M.Phil Economics kya hai? Puri jankari

Aaj hum aapko bataayenge M.Phil Economics course ke baare mein. Yaani ki M.Phil course jisme specialization hoga Economics. Iske baare mein kaafi kuch jaane aap jaise ki ye course actual mein hai kya?, kise karna chahiye ye course, Iski eligibility, syllabus, Career options etc. To aap ya phir aapka koi kareebi ye course karna chahta hai to ye video aapke liye kaam ka hai.

https://youtu.be/Jb7bf-hVGVw

M.Phil. Economics ya Master of Philosophy in Economics ek postgraduate research course hai economics mein.

M.Phil Economics focus karta hai goods and services ki consumption, production, aur distribution ki analysis aur study par. Aur isme jo latest concepts hai uspar. Economics waise Social Science ka ek branch hai. Students ko sikhai jaati hai ki economies kaise kaam karti hai. Is course se Students ko ek broad perspective mil paata hai econmics par jo social aur political influences ho rahe hai uspar. Jo ki ye ek research course hai to isme unko sikhai jaate hai economic theories aur principles to sikhaye hi jaate hai par saath hi in theories ke practical application ke baare mein bhi bataya jaata hai. Matlab ki kaise in theories aur principles ko practical situations mein apply kiya ja sakta hai.

Students isme problems ko identify karna sikhte hai, creatively sochna sikhte hai aur un problems ko solve karne ke liye kaise ek optimal solution lana chahiye ya koi innovative solution laya jaye is baare mein bhi seekhte hai.

M.Phil. Economics students ko in concepts se introduce karwata hai:
research methodologies in economics, quantitative techniques, contemporary economic issues, the economy of globalization, methods of data reduction, current issues in the Indian economy.

Aaiye ab jaante hai ki kise suit karega ye course ya kise karna chahiye ye course?
Jinki mathematical aur statistical analysis methods mein understanding kaafi strong hai.
Jinki analytical thinking kaafi strong hai
Jin students ke paas Critical evaluation, performance assessment, aur research analysis ke skills hai

Eligibility kya hai is course ki

Aapke paas post-graduation degree honi chahiye Economics ya usse related subject mein. Aur post graduation mein kam se kam 55% aggregate marks hone chahiye.
Kaafi colleges mein admission ke liye entrance exam hota hai jiske baad kuch colleges mein group discussion aur personal interview bhi hota hai.

Entrance test mein waise to alag alag topics ho sakte hai par kuch common topics hai ye

Microeconomics
Macroeconomics
Econometrics

Duration

Duration hoti iski normally 2 years aur ye semester wise divided hota hai

Fees

Fees jo hogi iski ho sakti hai around Rs. 10,000-1,00,000 ke beech ho sakti hai.

Job Profiles

Aaiye ab dekhte hai kuch job profiles jo aap paa sakte hai aap M.Phil Economics ke baad. Kuch job profiles aapko mai explain bhi kar deta hu.
Economist-
Economist society aur uske economic system ke beech jo relationship hai uski study karte hai

Research Analyst-
Research Analyst equity securities ke baare mein reports prepare karte hai

Assistant Professor
Assistant Professor colleges and universities mein students ko sikhate hai. To M.Phil in Economics ke baad aap Economics sikha sakte ho students ko.

Fund Analyst-
Fund Analyst Stock Market Traders ko financial information, advice, aur recommendations dete hai global investment data ke basis par.

Equity Analyst/Financial Analyst
Equity/Financial Analyst securities par research karte hai aur ye pata karte hai ki kaunse securities ke profitable hone ke chances hai. To is tarah se wo individuals ya organizations ko financial decision lene mein help karte hai.

Risk Advisor
Risk Advisor business processes ko evaluate karte hai aur risk levels identify karte hai.

Quantitative Modelling Manager
Quantitative Modelling Managers Statistical methods, modeling aur research ka istamaal karte hai Financial behavior pata karne ke liye

Employment areas

Aaiye ab kuch employment areas dekh lete hai jo M.Phil Economics ke baad hai
Financing Companies
Trade Centres
Finance Departments
Banks
Stock Exchanges

Topics

Kuch topics aapko bata deta hu jo is course mein ho sakte hai, ek basic idea ke liye:
Research Methodology in Economics
Quantitative Techniques
Contemporary Economic Issues
Methodology Of Dissertation Writing
Logic And Methodology Of Science
Current Issues In Indian Economy

Doston waise isme classroom learning ke saath workshops bhi hote hai

Advance course iske baad aap agar karna chahte ho to aap kar sakte hai-
Ph.D in Economics
Ye bhi ek research degree course hai. Waise aap Ph.D bina M.Phil kiye bhi kar sakte hai.

Doston kuch log ye poochte hai ki kya wo M.Phil karne ke baad apne naam ke aage doctor laga sakte hai? To iska jawab hai nahi. Apne naam ke aage Dr. lagaane ke liye Ph.D karni hogi.

To doston ye thi jankari M.Phil in Economics course ke baare mein. Video acchi lagi to aap ise like aur share bhi kar sakte hai. Hamari yahi hai ki aapko career se jude har cheez ke baare mein hum jankari dete rahen. To aur bhi useful videos aate rahenge is channel par. Mai milunga aapko next video mein jald hi. Dhanyawaad.

Add a Comment

Your email address will not be published. Required fields are marked *