Digital lead generation strategies में यह Gated content क्या है | Online लीड जनरेशन for business

Aaj is video mein hum jaanenge ki aap apne business ke liye ya kisi aur ke business ke liye Digital Lead Generation Strategy kaise bana sakte hai.

Doston maine ek video me aapko Lead generation kya hai wo to bataya tha. Yaad hai na? Nahi? Koi baat nahi refresh kar deta hu ek baar. Dekhiye lead generation wo process hai jisse aap prospects ko attract karte hai jo aapke product ya service kharidne mein ruchi rakhte hai. To is process mein ek targeted audience ko attract karte hai kisi offer ke zariye jo phir lead bante hai.

To aaiye ab dekhte hai ki aap kaise digital lead generation strategy ko build kar sakte hai-

1. Gated content banaiye-
Aap soch rahe honge ki ye gated content kya hai. Ye term sunne mein complicated lagta hai par hai nahi. Ghabraiye nahi bade simple tarike se isse explain karta hun aapko.

Gated content wo online materials hote hai jo aap user ko provide karte hai lekin us content ko access karne ke liye unko ek form fill karna padta hai. Jaise white papers, articles, E-books, Courses, and videos. Form mein aap unka name aur email address ya kuch aur details le sakte hai. To ye content locked hoga. Jisse paane ke liye unko form fill karna padega apne details ke saath.

Doston ye bahut hi effective lead generation strategy hai. Kyunki isse aapke audience ko bhi koi acchi cheez free mein mil jaata hai. Aur aapko high quality leads mil jaate hai.

2. Online event host kijiye-
Ab dekhiye ye event kaisa hota ye to aapke business par depend karega. Lekin example ke taur par kahun to aap koi online webinar ya meetup rakh sakte hai jisme aap apne target market ko kuch aisa content provide kar sakte ho jo unke liye helpful ho. Iske badle mein aapko unka contact information milega jise aap aage istamaal kar sakte ho lead ke taur par

3. Apni website ko optimize kijiye-
Optmize ka matlab aap samajhte hai kya? Optimze yaani kisi cheez ka best use karna. Use effectively use karna. To apne website ko optmize yaani uska best istamaal kaise karenge lead generation ke liye.

Aap apni website ke homepage par ek call to action ko highlight kar sakte hai. Call to action ho sakta hai ek banner aur button jisse click karke wo apna information aapse share kar sakte hai. Ya koi pop up. Lekin log aapke site par aise hi to kisi button par click nahi karenge na. Aapko unhe thoda lalchana hoga. Aur kaise lalchayenge? Kuch free material dekar.

To umeed hai is video se aapne kuch to seekha hoga jo aapke career mein use ho sakega. Milenge next video mein jald hi doston. Dhanyawaad.

Add a Comment

Your email address will not be published. Required fields are marked *