Kam samay mein board exam 2019 ki tayyari kaise kare?

Board Exam 2019 ke liye tayyar ho doston? Waise to board exams yaani 10th aur 12th ke exams ke liye jitna jaldi padhai shuru karte hai utna accha hota hai lekin kaafi students jaldi padhai shuru nahi kar paate hai. Par dariye mat. Agar aap time management thik se kare to kam samay mein bhi acchi preparation ho sakte hai.

1. Time table banaaiye-
Jab samay kam bacha ho to sabse pehle aapko time management par dhyaan dena hai. Aapka exam kitna accha jayega yah aapke time management par bahut nirbhar karega. Aisa time table banaaiye jisme jo abhi kam samay aapke haath mein hai uske har ghante ka best use ho sake. Par dhyaan rakhna time table realistic aur jise achieve kar sake waisa hona chahiye. Matlab ki schedule aisa mat banao ki jo kam time mein complete karna bahut zyaada mushkil ho ya possible na ho. Time table sirf banana nahi use follow kar na important hai.

2. Time waste karne wali cheezein apni life mein kam karen-
Time table ko follow karne mein kaafi saari dikkatein aati hai jaise mobile phones, computer ityadi. Actually in cheezon ki lat ki wajah se yah dikkat aati hai. Inko avoid kare. Padhte waqt Mobile phone apne parents ko de dijiye. Internet connection band karwa dein. Is tarah aap apni padhai mein vign daalne wali cheezon ko elimnate kar denge aur aap apna time table thik se follow kar payenge

3. Marks ke weightage ke anusaar chapters prepare kariye-
Jab samay kam bacha ho to saare topic cover karne ka pehle mat sochiye. Systematically padhna zaruri hai. Kuch chapters ya questions zyaads marks carry karte hai. Wo pehle ke exam mein aur topics ke mukaable mein zyaada pooche gaye hai. Toh aise chapters ya questions ko aap pehle padhiye poore focus ke saath. Isse aapke samay ka sahi upyog hoga. Aur agar aapke paas anth mein samay nahi bachta to kam se kam aapne zyaada weightage waale chapters toh cover kar liye honge aur aap exam mein above average marks laa payenge.

4. Tough subjects ya topics ke liye group study kar istamaal karein-
Padhai karte samay aapko aise subjects ya topics milenge jo aapko samaj naa aa payein. To unko aap mark kar lijiye aur dusre topics padhna shuru kijiye. Phir ek group study session arrange kariye apne kuch classmates ke saath aur wo topics jo aapko samaj mein nahi aaye the jo aapne mark kiye the wah apne classmates se samajne ki koshish kariye jinko wo topics aate hai. Aur bhai sirf seekhiye mat balki apne doston ko sikhaaye bhi. Isse aapke doston ki help bhi ho jayegi aur aapka bhi revision ho jayega.

Par ek baat dhyan rahe group study mein time waste nahi hona chahiye. Kaafi baar hame pata nahi chalta aur ham sirf gappe maarte reh jaate hai padhne ki bajaye. Group members ko seriously padhai karni chahiye aur nahi padh sakte khud to kam se kam dusron ko disturb to bilkul karna nahi chahiye.

5. Relaxation ke liye bhi thoda time nikaalo-
Ek acche time table mein relax karne ke liye bhi paryapt time hona chahiye. Koi aise activity kijiye jisse aapka stress door ho paye aur aap fresh mehsoos karein. Par relaxation time mein beh mat jaana, usse control karke wapas padhai par aana hai bhai. Aur mitron tension to bilkul mat lena. Kyunki ya sirf ek chota sa exam hai, zindagi mein bahut aur cheezein bhi hai karne ko. To agar kisi kaaran se exam mein accha nahi kar pao to nirash hone ki koi zarurat nahi hai. Aapke paas bahut tarah ki opportunities aati rahengi jiska aapko shayad abhi idea na ho. To bas give ur best.

Add a Comment

Your email address will not be published. Required fields are marked *