M.Sc Psychology course career options and other details in Hindi | M.Sc Psychology kya hai? M.Sc ka full form kya hai?

Aaj is video mein hum aapko bataayenge Master of Science Psychology course ke baare mein. Iske baare mein kaafi kuch jaane aap jaise ki ye course actual mein hai kya?, kise karna chahiye ye course, Iski eligibility, syllabus, Career options, salary etc. To aap ya phir aapka koi kareebi ye course karna chahta hai to ye video aapke liye kaam ka hai.

Master of Science Psychology yaani M.Sc Psychology ek postgraduate course hai Psychology mein. Ye course students ko academic aur practical knowledge deta hai psychology mein. Students theories develop karte hai aur unhe research ke dwaara test karte hai. Is research ke zariye unko nayi jaankari milti hai.

Psychology mein mind aur behaviour ki study ki jaati hai. Kaafi psychologists independently kaam karte hai. Psychology mein kaafi cheezon ki study hoti hai jaise perception, comprehension, emotions, intelligence, personality, relationships, behaviour, aur subconscious. Psychologists study karke individuals ki mental aur emotional problems ko treat karte hai. Individuals ke behaviour ke saath saath psychologists groups ke behviour ko bhi study karte hai. Wo human activity ko samjhte hai, logon ki counselling karte hai taaki wo emotionally thik ho sake.

Aaiye ab jaante hai ki kise suit karega ye course ya kise karna chahiye ye course?
Jo problems ko critically analyse kar sakte hai
Jinko problem solving skills acchi hai
Jo human behaviour ko acche se samajhte hai
Jinki Communication skills acchi hai
Jinko teaching field mein jaana hai

Eligibility kya hai is course ki-
B.Sc. ya B.A degree Psychology mein with 50% aggregate marks.
Kuch institutes mein Bachelor of Social Work (BSW), B.A. Sociology, B.Sc. Home Science, B.A. Philosophy aur B.Ed. ke students jinko Psychology subject tha wo bhi eligible ho sakte hai.

Entrance exams bhi ho sakte hai

Duration hoti iski normally 2 years jo 4 semesters mein divided hota hai

Fees jo hogi iski ho sakti hai around Rs. 3,000 to 2 lakhs ke beech ho sakti hai.

Aaiye ab dekhte hai kuch job profiles jo aap paa sakte hai aap Master of Social Work course ke baad. Kuch job profiles aapko mai explain bhi kar deta hu.
Psychologist-
Psychologist individual patients ke saath to kaam karte hi hai saath hi aur kaafi areas mein kaam karte hai jaise hospitals, businesses, clinics, prisons, communities, schools, the government, military etc.

Social psychologist-
Social psychologist social interactions ki research karte hai. Wo university, college, government ya private organizations mein bhi kaam kar sakte hai.

Educational psychologist
Educational psychologist schools, government agencies aur private sector ke saath kaam karte hai.

Aur kuch job profiles hai:
Staff recruiter
Urban planning officer
Research Specialist
Teacher
Special Education Teacher

Aaiye ab kuch employment areas dekh lete hai jo M.Sc Psychology ke baad hai
Govt. Social Services
School, Colleges & Universities
Commercial and Industrial Companies
Jails/Prisons
Police Forces
Social Work

Aaiye ab subjects dekh lete hai semester wise jo is course mein ho sakte hai. Dhyan rahe doston ki kuch subject institute to institute thode alag ho sakte hai.
Semester 1
Cognitive psychology
Statistics in behavioral science
Research methods in psychology
Neuro psychology
Practical
Seminar

Semester 2
Cognitive psychology II
Experimental designs theory
Psychometrics theory
Neuro psychology theory
Practical
Seminar

Semester 3
Psychology of social behavior theory
Applications of psychology
Personality theory
Systems and skills
Synopsis

Semester 4
Dynamics and interpersonal behavior theory
Applications of psychology II
Self and positive psychology
Systems and skills intervention
Dissertation

Advance course iske baad aap agar karna chahte ho to aap kar sakte hai-
Ph.D in Psychology ya M.Phil in Psychology

Salary:
Doston waise salary kaafi factors par depend karti hai jaise aapka institute, aapka profile etc. but average starting salary ki baat kare to yeh ho sakti hai around Rs. 3.5 – 8 lakhs per annum.

To doston ye thi jankari Master of Psychology course ke baare mein. Video acchi lagi to aap ise like aur share bhi kar sakte hai. Hamari yahi hai ki aapko career se jude har cheez ke baare mein hum jankari dete rahen. To aur bhi useful videos aate rahenge is channel par. Mai milunga aapko next video mein jald hi. Dhanyawaad.

Add a Comment

Your email address will not be published. Required fields are marked *