English mein kaise sochen

Doston pichle baar english practice ke tips wale video me maine ek tip kaha tha ki english me hi sochen. Aaj mai aapko bataunga ki kis tarah se aap english me soch sakte hai. Aur isme to aapko zara bhi sankoch karne ki zarurat hi nahi kyuki bhai ham to soch me practice kar rahe hai.

1. choti choti baaton ko english me sochne se shuru karen
jaise joote ko shoes kahen. apne ghar me jo bhi vastu ho usko english me soche. jaise paudho ko paani dena ho to I need to give water to the plants. ye aap kisi bhi jagah par kar sakte hai aur sharm aa rahi hai to akele me kahiye.

2. simple sentences ko english me soche:
jaise traffic me phas gaye ho to. It looks like it will take me one hour to reach office.

3. apna din english me plan karen: jaise mai abhi bus pakadne wala hun ko. I will catch the bus now. Mai aaj office jaldi niklunga. I will leave from office early today.


4. kisi se baat karte samay bhi english me soche: jaise koi sawaal ho to uska jawaab english me sochiye. kisi ne aapko poocha ki “bhai tera boss kaisa hai” to aap english me uska jawab sochiye “my boss is a great person” or “my boss is very bad”

5. Travel karte samay ya break me english me sochiye: Jaise aap kahin jaa rahen ho aur aas paas ki cheeze aap dekh rahe hai. Raasta kharaab ho to “This road is so bad”. Koi ghar sundar lage “What a beautiful house”.

yaad rakhiye ki jab tak aap naturally english nahi bol payenge ya phir man me translate karke hi bolte rahenge to aapko fluent english bolne me bohot dikkat aayegi.

Leave a Reply