OnePlus.net par credit card information ki hacking

OnePlus users jo oneplus.net par credit card ke zariye kuch khareed rahe the unke liye ek bahut zaruri news aayi hai. OnePlus company ne kaha hai ki unke system me hacking hui thi jisse 40,000 users affect hue ho sakte hai.

Matlab jin users ne apni credit card ki use kia the one plus ke online store oneplus.net me update ki thi mid november 2017 se january 2018 ke beech me wo log isse affect ho sakte hai.

Company ne kaha ki unhone un users ko email kia hai jo isse affect ho sakte hai ya hue hai. Company ka statement tha ye ‘One of our systems was attacked, and a malicious script was injected into the payment page code to sniff out credit card info while it was being entered. We have quarantined the infected server and reinforced all relevant system structures’


Matlab ki system me attack hua tha aur ab investigation uspar chal rahi hai.

Jo cheeze hack hui hogi unme user ke credit card ke information jaise card numbers, expiry dates aur security codes ho sakte hai. Oneplus ne ye bhi kaha hai ki jin user ne payments save kiye hue credit card se kia hai wo log affect nahi hue honge. Aur jinhone ‘Credit Card via PayPal’ facility ya sirf PayPal se bhi pay kia hai wo bhi isse affect nahi hue honge.

Jab tak ye investigation chal rahi tab tak OnePlus.net store par credit card payments suspended rahenge.

To ab un customers ko kya karna chahiye jinhone credit card ki koi details daali thi wahan?
Aap apna credit card statement check kijiye aur aisa koi bhi transaction aapko lage ki aapne nahi kia ho to wo turant apni credit card company aur Oneplus ko report kijiye. Oneplus ko report aap is email id security@oneplus.net ke zariye ya uske website support ke zariye kar sakte ho. Waise to normally jaise hi koi transaction hota hai credit card ka aap ko sms aa jaata hai uska.

To mitro aapme se jo bhi OnePlus mobile use kar rahe hai aap bilkul bhi ghabraiye mat aur mujhe bataaiye ki aapko kya OnePlus se koi aisa email aya hai?

Leave a Reply