Kaise Artificial Intelligence Digital Marketing ko badal raha hai

Digital marketing ke baare mein to main kaafi jankari aapko deta hi rehta hu, lekin doston kya aap jaante hai kaise Artificial Intelligence digital marketing ko badal rahi hai. Ye jaana aapke liye bahut zaruri hai. Artificial Intelligence digital marketing ki duniya mein kuch hadh tak use to ho raha hai aur aage future mein bhi ye Digital marketing ki duniya mein tehelka macha sakta hai. Ye aage aur use hoga aane waale saalon mein. Startups se lekar badi companies tak apne campaign planning aur decision making ko enhance karne ke liye Artificial Intelligence powered digital marketing tools ka istamaal kar rahi hai.

To is blog mein hum jaanenge ki kaise Artificial Intelligence ka istamaal digital marketing mein ho raha hai aur kis tarah se iska fayda Digital marketers utha sakte hai.

Zyadatar digital marketers ka kehna hai ki jahan bhi predictive analysis, decision making aur automation efforts ki zarurat hai unhe Artificial Intelligence enhance kar rahi hai. Wo Artificial Intelligence ko strategic planning aur campaign decision making ke liye istamaal karne ki poori koshish kar rahe hai.

Artificial Intelligence tools digital marketers ko consumer behaviour ko samajhne mein help karte hai taaki wo sahi samay par sahi recommendations de paye apne consumers ko. To aapko iske baare mein janana kaafi zaruri hai.

Aaiye dekhte hai ki Artificial Intelligence kaise digital marketing solutions provide karne mein companies aur individuals ko madad kar sakta hai.
1. Machine dwaara generate ki gayi copy

Copy bahut aham bhumika nibhati hai aapke marketing strategy mein. Compelling, well-researched content to almost sabhi social media aur website campaign ke liye behad zaruri hai.

Apne followers ko engage karwaane ke liye aapko badhiya copy chahiye hogi, par ye itna aasaan nahi hai. Lekin Artificial Intelligence isme marketers ki badi madad kar raha hai machine-generated copy ke zariye.

Ab aap soch rahe honge ki ye Machine-generated copy kya hai? Machine-generated copy wo content hai jo computer ne create ki hai. To kaise create karta hai computer ye copies. Ek algorithm ke zariye jo best combination of words hai unko program nikalata hai jo ki readers ko itna aakarshit kar sake ki wo majoboor ho jaye call to action par click karne ke liye. Normally, machine-generated copy kaafi kaargar siddh ho sakti hai emails ke liye subject lines likhne ke liye, Facebook ads ke liye, social media posts aur text messages ke liye.

To digital marketing campaigns kaise kiye jaate hai iske zariye? Aaiye jaante hai-

Abhi jo standard process follow kiya jaata hai copy generate karne ke liye usme A/B testing ki jaati hai, jisme marketing department alag alag content ek selected audience ko bhejti hai yaani apne database mein se kuch hi logon ko. Phir usme se jis copy par sabse zyaada interaction rate aata hai use sabhi ko bheja jaata hai

Ye process effective to hai par time consuming bhi hai. To Artificial Intelligence bahut saate machine-generated copy banake usme jo bhi content possibilities hai uske saath, unko send kar sakti hai at faster results haasil karne ke liye.

Machine personalized messages emotions ke saath bhi create karke bhej sakta hai user ko.

Doston Isse aapke man mein ye sawaal zarur uth raha hoga ki kya copywriter ka job isse khatre mein aa sakta hai. Dekhiye Machine copy content generate karti hai algorithms ke basis par jise aap edit karke ek poora article likh sakte hai. Haa Machines poora article bhi likh sakti hai lekin wo mostly fact-based hi hote hai. Insaano ki zarurat abhi bhi hai us content mein personality, humor aur individuality laane ke liye. To filhal ke liye to copywriters ki job safe hai.

