Credit Card ke 5 fayde

Demonitisation ki wajah se credit cards aur debit cards ka use kaafi badha hai. Debit cards to waise kaafi bank account holders use karte hai but credit cards utna use nahi karte. Mitro is video me mai aapko bataaunga ki credit card ke kya kya fayde hai. Aur next video me use galat tarike se use karne ke nuksaan bataaunga.

Aaiye dekhte ki benefits kya kya hai credit cards use karne ke

1. Aapko credit score build karne me help karta hai
Ji haan. Agar aap credit card ke bills time par pay karte ho to aapki credit history acchi hoti hai. Isse Jab aapko koi Loan chahiye hota hai Banks se to wo aasaani se mil jaati hai. Haalaaki agar aap payment me default karoge ya bahut baar kaafi late se bharoge to credit history kharaab bhi hoti hai usse.

2. Aapko rewards points, cash backs wagehra milte hai shopping par
Kaafi cards me reward points ki scheme hoti hai. Jitni baar aap shopping karte ho to amount ke hisaab se thode thode aapke point us hisaab se jama ho jaate hai.
Har point kuch paise ya rupees ke barabar hota hai. Phir jab wo points bahut ho jaye to usse aap kuch khareed sakte hai ya credit card bank aapko gift vouchers degi. Halaki ye points bahut thode hote hai lekin dheere dheere karke badhgenge jab bhi aap credit card use karoge.


3. Fraud hojaane par aapko nuksaan nahi hoga adhiktar
Jab bhi aapke credit card se koi unkonwn transaction hoga to aapko sms, email aur credit card statement ke zariye pata lag jayega. Aap credit card wali bank ke saath dispute raise kijiye. Ek form bharke submit karna hota hai aur wo us fraud ko investigate karegi. Jab unko pata lagega ki fraud hua tha tab wo aapko uska charge nahi karegi.

4. Kaafi samay milta hai payment karne ke liye
Normally aapke credit card ke bill generation date se lekar agle ke agle due date tak ke beech 50 se 55 din ka samay hota hai. Jaise meri bill generation date hai 20 aur maine 20 ko kuch kharida to uski payment mujhe agle ke agle 9 ko karni padegi. To is tarah mujhe uski payment ke liye 50 din mil sakenge. Aise hi agar mai baaki dates par bhi karta hu purchase to aapko kam se kam 18-19 din to milenge hi har payment ke liye

5. Kaafi saare credit cards me annual charges nahi hote hai
Ji haan. Bahut saare credit cards me annual charges nahi hote hai yaani har saal aapko koi fees nahi pay karni hai.

To mitro ye the credit cards use karne ke kuch fayde. Next video aa rahi hai MCA ke subjects ke baare me. To subscribe kar lijiye CODE Hindi ko. Dhanyawaad.

Leave a Reply