English greetings seekhiye

https://youtu.be/mlUpAz-1nAY

Doston aaj hum seekhenge kuch basic English greetings jo aapko kaafi useful rahengi. Aapko bataunga ki kis situation mein aapko kaise greet karna chahiye. Chahe aap business kar rahe ho ya job kar rahe ho, ye jo kuch sentences mai aapko sikhaane wala hu is video mein wo aapko kaam ayengi, kyunki kaafi baar aapko business mein aise clients mil sakte hai jo English mein zyaada comfortable ho ya aapke job mein bahut chances hai ki aise clients mile jo English mein bolna prefer karte ho.

To aapko ghabraane ki bilkul bhi zarurat nahi hai kyunki is channel hum aapke liye aise English lessons laate rahenge jo aapki English jaldi se improve karne mein helpful rahenge. Ok to shuru karne se pehle…

To English greetings mein sabse basic word jo aam taur par use hota hai wo to hai Hello, hai na? Lekin har situation mein sirf hello to nahi bol sakte to aaiye kuch aise situations aapko batata hu aur ye bhi bataata hu ki aapko usme kya karna chahiye.

Pehle dekh lete hai ek formal situation, yaani ek aupcharik paristhithi

1. Farz kijiye ki aap kisi zaruri client se mil rahe hai pehli baar ya phir aap apne office mein kisi client se mil rahe hai. To doston aise situations mein aapko formal tarike baat karni hogi. To aap kuch is tarah se baat kar sakte hai.

You: Good morning, you must be Rohan Khanna?
Client: Good morning. I am sorry and you are?
You: I am Anand. Very nice to meet you. Welcome to our office.
Client: Thank you
You: How are you today?
Client: I am good. Thank you. And yourself?
You: I am fine. Thanks for asking

Doston ye to formal situation hua, ab hum thoda informal situation ki baat karte hai, yaani ek anaupcharik paristhithi. Jaise ki aap apne office ke kisi colleague se mil rahe hai. To kaise greet karke baat karenge? Aaiye dekhte hai.

Colleague: Hello, are you Ramesh?
You: yes, and you?
Colleague: Raju, good to meet you
You: Same here
Colleague: How are you?
You: Fine, thanks. And you.
Colleague: Good. Thanks

Doston in dono situation mein aapko fark to samajh aaya na?
Jaise ki formal situation mein humne words zyaada use kiye client se formally baat karne ke liye.
Jabki informal situation mein humne kam words use kiye.
Aur ye bhi dekhiye ki kaise words ko form kiya humne informal mein thoda alag tarah se.

Doston lekin kya ho agar aisa koi situation ho jisme aap dusre kisi ko introduce karwa rahe ho. Jaise aap client se milte ho aur apne colleague se unhe introduce karwana chahte ho yaani milwana chahte ho. To wo aise karenge. Jo ki ye formal situation hai to formal tarike se-
Let me introduce my colleague, Rakesh.

Aur isi ko agar aap informal situation mein kehna chahe. Jaise ki aap apne ek colleague ko dusre colleague se milwa rahe ho. To aap kuch is tarah se kahenge.
This is Rakesh.

To doston aapne do situations mein kaise greet karna hai English mein wo seekha aaj is video mein. Kaisa laga ye video aur agar aapko aise videos aur chahiye to hume comments mein zarur bataaiye ya kisi aur tarah ka video chahiye to wo bhi bataaiye. Subscribe jisne bhi nahi kiya, wo niche jo laal color ka button hai use dabaakar kar sakte ho. To milenge next video mein. Jald hi. Dhanyawaad.

Add a Comment

Your email address will not be published. Required fields are marked *