कैसे करें / How to

Google Adsense se paise kaise banaaye?

Google Adsense Google ki ek Advertising service platform hai jise istamaal karke hum apne blogs ya videos par google ke dwaara di gayi ads ko dikha kar paise kama sakti hai. Google hamare blogs ya videos par ads dikhayegi aur jab users uspe click karte hai tab hame google ek amount pay karti hai. jitne jyaada click utna jyaada amount. har click par kuch paise milte hai.

Sabse pehle google adsense ki account signup kijiye aur usme saari zaruri details bhar dijiye. Google adsense se aap do tarike se paise kama sakte hai. Blog se aur Youtube video se. Aaiye ise vistaar me samajhte hai

Blog se:

aap ek blog banaiye aur uspar google adsense ki ads activate kar dijiye. Agar aapka blog bahut popular hai aur uspar views bahut jyaada hai to aap jyaada paise kama sakte hai. Aisa nahi hai ki isme aap raato raat ameer ho jayenge par agar aap bahut blogs likhte hai aur acche view mil rahe hai to ek decent income kama sakte hai. Blog likhne ke liye aap do tarike istamaal kar sakte hai. Ya to ek sasti website banaiye jisme aap apne blog regularly likhenge ya fir koi free service jaise blogspot.com par account create karke uspe blogs likhiye.


YouTube se:

YouTube itna famous ho gaya hai ki bahut se log youtube par education, movie wagara dekhte hai. Youtube par paise kamane ke liye aapko bas videos banaane hai ya record karne hai aur use apne create kiye hue youtube channel par upload karna hai. Youtube channel create karna bahut aasaan hai. Fir google adsense ki ads ko apne channel par activate kar dijiye. Yah bahut aasaan hai. Ise karne ka procedure aapko google par mil jayega. Iske baad apne video ko monetize kar dijiye monetize button dabaakar. Bas aapke video se pehle aur video ke dauraan ads dikhaye jayenge aur un ads ko click karne par ya kaafi baar us ad ko 30 sec tak dekhne par aapko paise milte hai.

Aapko video interesting aur jo logon ko pasand aaye waise banani padegi. Kyuki views jyaada honge to hi jyaada ads par click karne ke chances hai warna kam views me to kuch nai hoga. Par niraash mat hoiye agar shuruwaat me view nahi mil rahe. Isme bhi thoda samay lagta hai. Jaise jaise aap interesting videos banate jayenge to ise share kare apne friends ke saath aur aapka video accha hoga to jyaada log use dekhenge zarur. Youtube aapko jo paise dega wah aapke adsense account me jama hoga. $100 hone par hi aap use apne bank account me transfer kar sakte hai.

Leave a Reply