Content writing kya hai? In Hindi


Doston aapne ye line to suni hogi ki Content is king. Internet ki duniya mein badhiya content banana bahut hi zaruri hai. Aapne shayad content writing ya content writer ye shabd kaafi baar sune honge. Lekin kya aap jaante hai ki content writing actual mein hai kya. Aaj Digital marketing series ke is video mein hum samjhenge ki content writing aakhir hai kya aur thodi si iski interesting history ke baare mein bhi aapko bataunga. Ghabraiye mat bahut hi simple tarike se explain karunga aapko. Par aapne is channel ko subscribe nahi kiya hai to kar lijiye.

Content writing ya online content writing ka jo kaam hai wo 1990s mein online activities ke badhne se kaafi popular hua. Content writing ka maksad hai normally aapke website ki aawaaz banna, ye batana ki kis baare mein hai aapki website aur potential customers ko kya offer karti hai aapki site.

Pehle to jaan lete hai ki content kya hai. Online duniya mein Content kaafi cheezein ko hum keh sakte hai jaise sales copy, e-books, podcasts, text for graphics, articles wagehra. Content writers ko content banane ke liye pay kiya jaata hai. Kaafi content writing organizations alag alag tarah ke content writing services offer karti hai jaise article copy likhna, blog posts likhna, press releases, web page information, product descriptions aur dusre other corporate material. In content ko wo alag alag charges ke anusaar bech sakte hai.

Doston 1990s mein internet ki kaafi dhoom machi hui thi. To isne businesses ko mauka diya apne aap ko website ke zariye represent karne ka yaani website ke through logon tak pahuch kar apne products ya services ko market karne ka.

Aur phir entry hui search engines ki jaise yahoo, google, bing jaise sites ki. Inka maksad tha jo log online information search kar rahe hai un logon ko us information se related content categorize karke batana taaki content dhoodhna aasaan ho jaye. Ise phir web content bhi kaha jaane laga.

Aur doston search engines ki ye jo demand thi acche organize ki gayi information ki, isne janam diya commercial content writing services ko. Waise search engines ke is market mein Google betaj badshah hai ye to aap jaante hi honge. To sabhi content banaane wale apne content ko google par upar ke ranks mein laane ki koshish mein lage rehte hai. Kyunki duniya mein Google search engine ka market share hai lagbhag 93%.

21vi sadi mein content writing services ko bhinn segments mein divide kiya gaya hai. To aaiye aapko mai explain karta hu content writing services ko kaise alag alag types mein divide kiya gaya hai. Jaise koi content writing services provide karne wali company hai to wo normally ye services provide kar sakti hai. Yaani itne tarah ke content ke services provide kar sakti hai. Waise inke alaawa aur bhi ho sakte hai. Dhyaan to de rahe ho naa aap?

Pehla content type jo aapko batane wala hu wo hai:
Article-
Article ek descriptive text hota hai jo companies istamaal karti hai, user ko kisi particular topic ke baate mein avgat karane ke liye. Kaafi informatative hota hai ye aur detailed mein likha hua hota hai.

Blog-
Blog hota hai ek personal journal ki tarah jo kisi person ya organisation ke dwaara maintain kiya jaata hai. Ise blog post bhi kehte hai. Jab bhi zarurat hoti hai tab blogs ko upload kiya jaata hai. Blogs is tarah se likhe hote hai ki jaise wo readers saath interact kar rahe hai. Blogs normally regular basis par likhe jaate hai jaise kaafi baar daily ya weekly blogs likhe jaate hai.

Landing page-
Ise landing page kyun kehte hai. Kyunki ye ek aisa web page hota jo normally in cheezon ke click kar par user ke saamne prakat hota hai. Search engine par search result ke click karne par, marketing promotion, marketing email, ya online advertisement ke click karne par. Landing page jo hai wo web page hai jahan par aap user ko kuch sell kar rahe ho ya use ek lead mein convert karne ki koshish kar rahe ho. Zyadatar to ye lead generation ke liye istamaal kiya jaata hai. To is page par aap normally apne audience ko ye bataate ho ki aapke product ya service ko lene se use kya benefits milenge. Kaafi companies mein landing page par copywriters aur art directors bahut hi dhyaan dete hai kyunki ye one of important revenue generation source hota hai company ke liye. Landing page par ek detailed video jald hi banaane wala hu mai.

Web Content-
Web content wo content hota hai jo har website ke web pages par present hota hai. Jaise koi company jo services aur amenities provide karti hai to wo unke website par likhe hote hai. Ye web content jo hote hai wo Visually descriptive aur interactive hote hai.

Copywriting-
Copywriting yaani advertising aur dusre tarah ke marketing ke liye text likhna. Isme jo writtent content likha jaata hai use copy kehte hai. To iska aim hota hai brand awareness badhana aur utlimately kisi ko presuade karna ek particular action lene ke liye. Aise samajna mushkil hoga na? Ek example bataata hu. Jaise aapne ek aya mobile phone launch kiya aur aap use bechna chahte hai , to aap uske liye agar ads banaoge to usme aapko behtareen text content ki zarurat padegi. Aise text content ki jo logo ko aapke is mobile ki or akarshit kar sake. To wo text copywriter se aap likhwa sakte hai. Kyunki wo trained aur skilled hote hai is kaam ke liye. Waise copywriting mein bahut si cheezein aati hai. Maine ispar ek detailed video bhi banai hui hai. Jiska link aap niche video ke description mein dekh sakte hai. Doston aapko samaj mein to aa raha hai na? Aage 5 aur content ke types aapko batata hu.

