabulary yaad rakhne ke liye ye tarika zarur use karke dekhiye aap.

Leave a Reply