Bitcoin ke baare me jankari?

Namaste Mitro, Mai hu Vicky Shetty. Aaj ka ye video ek warning video hai jisme mai aapko Bitcoin se savdhan rehne ke liye keh raha hu. Mai normaly career se jude videos banaata hu lekin mujhe ye video banaana pada kyuki bahut se young log is Bitcoin ke chakkar me phas sakte hai.

Kaafi bache aur adults videos bana rahe hai ki bitcoin kaise kharide bina soche samjhe. Ye bahut khatarnaak saabit ho sakta hai. Bahut logo ko lagta hai ki ye badhta hi rahega lekin aap khud dekh lijiye kuch dino pehle ek bitcoin 10 lacs ka tha aur aaj 5 lacs ka hai aur kya pata kisi din 100Rs ho jaye. Iska control kisi ke paas nahi hai.

Sabse pehle to bata deta hu bitcon hota kya hai?
Bitcoin ek cryptocurrency hai yaani digital virtual currency. Ye decentralized hai matlab ki iska koi regulation nahi hai isko ko administor nahi kar sakta. Sarkar isko manyata nahi deti hai. Bitcoin ko banaya tha kuch strangers ne jo apne group ko Satoshi Nakamoto ke naam se bulaate hai. Ye mining se create kiya jaate hai. Mining ek record-keeping service hai jo computer ke processing power ko use karke banaya jaata hai. Bahut difficult aur mehenga hota hai ye mining. Ye transactions ke liye virtual money ke roop me shuru hua tha aur aaj kuch log isme investment kar rahe hai.

Isse door kyu rehna chahiye? Aaiye Iske reasons batataa hu.

Ye bahut hi risky hai. Iska price bahut fluctuate hota hai. 30% se bhi zyaada upar neeche ho sakta hai daily iska price. Safe nahi hai ye bilkul. Warren buffet ne bhi kaha tha Bitcoin ka ant bahut bura ho sakta hai. Bitcoin badhta kaise hai iska reason kisiko nahi pata. Kisi din ek bitcoin ka rate 10 lac hai to kuch din baad ek bitcoin ka rate 5 lac ho jaata hai. Koi bata nahi sakta ki ye kitna neeche jaata sakta hai aur kitna upar aa sakta hai. Jis cheez ko ham thik tarah samaj nahi sakte usme investment to bilkul ek andh vishwas kaha ja sakta hai, jo ki kabhi nahi karna chahiye.


Ye ek bimaari ki tarah fail rahi hai. Aap isse bachke rehna. Mera kaam hai aap logo ko savdhaan karna baaki aap khud samaj lo. Rakesh Jhunjhunwala ne bhi kaha hai ki Bitcoin ka koi proper base nahi hai. Ye jald hi phus ho jayega.

Bank account ya credit card ke case me agar paisa dusre account me chala gaya to wapas aa sakta hai lekin bitcoin se nahi aa sakta jab tak ki investor khud use dena na chahe.

Bitcoin me hacking bhi ho chuki hai kuch baar. To isme agar aapka paisa chala gaya to sarkar ya koi bhi kuch bhi nahi kar payega kyuki Isme koi regulation ya beechme me koi hai hi nahi.

Isliye agar aapko apna paisa invest karna hai to aise investments kijiye jise sarkar encourage karti hai aur jisse desh me sabhi ko fayda hoga jaise FD, PPF, Gold, Property, Debt Fund, Equity Fund, share (Halaki shares aur mutual funds me market risk hai par bitcoin ki tarah baseless nahi hai). In sabme aap planning karke investment kar sakte hai. Haan inme paisa badhne me thoda samay lag sakta hai lekin aap apna paisa raatoraat Bitcoin ki tarah gawayenge nahi.

Jab Bitcoin ke prices bahut girne lagenge tab iske khareeddaar milne bhi mushkil ho sakte hai. Bitcoin me zyaadatar paise black money walo ke hai. Isme koi regulation nahi hai isliye iska istamaal hackers aur terrorists bhi kar sakte hai.

Bitcoin me Calculation aur Prediction bilkul bhi involved nahi hai. Ye ek blind game ki tarah hai. Ise ek jua hi keh sakte hai. Bitcoin ko predict karna lagbhag namumkin hai. To apne khun pasine ki mehnat se kamai hue paise ko aisi cheez me mat daalo doston.

Career se judi acchi guidance ke liye subscribe ar lijiye is channel ko agar aapne ab tak nahi kia ho to. Fayde me rahenge aap.

Leave a Reply