Social media content-
Ye to aapko pata hi hoga kyu? Social media par din bhar chipke jo rehto ho? hai na? mazaak kar rahu. Par haa ye content social media ke liye banaya jaata hai. Jaise social media par jo aap posts dekhte hai kaafi companies ke, jisme se kaafi viral hue hote hai. Ye content jo hai wo compelling yaani samohak hona chahiye aur engaging bhi hona chahiye. Engaging yaani jo user ko zyaada der tak aapka post par rakh sake. User bore hokar bhage nahi. Aur compelling aur engaging hoga to viral bhi ho sakta hai. Waise koshish kaafi hadh tak viral content create karne ki hoti hai.

SEO Content-
Yaani Search Engine Optimized Content. Ye content is motive se likha jaata hai ki ye Search engine result pages par higher rank kare kuch particular queries ke liye. To jaise agar kuch keywords ke liye hum content banaana chahte hai jo higher rank kare jab user un keywords ko daale to iske liye keyword strategy, content structure wagehra ke anusaar us content ko banaana padega.

Research and report writing-
Is tarah ke content ko likhne ke liye ek aisa dimaag chahiye jo research acche se kar sakte aur analytical ho.

Business writing-
Is tarah ke content mein aate hai Sales proposals, memos, official emails, manual writing aur kuch aur tarah ke writing jo B2B ya B2C communication ke liye organisations use karti hai.

Direct Marketing Copy-
Ye aise copies hote hai jo business ke audience ke saath direclty baat karte hai. Jaise newsletters, emails, marketing funnels etc.

Press release-
Press release ek brief news story hoti hai kisi organization ke PR manager dwaara. Isme wo recent facts, sales figures, profit margins, new services, product releases, etc. outline karte hai jo unko officials provide karte hai.

Doston waise content writer jo hai wo yaa to ye saare content likh sakte hai ya inme se kuch content. Jaise kaafi content writers blog posts, guides aur marketing copy likhte hai. Ye depend karega ki unka expertise kisme hai. Waise likhne se pehle unko industry-related topics par acchi research karni hoti hai. Unko naye content ke types ke ideas bhi generate karne padte hai. Articles ko proofreading bhi karte hai wo publish hone se pehle. Unko marketing aur design teams ke saath coordinate bhi karna padta hai. Coordinate yaani saath milkar kaam karna hota hai. Wo normally SEO ke jo guidelines hai uske anusaar likhte hai. Taaki web traffic accha aa sake. Website par content ko updated bhi rakhte hai. Doston aur ek zaruri baat ki content aapka orginal hona chahiye. Agar kisise inspired hokar koi content likh bhi rahe hai to atleast use is tarah se likhiye ki usme aapki orginality bhi dikhai de. Apni taraf se kuch value provide karne ki koshish kare user ko. Kyunki google orignal content ko prefer karta hai. Agar usne aapke content ko duplicate mark kar diya to aapka content search engine rankings mein upar nahi aayega. Guys please dhyan dete rahiye. Kuch aur interesting cheezein video ko end karne se pehle jaan lete hai.

Doston online content likhna print content likhne se kaafi alag hai. Dono ka content structure bhi alag hota hai kaafi baar. Aur ek interesting baat kuch studies mein ye hai ki web ke jo users hote hai wo text ko scan karte hai zyaadatar (matlab kuch content skip karte hai) bajay iske ki wo use poora padhe. Kaafi baar unko jo unnecessary information lagta hai wo unko skip karte hai. To online content writers ke paas ye skills hone chahiye ki wo content ko is tarah se likh paye ki web user ko unka composition clear lage, taaki wo apne target market tak pahuch payen. Unke paas ye bhi skill hona chahiye ki wo apne audience ko engaged rakh sake aur web users ke zaruraton ko samaj sake.

Content writing skills jo hai wo sirf content writing job tak seemit nahi hai. Content writers freelancing services bhi provide karte hai. Companies inhouse content writers ko to recruit karti hi hai par saath hi freelancing content writers ki bhi sahayata leti hai kaafi baar. Waise ye to shayad aap jaante hi honge ki aapme agar badhiya content banaane ka skill hai to aap apne online content ke zariye paise kama sakte hai, Google adsense ka istamaal karke. Google jo hai wo advertisers se paise lekar aapke content par apne ads dikhayega aur aapko har clicks ke anusaar pay karega. Lekin doston ye itna aasaan nahi hai, aajkal kaafi mushkil ho gaya hai kyunki competition jo itna badh gaya hai. Aapko badhiya tarike se content banana hoga. Khair, aage jaakar aap apni content writing services ka business bhi shuru kar sakte hai agar aapke paas capital hoga to. Lekin uske liye aapko digital marketing ka accha experience bhi hona chahiye. Taaki aap is online industry ko acchi tarah se samajkar apna content banwa saken.

To digital marketing series ke is blog mein hamne dekha ki kaise content writing ki ijaat hui aur kitne tarah ke content writing services hoti hai. Kitne tarah ke content hote hai. Umeed hai aapko samaj aaya. Blog acchi lagi to share kijiye sabke saath. Dhanyawaad.

Add a Comment

Your email address will not be published. Required fields are marked *