SEO explained in simple words in Hindi | SEO kya hai jaaniye 2019 mein


Bahut swaagat karta hu aapka Career Code Hindi ke is digital marketing series mein. Mitron har din crores blog posts publish hote hai. Toh isme aapka content search engine mein upar laane ke liye SEO ek important factor hai.

Aaj is blog mein mai aapko SEO smajhaunga bilkul simple tarike se. Aur usse related kuch important cheezein bataunga jo aapko aapke jobs mein hi nahi balki kaafi freelance projects mein bhi kaam karte hue aapko kaafi useful hoga.

SEO ka full form to waise hai Search Engine Optimization. Waise iska matlab kya hai? Pehle toh doston Search Engine jo hai wo to Google, Bing jaise site hai jisme ham websites search karte hai. Aur SEO wo process hai jisse aap apne online content ko optimize karte ho taaki wo search engine mein top ke unpaid results mein show kare kisi keyword ke liye. Aur dhyaan rahe unpaid results matlab without kisi search engine ko paise pay kiye hue jise organic search results bhi kehte hai.

Ye is liye bata raha hu kyunki apne content ko paise dekar bhi search engines par higher rank kar sakte ho. Aur Search Engines ki jab baat hoti hai to Google ka market share hai 92.74%. To isliye sabhi log apni site ko Google ke first page par rank karne ki koshish karte hai.

Google apni algorithm ke basis par is sites ko rank karta hai kisi particular keyword ke liye. Ab Google ne kuch cheezein apni is algorithm ki bataai hui hai aur kuch cheezeing unhone nahi batai hai taaki koi uska misuse na karen. Aur wo thode bahut changes bhi karte rehte hai apni algorithm mein.

Waise agar broadly dekha jaay to 2 tarike se SEO kia jaa sakta hai. Pehli technique ko companies recommend karti hai kyunki wah acchi design ka pratik hai, wah hai white hat SEO technique aur dusre technique ko recommend nahi karti hai wah hai black hat SEO technique

Black hat technique mein search engine ke rules ka galat istamaal karke apne content ko higher rank karne ki koshish rehti hai jaise Duplicate content, Invisible text ya keywords, user ko dusre website par redirect karwaana, galat sites par linking karna.

Toh ise ek tarah se search ko ko dhoka dena keh sakte hai. Aur agar Search Engines ko pata chale ki aisi technique use ho rahi hai kisi content par toh wah use lower rank ya temprory ya permanently ban bhi kar sakte hai.

White hat strategy jo hai wah recommended strategy hai jo mai aapko sikhuanga.

White hat mein content original hota hai. Images proper hote hai. Links content se match karne wale hote hai. Grammatical mistakes nahi hote hai. Standard HTML follow kia jaata hai.

Aur ek technique jo kabhi kabaar use hoti wah hai Grey hat SEO. Dekhiye hamne dekha black hat aur white hai seo. Ab yeh hai grey hat seo. Yah white aur black hat seo ke beech ka raasta hai jisme aapki site par koi penalty nahi lagti par yah users ko utna accha content bhi provide nahi kar paata. Grey hat technique mein content se zyaada search engine ranking ko improve karne par focus kia jaata hai. Isme aap search engine ko dhoka to nahi dete hai par ek alag advantage lene ki koshish karte hai.

SEO ki do catergories jo hai wo hai on-page SEO and off-page SEO.
On-page SEO mein wo saari cheezein aati hai jo aap apni webpage ya website ke andar kar sakte ho apni search engine ranking improve karne ke liye. Jaise aapke page ke title tags, meta description, keywords, original content, mobile friendly pages, proper HTML ityadi acche se likhna. Yeh hai on-page SEO.

ab dekhte hai Off-page SEO –
Off page SEO mein wo saari cheezein aati hai jo aap aapki website ya webpage ke bahar karte ho uski ranking improve karne ke liye. Jaise link building, Social Media Marketing, Social Bookmarking Sites, Blog Submission, Forum Submission, Local listings, Answer Questions ityadi. Isse search engines ko yah pata chalta hai ki aapki website kitni important hai aur search engines uspe kitna trust kar sakte hai. Jo high quality websites hoti hai wo dusre websites jaise facebook, twitter ityadi par mention kiye hote hai ya unke links hote hai.

Mitron SEO ek bahut hi vast topic hai jisse mai sirf ek video to obviously nahi cover kar sakta. Isliye mai SEO ke jo techniques hai uspar aur videos upload karunga. Un videos ki notifications paane ke liye subscribe karke bell icon zarur press kijiyega agar aapne nahi kia hai toh. Video acchi lagi to like karo aur share zarur karna sabke saath. Thik hai dostong milenge next video mein. Dhanyawaad.

One Comment

Add a Comment

Your email address will not be published. Required fields are marked *