Software development और Web development. What is the difference? (Hindi)

Web development maine explain kiya tha pichli baar jiska kaafi accha response mila, feedback bhi badhiya mile ki aapko acche se samajh aya ki web development kya hai. Lekin doston kya aapko ye confusion hai ki web development aur software development in dono mein fark kya hai aakhir? Aaiye aaj aapka ye confusion mai door kar deta hu.

Ab dekhiye kaafi log in terms ko interchangeably use karte hai matlab ki Computers ki duniya mein kuch terms jo wo alag alag maukon par alag alag tariko se use hote hai.

Web development jo term hai wo use hota hai kisi web application ya website ko create karne mein jo kahin par host ki jayegi. Ye applications internet ke liye ya intranet ke liye create ki jaati hai. Ab ye koi simple si static page ki website ho sakti hai ya complex web applications, electronic businesses, aur social network services ho sakte hai jaise ki amazon.com, google.com, youtube.com, facebook.com etc.

Software development term jo hai wo tab use hota hai jab hum software ya applications computer coded language ya phir kisi specific programming language mein create karte hai. Example bataunga to aapko acchi tarah se samaj ayega. Software develpment mein mainly to aate hai desktop application jaise ki windows hai, ms word hai, win zip hai, browsers hai etc. etc. Ya native mobile applications bhi ho sakti hai jo aap apne mobile par install kar sakte hai.

Software development mein applications kisi specific platform ke liye develop ki jaati hai jabki web development mein web applications cross platform hote hai (cross platform matlab kisi bhi OS par chalne wali). Jaise jo websites hai ya web applications hai unke link aap kisi bhi operating system ke browser mein daaldo wo use open kar deta hai. Hai na?

To mitro blog acchi lagi subscribe karlo

Add a Comment

Your email address will not be published. Required fields are marked *