Communication skills kaise improve kare?

Namaskar Mitro mai hu Vicky Shetty. Aur haal kaisa hai aapka?

Communication skills yaani sanchar ka kaushal. Sab jaante hai ki communication skills bahut zaruri hai hamaare liye par iske bawjood ham ise improve karne par dhyan nahi dete. Communication ek aise cheez hai jo aapke zindagi ke har pehlu me kaam aayegi. Mitron communication ka main motive kya hota hai? Understanding. Matlab ki jo bhi log communicate kar rahe hai unko ek dusre ki baat samajme aani chahiye. Iske liye aapko observe karna chahiye ki saamne wala keh kya raha hai. Aur observe karne ke liye aapko dhyan dena padega. Isi se aapke listening skills bhi acche honge. Yaad rahe ki acche communicator ki sabse acchi baat hai ki wo sunta acche se hai. Pehle saamne wale ki baat samajhiye. Aur agar samajhme naa aye to usse kahiye ki sorry mai samjha nahi aapki baat kya aap please thoda aur explain kar denge. Ya agar aapko koi doubt ho uske explanation mein to woh doubt poochiye. Mitro ham chahte hai ki saamne wala hamaari baat sune lekin jab saamne wala hamse koi baat bol raha hota hai tab ham yeh bhool jaate hai ki hame bhi uski baat pehle sunkar samajh leni chahiye.


Dekhiye yahi to saara khel hai. Communication me sunna bahut zaruri hai taaki misunderstanding na ho. bahut simple hai lekin ham kuch zyaada sochne ki wajah se bahut baar galati kar baithte hai. Jitna ho sake sahi shabd ka istamaal kijiye. Shabd bahut hi powerful medium hai. Ispar itna dhyaan ham dete nahi par shabd ke madhyam se bahut kuch kia jaa sakta hai. Isse cheezein aap kharaab kar sakte ho ya acche kar sakte ho. Isliye words dhyan se istamaal karna. Logon se connect karna bahut zaruri hai. Jab bhi aap kisi se baat karenge unko accha feel hona chahiye. Quantity se zyaada quality improtant hai. Yeh important nahi hai ki aap kitna zyaada baat karte hai balki yeh important hai ki aap kya baat karte hai. Jo kehna zaruri hai wahi kehte hai ya bekaar ki baaton se logon ki irritate karte hai. Jaaniye ki kahan par aapko chup rehna chahiye.

Waise kaafi logon ki ek aadat hoti hai ‘hmmm’. Arre bhai ye ‘hmmm’ kya hai? Jitna ho sake aisi cheezein apne communication mein use mat kijiye. Isse yeh lagega ki aapko saamne wale se baat karne mein ruchi nahi hai. Kisise agar baat kar rahe ho toh interest se baat kijiye. Jahan zarurat ho waha par pause lijiye. Kisi baat ka jawaab dene mein jaldbaazi mat kijiye. Sunkar samajhiye thoda samay lekar. Halka hasi mazaak bhi kar sakte hai. Par dhyaan rahe isse kisi ko bhi hurt na ho. Bekaar ke jokes se door rahiye. Jokes ko forcefully ghusedne ki koi zarurat nahi hai. Ye zaruri nahi hai ki har conversation me mazak ho. Sabka swabhav alag hota hai is baat ko samajhiye.

Mitro mere khayaal se abhi ke liye itna kaafi hai. Par mai is video ke aur parts banaunga jisme mai aapko communication skills improve karne ke baare mein aur cheezein bataunga.

To mitro video acchi lagi to like karo aur share zarur karna sabke saath. Aur subscribe kar liya na?

Leave a Reply