Affiliate Marketing kya hai?


Aaj is blog mein mai aapko bataunga ek aise skill ke baare mein jiske zariye aap acchi online earning kar sakte hai. Wo skill hai affiliate marketing ki. Digital Marketing mein kaafi important topic hai affiliate marketing. Aaj mai aapko bataunga ki affiliate marketing kya hai, kaise kiya jaata hai ye aur affiliate marketing karne ke kuch tips bhi aapke saath share karunga.

Bahut se log is term (Affiliate marketing) ko use to karte hai ki unko ye karna hai lekin actual mein wo jaante hi nahi hai ki affiliate marketing kya hota hai. Affiliate marketing karne se pehle ise acchi tarah se jaan lena bahut zaruri hota hai warna aap galat disha mein jaa sakte hai.

Affiliate marketing mein aap kisi company ke products ko bechte ho affiliate network ke zariye aur uspar commission kamaate ho. Kaafi famous affiliate marketing program jo hai wo hai Amazon associates ka. To isme 4 parties involved hoti hai ek merchant yaani ki jo product ka owner hai, affiliate network yaani ki wo company jo aapko platform provide kar rahi hai affiliate marketing ke liye jaise for example Amazon, aap yaani affiliate aur chautha hota hai wo customer jo aapke diye gaye product ya page link ko click karta hai aur product purchase karta hai. Kuch cases mein merchant apne khud ke in-house softwares ke zariye affiliate marketing kar sakti hai aur kaafi cases mein third party softwares use karke. Companies affiliate marketing karti hai apne sales ko tezi se badhane ke liye aur kam se kam paisa marketing par kharchne ke liye.

Aur doston ye performance based marketing hoti hai doston matlab ki jahan par aap customers ko jab company tak pahuchaoge tab hi wo aapke paise degi.

Isme normally 2 tarah ke payment types hote hai

1. Pay for Sales lead:
Isme payment tab aapko milta hai jab customer enquiry raise karta hai. Yaani ki agar customer ne product purchase nahi bhi kiya aur sirf us product ke baare mein enquiry ki to bhi aapko payment milega. Matlab jaise ki aap ek link promote karte hai jisme ek form hai. Customer us form ko bharke submit karta hai par product purchase nahi karta, to b

2. Pay for product sale:
Isme company aapko har sale jo aapke zariye hota hai uske liye ek percentage pay karti hai normally. Yaani suppose ek link aapki promote ki affiliate ki aur us link ke zariye kisi ne kuch kharida to aapko uska commission milega jaise 4% ya 10% jo bhi commission ka percentage fix kiya gaya ho

Affiliate marketing karne ke liye aapko kuch pay karni ki zarurat nahi hoti. Ye bilkul free hai. Affiliate marketing se zyaada sales generate karne ke liye aap digital marketing ke kaafi techniques ka sahara le sakte hai jaise search engine optimization (SEO), e-mail marketing, content marketing, aur Search engine marketing. Lekin search engine marketing jo hai wo paid hoti hai aur iska fayda SEO ke mukaable bahut kam hota hai aur kam time ke liye hota hai. Jo organic traffic ka fayda hai wo important hota hai. Organic traffic yaani aapke content aur SEO ke basis par aapko jo hits milte hai. To doston aap jitna ho sake organic traffic ke zariye hi hits laana apne site par. Paise mat daalna Search Engine Marketing par. Digital Marketing ke techniques ka istamaal karke aap apne affiliate backlinks ko zyaada se zyaada logon tak pahucha sakte ho. Jaise for example aapne kaafi logon ki email ids collect ki hai apne website ke subscription ke dwaara, to aap un logon ko jab apne blogs ke emails send karoge notify karne ke liye to uske niche apne affiliate products ke backlinks bhi daal sakte ho.

Affiliate marketing karne ke bahut saare saadhan hai. Kaafi logon ko lagta hai ki yeh sirf amazon aur flipkart tak hi seemit hai. Aisa nahi hai. Kaafi saari companies hai jo koi products bechti hai unka affiliate marketing program hota hai.

Lekin aapko maine ye nahi bataya ki Kaise karte hai affiliate marketing? Chaliye batata hun-

Jaise ki maine bataya isme koi extra investment aapko nahi karna hai. Agar aapki koi website hai ya blog hai ya YouTube channel hai ya koi aur aisa online medium hai jiske zariye aap logon se connect karte ho to aapke liye affiliate marketing karna aasaan hoga. Par website ya blog hona aniwarya nahi hai. Iske bina bhi aap ye kar sakte ho forums, social media pages etc. ke zariye. Kisi tarah se agar aap content banake logon tak pahuch rahe ho to uske zariye aap apne affiliate links ko bhi promote kar sakte hai. Jitne zyaada aapke readers ya subscribers ya followers honge utna zyaada aap affiliate marketing ke zariye kama sakte ho.

Agar aap ek acche writer ho to aap products ke baare mein badhiya blogs likh sakte ho aur phir unke niche affiliate ke links de sakte ho. Jaise for example agar aap kapdo ke baare mein ya mobile phones, laptops etc. ke baare mein likhte hai to aap apne blogs ke niche unse related affiliate products ke aise links provide kar sakte hai jinpar customer ko wo product kam damo mein aur acchi quality mein milenge. To basically aap customers ko guide karte ho kuch khareedne ke liye.

Doston ek affiliate marketer ke roop mein aapka kaam hota hai seller aur consumer ko link karwana. aap consumer ko seller ki taraf redirect karte ho. Baadme ki jo bhi sales ki activity hoti hai wo seller karta hai. Agar aapki social media par kaafi following hai ya aapki koi blog ya website hai jisme kaafi hits aate hai to aap affiliate marketing ka fayda utha sakte hai.

Aaiye mai aapko kuch badhiya tips bata deta hu Affiliate marketing ke zariye zyaada se zyaada paise kamane ke liye

1. Quantity se zyaadya Quality ki aur dhyan dijiye:
Zyaada se zyaada backlinks promote karne ke chakkar mein aap apni income kam kar sakte ho. Isliye mai kahunga ki aap bhale hi kam backlinks promote karen lekin quality products ko backlinks promote kare.

2. Apne vendors ka chayan acche se kare
Affiliate marketing bahut saari companies provide karti hai lekin aapko unme se aise vendors chunne padenge jo aapke liye zyaada suitable hai. Jaise for example aap fashion ke baare mein likhte hai, to aapke liye online shopping sites ke affiliate programs zyaada suitable honge usi tarah agar aap web development ya blog hosting ke baare mein likhte ho to aapke liye hosting providers ke affiliate programs zyaada suitable honge. Aur haa acche vendors hi chune yaani acche affiliate marketing programs se hi jude jahan se aapko lagta hai ki customers ko quality products acche daamo mein mil sakte hai. Warna agar customers naaraaz hue to aapki site par ayenge nahi phirse.

3. Links ko shorten kare:
Normally affiliate marketing companies aapko jo links generate karke deti hai wo kaafi lambe hote hai. Par unhe aap shorten kar sakte hai kuch tools use karke. Jaise bitly.com ya kaafi baar affiliate marketing companies ke apne khudke tools bhi hote hai. Actually chote urls dekhne mein bhi acche lagte hai consumers ko. Unpar clicks zyaada aane ke chances hote hai lambe urls ke mukaable. To aako apne affiliate links ko shorten zarur karen.

4. Ek niche choose kare:
Doston aap jo bhi content banate ho usme ek niche chunenge to behtar hoga. Jaise ki agar aapke blog par educational content zyaada hai to aap education niche ko chun kar books wagehra promote kar sakte ho. Dekhiye aap jo bhi promote kar rahe ho usme agar aap genuine ho to logon ka bharosa aap par kayam rahega. Kyunki aap apne experience aur expertise se unko us product ka link recommend kar rahe hai. Warna agar kuch bhi promote kar rahe jaise koi ghatiya product to ho sakta hai logon ka aapke content se bharosa uth jaye.

5. Kaafi tarah ke sources se revenue generate karne ki koshish kare:
Aapke jo bhi sites ya channels wagehra hai unme aap affiliate marketing ka istamaal kijiye. Jaise apni website ke saath saath social media pages par ya youtube channel par video ke description mein products ke links dekar. Par acchi tarah se strategy banaakar kijiye. Aapke content ke saath match hone chahiye aapke affiliate links.

6. Apne traffic ko track aur analyze kijiye:
Agar aap andhadhun backlinks promote karte jaoge bina apne traffic ko analyze kiye hue to aapko pata hi nahi lagega ki kaunse links ya content badhiya kar rahe hai. Isliye jo apne traffic ko samajhiye. Samajhiye ki user kya chahta hai. Aur ye bhi analyze kijiye ki user kis area par zyaada clicks karta hai. Jaise aap agar koi banner promote kar rahe hai to us banner ke kuch areas jaise top aur bottom par tracking ids lagakar ye check kar sakte hai ki kis area par zyaada clicks aa rahe hai.

7. Dekhiye ki kis product ki demand zyaadya hai:
Kaafi baar aap confuse ho sakte ho ki kaunsa product promote karen. Agar aap aise products chunoge jinki demand market mein zyaada hai to unpar conversion rate zyaada hone ke chances hai. Kyunki agar aap aise products par marketing efforts daal rahe hai jinki demand utni nahi hai to aapko marketing ka fayda nahi ho payega.

8. Kuch naya try karne se hichake nahi:
Aap research karte rahiye ki kaunsi strategy aapke liye kaam kar rahi hai aur kaunsi nahi. Koi nayi affiliate marketing strategy implement karne se hichake nahi jab tak usme koi paisa lagaane ki zarurat na pade. Digital marketing strategies jo ki free hai bilkul wo try kijiye.

Doston affiliate marketing mein aap jitna bhi apna samay de rahe hai koshish karen ki utna income bhi aap generate kar sake. Aur dhyaan mein rahe ki affiliate marketing se raato raat ameer banne ka sapna mat dekhiye. Shuru mein kaafi time lag sakta hai ek acchi income generate karne ke liye. Apne baaki ke zaruri kaam chodkar mat kijiye aap affiliate marketing. Apne kaam ko karte hue aap ise kijiye aur seekhiye. Kisi bhi cheez ka aapko pehle to accha experience lena hota hai, uske baad use acche se implement karna hota hai aur phir jaakar kahin results aa paate hai. To meri recommendation yahi rahegi ki aap ise apne khali samay mein try kijiye aur dheere dheere grow karne ki koshish kare organically, apne acche content ke zariye jo ki bilkul free hai.

Amazon affiliate program link: https://affiliate-program.amazon.in

To agar blog acchi lagi to share zarur karen sabke saath. Dhanyawaad.

Add a Comment

Your email address will not be published. Required fields are marked *