Blogging tips ब्लॉग शुरू करने वालों के लिए | Blogging in Hindi | Blogging tips for beginners

Namaskar doston swagat hai aapka Career Code Hindi channel mein. Doston kya aap blogging shuru karna chahte hai. Maine aapko pehle ke videos mein blogging kya hai wo to bataya hua hai. To agar aap blogging shuru karne mein interested hai to is video mein mai aapko kuch blogging tips bataunga jo aapko shuru mein bahut kaam ayenga.

1. Ek niche chuniye
2. Headlines aapka aakarshit karne wala hona chahiye par clickbait na ho:
Doston clickbait content wo hota hai jisme galat tarike se logo ko akarshit karke click karwaya jaata hai. Galat tarika yaani jaise ki Headline ya Thumbnail mein likha kuch aur ho aur lekin andar content kuch aur hi ho. To ye to dhoka dena hua readers ko. Aap aisa mat kijiye lekin aap clickbait ke bina bhi akarshit headlines create kar sakte hai. Doston apne website ya blog par traffic laane ke liye pehla step to hai ki aap users ko apne headline ko click karne ke liye aakarshit karen.

Dekhiye log aapke blog ko search ke zariye find karenge ya social media ke zariye. Aisa headline create kijiye jo aapke blog ko sahi tarah se represent bhi kare aur boring bhi na ho. Ek example ke zariye aapko batata hu. Jaise ye headline dekhiye “10 best mobile phones” ye headline accha hai lekin thoda boring hai, aap ise aakarshit banaane ke liye aisa likh sakte hai “10 best high end mobile phones under Rs. 10000. Isse reader ko ye pata chalega ki aap high end phones ki baat kar rahe hai aur jinki keemat Rs.10000 se kam hai.

3. Aapke blog ka introduction reader mein interest paida karne wala hona chahiye
Headline ka kaam hota hai reader ko aapke blog post ke andar laana lekin post padhte waqt unka interest banaye rakhne ke liye aapke post ka introduction unme interest paida karne wala hona chahiye. Shuru mein to aap reader ke problem ko address kijiye aur unko apne solution ke ek introduction dijiye. Introduction aapka chota hona chahiye aur aapka reader jis liye aapke post par aya ya yaani jo use chahiye uska intro aap use to the point dijiye taaki wo aashwaast rahe ki aage jo wo padhne wala hai wo uske kaam ki cheez hogi.

Doston aur kuch tips batau to wo hai-

4. Aise topics ke baare mein likhiye jiske baare mein log search kar rahe hai.

5. Apne page par basic SEO kijiye

6. Dusre bloggers ke saath connect kijiye

7. Apne blog ko social media mein promote kijiye

8. Ek email list build kijiye

Ye to tips the lekin sabse pehle to aap likhna shuru kijiye. Ek baar aap likhna shuru karenge to aapke paas content hoga aur phir aap main jo tips bataye unko apne blog mein use kar sakte hai. To doston is video mein maine aapko bloggging shuru karne ke liye tips share kiye. Digital marketing ke aur bhi videos aane wale hai. Subscribe nahi kiya to kar lijiye. Next video mein milte hai. Dhanyawaad.

Add a Comment

Your email address will not be published. Required fields are marked *