Digital marketing में Duplicate content क्या होता है?

Hum aaj baat karenge Duplicate content ke baare mein.

Duplicate content use kehte hai jab text ka koi hissa web par do jagah ho. Jab same content, samanya content ek se zyaada websites par paya jaye, tab unme se kisi ek webpage ya dono hi webpages par ranking ke issues ho sakte hai. Kyunki Google exact same content ke liye apne search results par multiple websites nahi show karna chahta hai. Generally to jis site par wo content pehle post hua ya publish hua uspar koi penalty nahi lagegi kyunki use original content maana jayega. Lekin jo baaki ke websites ya webpages hai jinme wo exact same content paya gaya unpar penalty lag sakti hai. Unki ranking mein bhaari girawat aa sakti hai.

Ab duplicate content hone ke kai kaaran ho sakte hai. Jaise plagiarism yaani kisi aur ke original kaam ko apna kehkar post kardena. Dusri cheez ho sakti hai automated content scrapers yaani aise bots ke zariye dusre websites se content uthakar apne site par daal dena. Ye automated hota hai to apne aap software bots ke zariye bahut se content dusre sites se copy kiye jaa sakte hai. Aur ek cheez se duplicate content ban sakta hai jo ki hai website content writing mein aalsipan. Yaani kuch writers aalsi hote hai to wo dusre sites se content lekar apne sites par paste kar dete hai manually.

Ek website ke andar bhi duplicate content ki dikkat aa sakti hai jaise ki ek website par hi ek se zyaada aise pages ho jo bilkul same hai. To unhe bhi duplicate content maana jayega. To agar ek page ke multiple versions aapke site par hai to Google ko samajh nahi aayega ki kaunsa version show karen search results mein. Ek keyword ke liye agar aapke site mein bahut se pages jab compete karte hai to ye problem aa sakti hai jise keyword cannibalization bhi kehte hai. Iska ek kaaran ye bhi ho sakta hai ki purane content ka naya version ka page bana diya lekin purane ko delete ya forward nahi kiya.

To doston is chote se video mein aapne samjha ki Duplicate content kya hote hai. Digital marketing ke aur bhi videos aane wale hai. Subscribe nahi kiya to kar lijiye. Next video mein milte hai. Dhanyawaad.

Add a Comment

Your email address will not be published. Required fields are marked *