BCA (Bachelor of Computer Applications) kar liya hai lekin maine 12th science stream se nahi kiya tha to kya main M.Sc IT course jo hai wo kar sakti hu?

Okay to kisi ne comments mein ek question poocha tha ki I have completed BCA (Bachelor of Computer Applications), but I did not choose science in 12th class. Can i do M.sc. IT? Maine BCA (Bachelor of Computer Applications) kar liya hai lekin maine 12th science stream se nahi kiya tha to kya main M.Sc IT course jo hai wo kar sakti hu? aisa poocha hai ek ladki ne ek video comment mein to uska jawaab mein video mein de deta hu detail mein.

Ji haan, aap M.Sc. (Master of Science) in IT (Information Technology) course kar sakte hai agar aapne 12th mein science stream choose nahi kiya tha phir bhi lekin apply karne se pehle poora answer sun lena kyunki is question ka itna strightforward answer to nahi hai. To shaanti se suno aur baadme tum jaoge ki kaise hota hai.

Typically jo hai M.Sc. IT program ke admission ke liye jo eligibility criteria hai na wo aapke undergraduate degree par based hota hai matlab aapke graduation par based hota hai naaki 12th class ki stream par. Aapne jo BCA (Bachelor of Computer Applications) apna complete kar liya hai, pehle to uske liye bahut badhaai aapko. BCA jo hai wo IT ke field se relevant degree hai to aap M.Sc IT ki requirement hai usko normally fulfill kar lengi lekin kuch universities ke kuch alag criteria ho sakte hai. Jaise for example Mumbai University ka jo M.Sc IT course hai uske liye BCA ke graduates bhi eligible hai lekin with 45% marks aur usme aur ek cheez chahiye jo ki hai Mathematics at 10+2 ya uske equivalent level par. Lekin ye Mumbai university mein aisa hai par ho sakta hai ki aur universities mein na ho ye.

To ye note kar lijiye ke admission criteria kuch universitites aur institutions jo ki M.Sc IT course offer karte hai un mein thode alag ho sakte hai. Kuch universities ke kuch specific prerequisites ya admission tests ho sakte hai, aur kuch universities aapke undergraduate performance ya entrance exam scores ke upar aapko admission de denge.

M.Sc. IT pursue karne ke liye aap ye steps follow kar sakte hai-

• 1. Research universities and programs- Kaafi saare universities aur unke M.Sc. IT programs ko explore kare. Unke admission requirements, curriculum, faculty, aur koi specific prerequisites hai to wo dekhiye. Ise aapko universities short list karne mein help milegi.
• 2. Eligibility criteria check kijiye- Jin bhi universities ya institutes mein aap interested hai unke M.Sc. IT programs ke eligibility criteria ko review kijiye. Typically jo eligibility criteria hota hai wo hota hai ki aapne graduation kiya ho IT /Computer Science / Mathematics/ Physics/ Statistics/ Electronics ya BCA ya BE with minimum 45% marks. Kuch institutes mein 10+2 ya uske equivalent mein mathematics chahiye hota hai. Lekin jaisa ki maine bataya eligibility thodi bahut differ kar sakti hai university to university.
• 3. Entrance exams - Kuch universities entrance exams conduct karte hai M.Sc IT ke admission ke liye. In exams mein aapki in areas mein knowledge ko assess kiya jaata hai. Computer science, mathematics, logical reasoning, and general aptitude. To jis university mein aap apply karna chahte hai agar usme entrance exams hai to uski preparation kijiye.
• 4. Application process- Ek baar aapne universities ko identify kar liya jahan par aap M.Sc. IT karna chahte hai to uske baad unke application process ko complete kijiye specified deadlines se pehle. Agar aapke university ya institute mein interview ka process hota hai aur aap interview ke liye shortlist hue hai to aap apne undergraduate coursework ko review kijiye, brush up kijiye technical concepts ko, aur ready rahiye discuss karne ke liye IT mein apne interest ke baare mein aur apne career goals ke baare mein. Waise ye sunne mein jitna difficult lagta hai utna hai nahi. Haa kaafi students nervous to ho jaate hai interview mein lekin bas aap jitna ho sakte thik se explain kijiye. Interviewer ko bhi pata hai ki aap koi experienced professional nahi balki ek student ho.

To dhyan rakhiye ke admission processes aur specific requirements universities ke alag ho sakte hai. Isliye ye recommended hai ki aap acche se research kariye un universities ke baare mein jahan par aap interested hai apply karne ke liye aur directly reach out kijiye unke admissions departments ko, taaki aapko sahi aur satik, up-to-date information mil sake.

Aakhir mein ye bhi kehna chahunga ki ho sakta hai science backgound IT ke kuch areas ke liye beneficial hota ho lekin BCA degree aapko already ek solid foundation de deta hai computer applications aur programming mein. As long as you meet the eligibility criteria set by the universities you are applying to, you should be able to pursue an M.Sc. IT and further enhance your knowledge and skills in the field of information technology. Aur koshish kare acche college mein admission lene ka.