2. Chatbots

Chatbots kaafi trend kar rahe hai Artificial Intelligence mein. Kya aap jaante hai chatbots kya hai? Kaafi Chatbots se to aap shayad parichit bhi ho jo hamari day to day activities mein help karte hai jaise Siri ya Alexa jo virtual assistants hai. Ye assistants aapko repetitive tasks yaani jo repeat hone wale tasks hai unko automate karne ki suvidha bhi pradaan karte hai.

Chatbot programs apps, websites, SMS text messages aur email mein bhi kaam karte hai. chatbot customer ke message ko ek insaan ki tarah respond kar sakte hai aur unke saath ek conversation bhi create kar sakte hai. Wo unke sawaalo ke jawaab de sakte hai.

Chatbots customer ke experience ko emhance karte hai unko jaldi help karke. Kisi email ke response ke liye wait karne se accha hai chatbots questions ke answer real time mein pradaan kar sake.

Itna hi nahi wo product ke suggestions de sakte hai customers ko jaise food online order karte samay uske saath jo items aur kharede jaa sakte hai uske suggestions ya users ko nazdiki dukaan mein chal rahi sale ke baare mein bata sakte hai. Agar aapka koi restaurant business hai to chatbots message updates bhej sakte hai customers ko delivery ki status bataane ke liye.

3. Predictive ad content

Marketing campaigns create karne ke liye bahut se resources aur time ki zarurat padti hai. Pichle kaafi saalo mein Artificial Intelligence ne company ke marketing efforts ko kam kiya hai. Big data analytics, marketing trends, aur user preferences track karke Artificial Intelligence aise predictive ad content bana sakta hai jo company ke message ko seedhe seedhe logon ke saamne laa sakta hai jise dekhne ke liye jo bhi log utsuk hai.

4. Image recognition

Social media campaigns mein images bahut hi aham bhumika nibhati hai. Brands aur businesses Artificial Intelligence image recognition ka istamaal kar sakte hai aise online visuals ko analyze karne ke liye jo unke audience ko engage kar rahe hai.

Is information ke saath wo patterns track kar sakte hai aur business ke insights le sakte hai un images ko analyze karke jo unke audience share kar rahe hai

Alag alag patterns jaise Decipher patterns aur form responses ko samajh kar Artificial Intelligence insaano ka jo kaam hai jaise analyzing marketing trends use takeover kar rahi hai. Kaafi cases mein to digital marketing services ko bhi automate kar rahi hai.

To Artificial Intelligence companies ke marketing ke upar kharch hone wale time aur resources ko bachakar business ko ek competitive marketing edge deti hai.

User experience ko enhance karke:
Artificial Intelligence aapke audience ke preferences ko analyze karke unko relevant aur valuable information provide karta hai jo unko actually chahiye.

Quick aur accurate data-driven analysis ke zariye, Artificial Intelligence human error ko eliminate karta hai, yaani ki Insaano dwaara jo galatiyan ho sakti hai uski aur audience ko waisa response deta hai jowo chahte hau. Sahi Artificial Intelligence software ke zariye aap apne business ke liye ek effective marketing campaign bana sakte hai

Artificial Intelligence se conversion rates bhi kaafi badhenge: Artificial Intelligence technology audience ko sabse zyaada relevant information deliver karta hai jiske saath unke engage karne ke chances kaafi zyaada hote hai.

Artificial Intelligence aapko aapke audience ki ek behtar samaj de sakta hai:
Companies Artificial Intelligence results ka istamaal karke apne audience ke behavior ko pehchan sakti hai aur is information ke zariye wo badhiya marketing campaigns bana sakte hai future ke liye.

To doston aapne jaana is video mein ki kaise digital marketing mein Artificial intelligence ek bahut aham bhumika nibha rahi hai aur kaise aap iska fayda utha sakte hai. To aisi interesting jankari aapko is channel par milti rahegi. Aapko bas ek hi kaam karna hai. Agar aapne subscribe nahi kiya hai to kar lijiye. Okay milenge next video mein jald hi. Dhanyawaad.

Add a Comment

Your email address will not be published. Required fields are marked *