Email marketing kya hai?

Digital marketing ke is series me aaye aaj sikhte hai email marketing.

Yaad hai wo din jab hum kaafi baar apna email check kia karte the. Aaj kal to facebook ke updates aur twitter ke tweets me dhyaan jyaada hota hai par iska matlab yah nai ki email ki value kam hui hai. Aaj bhi email utna hi important hai jitna pehle tha par log ko dhyaan email se kheechna thoda mushkil ho gaya hai

Email marketing kya hai.
Email marketing matlab jab ham apne business ko email ya newsletters se promote karte hai

Kisi ke email inbox me apna email bhejna mehmaan banke kisi ke gharpar jaane jaisa hai. Hame unka poora samman karna hai aur acche se behave karna hai.

Email list:
Matlab ki un logo ki email ids jinhone ne aapko apna email diya hai aapke website par ya kisi aur tarike se.

Koi jab aapko apna email id website par deta hai to uske man me kuch sawaal aate hai. Jaise mujhe kya milega email id dekar.
Kya tum mujhe spam karoge
Kitni baar email karoge aur kab kab
Kya koi discount milega tumhare products pe.

Sirf enter your email to get updates likhne se kuch nai hoga. Aapko kuch baaton ka dhyaan rakhna hoga.

Newsletters kya hai:
Newsletters me hamaare products ki information hoti hai jiske dwaara ham apne readers ke saath communicate kar sakte hai.
Agar aapke website par user ne newsletters ke liya signup kia hai to aap har hafte ya har din unko apne products me baare me updates bhejoge.

3 technical baaten email marketing me jo dhyaan me rahe:
Open rate
Click through rate ctr
Unsubscribe

Open rate yaani kitno ne aapka email open kia

Ctr yaani kitno ne us email me di gayi kisi link ko click kia

Unsubscribe matlab har email me aap ek unsubscribe link de sakte hai jise click karne se users ko ayanda aapka email nai jayega. Jaise agar koi interested nai aapke aur emails me.

Segmentation: apne users ka segmentation kijiye age location aur ruchi ke anusaar taaki aap jisko jo pasand ho waisa email bhej sake. Aadmiyon ko ladies purse ki zarurat nahi
Segmentation 4 tarikon se kar sakte hai:
Geographical, age, gender aur interest ke anusaar

Email marketing me 2 policy yaad rahe:
Opt in
matlab ki jo users aapko apna email denge aapko usnhe batana hoga ki aap unke emails istmaal kis cheez me karenge aur wah jaankari kisi aur ko to nahi denge

Opt out
Matlab ki log aapke email list se unusubscribe kar sakte hai ek link click karke agar unhe aapke emails me ruchi nahi hai to. Isliye apne email ke anth me unsubscribe ka link zarur daale.

HTML aur plain text email
Html emails yaani jisme html tags ka istamaal hota hai use bahut aakarshak banane ke liye aur plain text taani sirf text ka email. Ek research ke anusaar html emails ko open karne ki sambhavna yaani open rates 25% kam hoti hai plain text emails ke mukaabale kyunki html emails ko agar sahi tarah se code nahi kia gaya to kaafi email providers jaise gmail use spam folder me daal dete hai. Plain text emails ka ctr bhi 21% jyaada paaya gaya hai.

Subject line: Email ka subject line bahut important hota hai. Wah aisa hona chahiye jise padhkar padhne wale ko use open karne ki jigyaasa ho. Par dhyaan rahe vishay se bhatkaane wala subject line na likhe kyuki isse aapka hi nuksaan hoga. Subject line 10 words se jyaada na ho.

Call to action: yaani aapka email padhne ke baad users kya action le. Jaise agar aap kuch bech rahen hai toh buy now button call to action hoga. Koi blog padhwana chahte ho to read more call to action hoga. Aapka email padhkar users ko tuarant clear ho jana chahiye ki unhe kis button par click karna hai. Call to action ki position bahut important hai email ke andar. Use aisi jagah rakhen jahan logo ko clearly samaj aaye ki ise click karna hai.

Email marketing me aur bhi bahut cheeze hai pr is video me hamne important cheezon par jyaada dhyan dia hai taaki aapko aasani se samaj aa jaye.

Next video is series me hogi facebook marketing. Career se judi saari jankari ke liye subscribe zarur karen codehindi ko youtube par aur hamari mehnat acchi lagi to ek like bhi kardo yaar

Add a Comment

Your email address will not be published. Required fields are marked *