Lead generation tips in Hindi


Doston insaan kaat ta wahi hai jo wo bota hai aur Kisi bhi business ke liye lead generation bahut zaruri hota hai. Shayari pasand nahi aayi kya? Koi baat nahi article zarur pasand ayega. Pichle baar mein maine aapko bataya tha ki lead generation kya hai aur kaise kiya jaata hai ye. Lead ke types bhi dekhe the humne. Aaj is article aur video mein mai aapke saath share karne wala hu lead generation ke kuch badhiya tips jo aapko leads generate karne mein helpful rahenge. Isme kaafi tips online lead generation se related hai. Kyunki Kaafi companies aur individuals ko issues aate hai leads generate karne mein. Aur haan kisine ab tak subscribe nahi kiya hai to kar lijiye. Aaiye dekhte hai lead generate karne liye 10 badhiya tips.

1. Quantity se zyada quality ki or dhyan dijiye
Kya aap chahte hai ki aisi naubat aaye ki aap kahe..khaya piya kuch nahi glass toda bara aana. Doston jab aap kaafi mehnat kar lete ho ek lead ke upar aur phir last mein pata chale ki wo lead qualified hi nahi tha to kaisa lagega aapko. Ek to mehnat waste hoti hai aur dusra samay bhi barbaad. Unqualified leads par apna samay barbaad na kare. Aap reasearch kijiye aur aisa target audience chuniye jinke aapke product ko khareedne ke chances kaafi zyaada hai. Jitna ho sake Quality leads shortlist karne ki koshish karen. Agar aap online lead generation kar rahe hai to apne audience ko engaged rakhiye. Engaged yaani wo aapka content dekhkar jaldi bhaage nahi. Sochiye kisine aapka content padhna shuru kiya aur kuch seconds mein hi bhaag gaya aapke site se. Isse aapka lead to gaya lekin aapke page ki search engines par ranking bhi affect ho sakti hai. Content ko interesting banao. User ko value provide karo. Content dekhkar use bhi lage ki haa ye kaam cheez hai. Content apne particular target audience ko dhyan mein rakhte hue banana. Sabhi logo ko sabhi tarah ka content dikhaane ke chakkar mein apna samay mat barbaad kar dena. Jis audience ko aap target kar rahe ho zara socho ki unke kaam ka hai kya content.

2. Data sahi hona chahiye aapka
Kahin aap galat disha mein to nahi jaa rahe. Jise doodh chahiye use pepsi to nahi bech rahe. Doston agar aapko sahi logon ko sahi samay par target karna hai to iske liye aapke paas sahi data ka hona zaruri hai. Isliye leads par mehnat karne se pehle ye check zarur kar lena ki jo data aap jo use kar rahe hai wo sahi hai ya nahi. Data aapka reliable hona chahiye. Data sahi hoga to aap bina kisi confusion ke shant man se lead generate karne ki or dhyaan de sakte ho. Samaj mein to aa raha hai na jo mai bata raha hu aapko. Dhyan se sunenge to samaj mein zarur ayega.

3. Apne website ka sahi istamaal kijiye
Aapka website ek bahut zaruri madhyam hai leads generate karne ka. Aapko aapke website par zyaada se zyaada traffic lana hoga zyada leads laane ke liye. Aapke website par jo call-to-action hai na, wo clear hona chahiye. Call-to-action to samajte ho na. Call-to-action ek marketing term hai jo use kehte jab koi cheez ya phrase customer ka immediate response paane ke liye istamaal kiya jaata hai. Jaise for example aapne apne website ki ek button par likha ki for best deal click here to wo aapka call to action ho sakta hai. Call to action mein copywriting skill ka istamaal karna chahiye. Maine apne copywriting wale video mein bataya hai copywriting ka importance. Shabdon ke khel se aap logo ko apne product ki or aakarshit kar sakte ho. Jaise ki aapne likha ‘we have a great offer on shirts. Click to buy now’. Alag alag tarah ke attractive text likh kar try kare. Aur kaunsa content kis jagah par hona chahiye ye bhi important hai, yaani content ki alignment. Dekhiye ek cheez hoti hai Human–computer interaction jisme observe kiya jaata hai ki kaise log computers ya design technologies ke saath interact karte hai. To us tarah se user interface banaane ki koshish ki jaati hai taaki user ka experience accha ho. To aap apne website ke user interface ko logon ke behaviour ke anusaar banaiye, jisse aapko zyaada se zyaada online leads mil sake.

4. Social media ka badhiya istamaal kijiye
Apna content aap social media ke zariye share kijiye. Content aisa ho ki log aapke deewane ho jaye. Social media marketing ke zariye aap apne target audience tak pahuch sakte hai. Badhiya quality ki leads aapko mil sakti hai. Aur doston iske zariye aap apna ek loyal fanbase bhi bana sakte hai. Aake followers ya subscribers hamesha notify honge jab bhi aap koi naya offer post karoge. Doston social media ka istamaal kaafi badh gaya hai. Aur alag alag tarah ke audience ke liye unke tarah ke social networking sites available hai. Aap ye dekhiye ki aapke business ko kaunse tarah ka social networking platform suitable hai. Social media marketing ke baare mein agar detail mein jaanana chahte ho to ispar maine video banai hui hai. Video ke description mein de diya hai link maine.

