MBA in Marketing kya hai?

Sabse pehle to ye kahunga jo mai MBA se related har video mein kehta hun ki MBA kar rahe ho to acche reputed college se kijiye taaki aapko badhiya placements mil sake. Mujhe kaafi baar students poochte hai ki aaj ke time mein MBA karna thik rahega ya nahi kyunki itne saare MBAs jo ho gaye hai. Ji haan MBA ki tadaad to bahut zyaada hai lekin doston reputed colleges se agar aap MBA karte ho to aaj bhi ye aapke career ko ye badhiya shuruwaat de sakta hai. Aapko return on investment ko bhi dhyaan mein rakhna hai. Jaise aap jitni fees apne MBA mein doge to aapko package uske comparision mein accha milna chahiye tabhi to aapka return on investment accha hoga. To koshish karen top ke institutes mein jahan placements acchi hai waha par aapko admission mile. Uske liye obviously aapko entrance mein accha score karna padega. Kyunki kaafi baar agar MBA ke liye aapko average college milta hai to ho sakta hai ki aapko uska utna fayda na ho paye shuru mein.

MBA in marketing ek post graduate course hai jo normally hota hai 2 saal ka. To ye MBA course hai jisme specialisation hoti hai marketing mein. Is course mein kaafi aise skills cover hote hai jo kisi particular company ya brand ki marketing ya sales ke liye zaruri hai. Branding kisi bhi business ka bahut hi aham pehlu hai aur uski success ke liye sahi marketing zaruri hai. MBA Marketing ke subjects mein jo skills sikhye jaate hai wo hai communicating, selling, advertising aur kaafi tarah ke problem-solving skills.

MBA in Marketing students ko sikhata hai right consumer base identifying karne ki kala aur building a brand falls. Ek marketing professional ki tarah kaam karte hue aapko ek brand build aur promote karna hota hai aur ek organization ko consumer behaviour ko pehchane mein help karna hota hai and cater to their requirements among other things.

Kise suit karega yeh course?
Jo creative hai
Jinki Communication Skills badhiya hai, jinki Analytical aur Leadership Skills acche hai
Reasoning Skills acche hai jinke
Problem Solving Skills jinke acche hai

MBA in marketing ka curriculum bahut vast learning provide karta hai jo students ko behtar future marketing managers banne mein help karta hai aur is field mein expertise pradaan karta hai.

Kuch aur cheezein jo aap is course mein seekheinge wo hai:
Market Research and Analysis
Selling
Pricing
Advertising
Product Designing
Presentation
Communication

Doston course ke delivery structure ki baat karen to kuch is tarah se hai:
Isme hote hai Lectures, Classroom Discussions, Case Studies, Quizzes, Individual and Group Projects, Paper Submissions, Internships honge jaise Industrial and NGO, etc.

Eligibility ki baat karen to:
Graduate hone chahiye aap yaani Bachelor’s Degree in any discipline. Yaani kisi bhi stream se aapne graduation kiya ho to chalega.
Aur iske saath graduation mein minimum 50% marks aapke hone chahiye

MBA course mein admission hota hai entrance exams ke basis par. Jaise joof marks ya percentile aap score karte ho top Management Exams mein jaise CAT, GMAT, XAT, etc. Aur kaafi saare B-Schools Group Discussion ya Personal Interview ya phir dono hi conduct karti hai. Ye bhi selection mein zaruri hota hai.

Aapke academic performance aur work experience ko bhi weight diya jaata hai thoda. Normally agar baat karen selection ke samay weightage ki to is tarah ho sakta hai

Entrance Test 60-70%
GD/PI/Essay Writing 5-10%
Academic Performance 10-15%
Work Experience 5-10%

Fees:
Fees to har institute ki alag hogi par ye ho sakti hai around Rs. 4-20 Lacs ke beech.

Aaiye doston ab dekh lete hai kuch subjects jo MBA in marketing mein hote hai normally:
Business Statistics
Managerial Economics
Corporate Finance
Financial Accounting
Macroeconomics
Management Accounting
Managing Organizations
Managing People and Performance in an Organization
Managerial Communication
Marketing Management
Competition & Strategy
Operations Management
Advertising and Sales Promotion
Internet Marketing
Retail Management
Service Marketing

Employment areas:
E-Commerce
FMCG
Retail
Advertising
Marketing Research
Banking sector
Tourism department
Media
IT sector

Job profiles ki baat karte hai ab jo aap paa sakte hai MBA in marketing ke baad. Aapko mai kuch job profiles explain bhi kar deta hu.
Marketing Manager:
Marketing manager ki responsibilities hoti hai companies ke liye marketing strategies develop, implement aur execute karna. Taaki wo naye customers ko attract kar sake aur abhi ke customers ko retain bhi kar sake

Business Development Manager:
business development manager alag alag sales leads ko identify karta hai, clients ko pitch karta hai aur logon ke saath acche contacts manage karta hai.

Area Sales Manager:
Area sales manager ek area mein thik se sales ho iski responsibility leta hai aur sunishchit karta hai ki targets meet ho. Revenue growth ko increase bhi karwana hota hai unhe.

Brand Manager:
Brand managers ye sunishchit karte hai ki company ke products/services company ki brand value ke saath match ho aur har aspect mein paalan karen.

Market Research Analyst:
Market Research Analyst research karte hai aur har tarah ka data iqhatta karte hai company ko uske product ko most productive way mein market karne ke liye.

Media Planner:
Media Planner campaigns banaate hai product ki advertising ke liye uske marketing objectives ke saath

Waise doston inke alawa aur bhi job profiles hai jaise Advertising Manager, Public relations director, Market research analyst, Product manager

Agar MBA in marketing ke baad aap experience lene ke baad aur advance courses karna chahte hai to :
M.Phil in Marketing
Ph.D in Marketing

Salary ki baat karen to doston shayad aapko pata hi hoga ki MBA ke baad aapki salary kaafi cheezon par depend karti hai jaise aapka institute, aapka profile, aapka work experience etc. Kaafi saare institutes apne placements ke packages publish karti hai jisme wo minimum, average aur maximum package jo unke students ko mile hai campus mein wo bataate hai.

Waise ye to thi jankari regular MBA ke baare mein par doston kaafi students ke man mein ye sawaal hota hai ki kya agar MBA distance ke zariye karen to fayda hai? Dekhiye doston regular MBA ki value distance ke mukaable kaafi zyaada hai obviously kyunki students usme kaafi time dete hai class mein. Distance MBA mein placements bhi normally nahi hote hai waise. To distance MBA faydemand hai ya nahi ye aapke job par depend karega ki kya aapke job mein MBA ki zarurat hai? Waise aise bhi kaafi cases hai jahan distance MBA job mein utna fayda nahi pahuchata, haa agar aap knowledge ke liye karna chahte ho to baat alag hai. Lekin fresher ko to distance MBA nahi karna chahiye aur experienced log agar distance MBA karna chahte hai to pehle acche se ye check kar lijiye ki kya aapke job mein uski zarurat hai? Jaise for example kuch aise promotions ho sakte hai jinke liye MBA ki zarurat ho lekin please pehle check kar lijiye.

To doston ye thi jankari MBA in Marketing course ke baare mein. Agar video acchi lagi to like karen aur share zarur kijiye sabke saath. Subscribe nahi kiya hai to zarur kijiye. Milenge next video mein jald hi. Dhanyawaad.

Add a Comment

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *