PGDCA course from IGNOU | सारी जानकारी | Full form is Post Graduate Diploma in Computer Applications

Pranipat mitron, bahut swaagat hai aap sabhi ka Career Code Hindi channel mein. Aaj hum baat karenge IGNOU ke PGDCA course ke baare mein. Bahut kuch jaanenge hum iske baare mein jaise iski eligibility, iske subjects, fees wagehra-

Mitron IGNOU ka Post Graduate Diploma in Computer Applications (PGDCA) course distance ke zariye hota hai. Par isme Practical sessions bhi honge kuch jisme aap practical knowledge le sakte hai. Distance course hai to aap ise apne job ke saath kar sakte hai. Haan Job ke liye regular PGDCA course ke mukaable distance ki value kam hai lekin agar aap regular PGDCA nahi kar paa rahe hai aur aap khud se seekh sakte hai padhke to ye course aapk0 computers ki acchi knowledge dega. Aage phir aap is skill ka istamaal kar sakte hai jaise web development ke projects karke ya as a computer lab personnel ya technician institutions mein kaam karke wagehra.

(PGDCA) course ka maksad hai graduate students ko software industry mein productive careers ke liye prepare karna. Isme students latest computer software development se related theoretical aur application-oriented cheezein seekh sakte hai. Is programme mein is baat par zor hota hai ki mathematical, computing, networking aur commercial problems ko software technology ke application dwaara solve kiya ja sake. Ye course computers mein skill development ke liye hai alag alag technologies ka istamaal karke.

Ye students ko prepare karta hai kisi software company mein as a programmer / web developer chote business application software design aur develop karne ke liye Ya
as a computer lab personnel / technician institutions mein kaam karne ke hetu Ya
as a freelancer software projects develop karne hetu

Aaiye doston is course ke details jaan lete hai.

Add a Comment

Your email address will not be published. Required fields are marked *