Landing page क्या है digital marketing में?

Doston digital marketing ki is series mein hum aaj baat karenge Landing Page ke baare mein.

Doston online marekting mein landing page ek single web page hota hai jo search engine results mein jo links appear hote hai kuch search karne par unke click karne par display hota hai user ko ya phir koi marketing email hota hai to us email mein koi link click karne par open hota hai ya kisi aur tarah ke marketing promotion mein wo link ho sakta hai jaise sms wagehra, to usme bhi link ho sakta hai jise click karne par aap landing page apna open karwa sakte hai.

Landing page ko lead capture page ya static page ya destination page bhi kaha jata hai kuch baar.

To landing page ek web page hota hai ye to aap samaj gaye lekin iska maksad kya hai, iska goal kya hai. Generally to landing page ka goal hota hai jo us landing page par visitor aate hai unko sales ya leads mein convert karwana. To agar landing page ka goal lead generate karwana hai jo ki bahut se landing pages ka hota hai the usme koi form ya koi bhi ek aisi cheez hogi jiske zariye us page ka visitor company ke contact mein aa sake jaise form ke zariye company visitor ka phone number maang sakti hai. Agar landing page ka goal hai sale yaani unko kuch online bechna hai visitor ko to landing page pe koi link hoga jise click karne ke baad wo unko shopping cart mein le jayega.

To aise links ke click-through rates aur conversion rate marketers use kar sakte hai apne ad campaign ka success naapne ke liye.

Landing page kaafi clean hona chahiye taaki page ke visitor ko jo chahiye wo clearly dikhe, messy nahi hona chahiye. Landing page par aap jis button par visitor ko click karwana chahte hai ya jis form ko visitor se bharwana cahhte hai wo aise jagah par place kiya hona chahiye ki unki nazar uspar aasani se jaye. Is page ko normally ek art director ya creative director jo hote hai advertising companies mein wo design karte hai. Bahut strategically banaate hai page ko taaki wo visitors se click karwa saken ya details bharwa sake.

To doston is chote se video mein aapne samjha ki Landing Page kya hote hai. Digital marketing ke aur bhi videos aane wale hai. Subscribe nahi kiya to kar lijiye. Next video mein milte hai. Dhanyawaad.

Add a Comment

Your email address will not be published. Required fields are marked *