English seekhte waqt yeh 3 galtiyan ho sakti hai

Doston Aapne saari English vocubulary padh li aur grammar seekh liye lekin phir bhi English sudhari nahi. Hota hai na aisa. Hum bahut koshish karte hai English ko improve karne ke liye lekin hum kuch basic cheezon par dhyan nahi dete. Jaise ki jo mistakes hum kar rahe hai uspar. Doston agar hum mistakes ko correct nahi karenge ya unko accept nahi karenge to kaise improve karenge. To aaj is video mein mai aapko bataunga aise 3 bade mistakes jo English sikhte waqt normally kar baithe hai hum.

1. Aap jaldbaazi karte hai

Baat karte waqt agar ham soche samjhe bina jab bolne lagte hai tab grammer bigad jaata hai hamaara. Baaat karte waqt jaldbaazi na karen. Thoda ruk kar boliye agar aapko sahi word nahi mil raha hai. Kyuki kya hota hai jaldi ke chakkar ham ham ek baar galat to bol dete hai lekin phir iski aadat ban jaati hai. To isliye ise aadat banne hi na de. Yaad rakhiye duniya me bahut se acche speakers slow bolte hai soch samaj kar.

2. Shabdon ko soch samaj kar use kijiye

Har baat ka jawaab dena zaruri nahi-
Kai baar kya hota hai ki agar koi hamse kuch sawaal English me pooch leta hai to ham uska jawaab dena chahte hai agar hamare manme jawaab na ho ya clear jawaab na ho uske baawjood. Ise ek example ke zariye aapko bataata hu. Jaise ki agar koi aapse pooche ki “What do you think about match fixing in cricket”. To aap jo hai apna view rakhne ki jaldi me ho sakta hai galat words bolde. Jaise agar aap match fixing ke topic ke baare me jo kehna chahte hai clearly uska filhal sentence frame nahi kar paa rahe hai. To ek kaam kijiye. Thoda sochne ke liye samay lijiye aur kahiye. “Let me think about it”. Phir baadme aaraam se kahiye.

3. Sirf words mat seekhiye

Sirf words mat seekhiye balki ye bhi seekhiye ki use sentences me use kaise karna hai. Agar aapne kai naye words seekh liye lekin use apne baat cheet me use hi nahi kar paa rahe to ka fayda. Isliye jabhi koi naya word aap jaane to use sentence me kaise istamaal karna hai ye bhi zarur seekhiye taaki aapko baat cheet me koi dikkat na aaye.

To doston in baaton ka dhyan zarur rakhiye. Agar aapko video acchi lagi to like karna na bhule aur haa jis kisi ne bhi subscribe nahi kiya hai wo kar le. Hume comments mein bataaiye ki kya aapko aise videos aur chahiye is channel par ya kisi aur tarah ke videos chahiye to hume wo bhi bataaiye. TO milenge next video mein jald hi. Dhanyawaad.

Add a Comment

Your email address will not be published. Required fields are marked *