5. Sahi tools ka istamaal kijiye
Hardwork se zyaada smart work kijiye. Apne leads ko track karna important hai. Kya aapne Google analytics tool ke baare mein suna hai? Free version bhi available hai uska. Usme aap apni website ki traffic ko, apne audience ke behavior ko analyze kar sakte ho. Kyunki wo aapko zaruri data provide karta hai aapke users ke behavior ka. Kabhi time mile check karna Google analytics tool. Cheezon ko aap analyze karke karte ho to time bhi bachta hai kaafi, kyunki phir mehnat sahi disha mein hoti hai. Aur bhi aise tools hai jo aapko aapke leads track karne mein help kar sakte hai. Umeed karta hu clearly samajh rahe ho jo bhi bata raha hu.

6. Automated opt-in email marketing scheme ka istamaal kijiye
Jaisa ki maine pichle video mein bhi kaha tha aaj bhi email marketing bahut hi zyaada use hone wala tarika hai leads generate karne ka. Lekin iska sahi tarah se istamaal karna zaruri hai.
Automated opt-in implement kijiye apne email campaigns mein. Yaani log kisi form ke zariye aapke occasional emails ke liye opt kar sakte hai. Jaise ki newsletters ke liye. Aise aapke paas ek database ready hoti jayegi. Aapke automated emails unko occasionally bhejkar updated rakhiye apne products ke baare mein. Aur apne emails mein call to action aur apne landing page ka link bhi zarur dijiye.

7. Apne forms ko jitna ho sake chota rakhiye
Aap apne aapko ek user ya customer ki jagah rakhkar dekhiye. Aapko kisi site par ek lamba sa 7-8 fields ka form de diya aur likha hai ki zyaada jankari ke liye ise bhariye. To kya aap use bharna pasand karoge? Wahin agar 2 field ka form de diya naam aur email id, to aap wo bharna prefer karoge..hai ki nahi. To jitna ho sake jo cheezein filhal ke liye aapko lagta hai ki important nahi hai janna, unko mat daalo apne forms mein. Haan lekin jahan aapko lagta hai ki aapko filtered leads chahiye jaise age, income wagehra wahan par wo fields use kijiye. Ye aapke product par depend karega. Kuch products mein thode fields bhi chal jaate hai. Waise ye cheez is par bhi depend karegi ki kya aap tele calling mein zyaada efforts daalna chahte hai ya nahi. Kyunki agar aapko puri tarah se leads filtered hokar mile yaani qualified leads to aapko zyaadatar qualified leads ko hi call karne padenge, warna kaafi baar unqualified leads ko bhi call karne mein samay chala jaata hai. Lekin jaisa ki maine kaha ye aapke product par depend karega. Par koshish karen form ko jitna ho sake chota rakhne ka. Yaa to aap aisa kar sakte hai ki shuru mein kam information lijiye form mein aur baadme user ko prompt kijiye baaki information bharne ke liye.

8. Apne audience ko free content provide kijiye
Lead generation ke liye thoda generous baniye. Kanjoosi mat kijiye zyaada. User ke saamne ek form hoga jisko bharne se use premium content ka kuch hiss agar free mein mil raha ho to wo use kyu nahi bharega. Thik se analyze kijiye ki kaunse Content aap freely de sakte hai users ko. Aapka valuable free content padhne ke baad chances badh jaate hai ki wo aapka customer ban jaye. Uske kuch khareedne ke chances badh jaate hai aur kya pata woh kuch zyaada hi khareedle. Free mein cheezein milne par maza to aata hai na? Thode dildaar bano yaar. Dekho ki kya koi content ya free trail subscription dene se tumhe nuksaan ho raha hai. Aur waise bhi iska tumhe fal accha mil sakta hai. Aisa bhi keh sakte hai aap is free content ke zariye lalcha rahe ho customer ko. Ek normal viewer ko lead me convert kar rahe ho.

9. Apna landing page clean rakhiye
Landing page samajhte hai na. Ek aisi web page jahan par aap customers ko kuch sell kar rahe ho ya use lead mein convert karna chah rahe ho. Kaafi log jo hai na landing page ko store room bana dete hai. Ekdum messy. Wo sabkuch wahan daalne ki koshish karte hai. Koi aata hai to darr ke bhaag jata hai ya bhatak jaata hai. Landing page aapka clean aur clear hona chahiye. Customer ko zyaada dhoondna na pade. Warna bounce rate badh jayega aapke landing page ka. Bounce rate samajte hai na? Nahi samajte hai to uspar bhi video banai hui hai maine. Video description mein hai link, dekh lijiye.

10. Apne audience ya users ko points dijiye
Haa ye ek interesting cheez lage shayad aapko. Aap apne users ya customers ko points ke basis par divide kijiye. Jaise agar koi aapka email open karta hai, landing pages visit karta hai ya koi seminar attend karta hai. To un logon ko aap points dete rahiye apne system ya database mein. Ye log jo honge inki customer banne ke chances dusre logo se zyaada honge. Kyunki ye aapke pages visit kar chuke hai ya seminars attend kar chuke hai. To aise points ke basis par apne users ko points dijiye. Manually karne ki zarurat nahi hai aapko. Automated systems hai kaafi saare iske liye. Isme aapka keemti samay aap aise logon ko pehle de sakte hai jinke aapke product ko khareedne ke chances zyaada hai. Unko priority dijiye.

To dhyaan to diya na aapne? Is article mein lead generate karne ke 10 tarike aapko seekhne mile na? Waise inke alaawa aur bhi tarike hai jinpar mai aur articles aur videos banaunga. Agar article pasand aayi to like karo aur share karo.




One Comment

Add a Comment

Your email address will not be published. Required fields are marked *