Full stack web developer ka matlab kya hai? in Hindi

To doston full stack web developer kya hota hai. Normally dekhiye kisi bhi project ke liye companies jab hire karti hai to wo particular technologies ke specialists ko leti hai. Jaise front end ke liye front end developers aur back end ke liye back end ke alag alag technologies ke developers.

Lekin kuch companies kuch projects ke liye full stack developer ko prefer karti hai. Waise ye pehle se nahi tha pichle kuch saalon mein kuch had tak ho raha hai. Full stack web developer matlab ki wo person jo client aur server applications dono develop kar sakta hai. Yaani Front End aur Back End dono par kaam kar sakta hai. Ab ye zaruri nahi hai ki wo dono side par expert ho. Ho sakta hai ki wo kisi ek mein expert ho jaise Front End mein ya Back End mein aur dusre par bhi wo kaam kar sakta hai, bhale hi usme expert na ho. To ye actually project ki jo requirement hogi us anusaar ek full stack developer usme fit ho sakta hai.

To use browser ki technologies to aati hai jaise (HTML, CSS, JavaScript, jQuery, Angular etc) aur saath hi server ki technologies. Par server ki technologies jaise PHP, Java, Python, Nodejs etc. par kaam karna bhi aata hai. Aur saath hi database ki technologies jaise SQL, SQLite, ya MongoDB etc. ko use karna aata hai.

To full stack developer hone ke agar kuch fayde hai to nuksan bhi hai.

Lekin pehle fayde ke baare mein dekh lete hai-
Aap requirements ke anusaar front end aur back end development mein switch kar sakte hai. Matlab ki aap kaafi flexible developer ho sakte hai. Aapke liye opportunities ka scope badh jaata hai.
Aap ek development project mein sabhi skills ko master kar sakte hai
Aap sabhi team members ko help provide kar sakte hai
Project ke cost ko aap reduce karwa sakte hai kyunki aap multiple resources ke kaam jaante hai
Aap team communication mein jo time use hota hai use kam karwa sakte hai
Jo new aur upcoming technologies hai, aap uske saare aspects ko acchi tarah samajh sakte hai

Ab dekhte hai jo sike kuch nuksaan jo ho sakte hai
Full stack developer banna complex ho sakta hai agar aap dono side ke technologies ko bhi nahi samajh paye. Matlab ki aap dono seekhne ke chakkar mein ek bhi acchi tarah agar seekh nahi payen. To dono ko acche se samajhiye, han expert kisi ek mein bhi ho sakte hai

Agar aap thik se manage nahi kar sakte hai to dono side ke technoloiges mein sync mein kaam karne mein mushkil aa sakti hai. Lekin agar aapko sachmuch interest hai to phir mujhe lagta hai aapko isme dikkat to nahi ayegi.

To doston full stack developer banna aapke interest aur aapke natural abilities par bhi depend karta hai. Waise aap shuruwaat mein kisi ek side ke technologies par kaam karne ke baad bhi dusre side ke technologies ko seekh sakte hai agar aapko interest hai to. Waise koi hard and fast rule nahi hai ki aapko fullstack hi karna hai, agar aapko dono side ke kaam karne mein utni ruchi nahi hai to aap kisi ek side mein hi continue kar sakte hai jisme aapka interest hai

To mitro blog acchi lagi to share zarur karna sabke saath. Aur subscribe kar liya na?

Add a Comment

Your email address will not be published. Required fields are marked *