Courses for Banking after 12th (Hindi)

Mujhe kaafi sawaal aa rahe the ki Banking sector mein job ke liye kaunsa course kare? Kya aap Banking sector mein career banana chahte ho?

Waise to mitron Banking sector ke zyaadatar posts ke liye toh kisi bhi stream se graduation chalta hai. Jaise for example Probationary Officer post jo ki kaafi popular hai students mein, iske liye kisi bhi stream mein graduation kia ho aapne Arts se, Commerce se ho ya Science se chalega. Bas aapko Banking entrance exam clear karne hote hai jaise IBPS ya Bank ke apne entrance exams.

To bas graduate degree honi chahiye kisi bhi stream se aur aap Banking sector ke posts ke liye apply kar sakte ho.

Par kuch posts jaise Specialist Officer ke liye us post se related degree ki zarurat ho sakti hai.

Par doston kuch aise courses hai joki Banking ke field se related hai thode. Yah courses aapko Banking aur Finance ke concepts se introduce karate hai. Toh mitron aaiye dekhte hai kuch bachelors degree courses jo ki aapko helpful ho sakte hai agar aap Banking sector mein jaana chahte ho. Yah courses 12th ke baad aap kar sakte ho-

1. B.Com
B.Com kaafi popular course hai commerce stream mein. Kaafi universities B.Com mein alag alag specialisations bhi offer karti hai.

2. Bachelor of Economics
Agar aapko Economics mein interst hai to yah degree course aapke ke liye behtar hoga.

3. Bachelor of Finance and Accounting (BAF)
Isme finance aur accounting par zyaada focus hota hai

4. Bachelor of Banking and Insurance (BBI)
Isme Banking aur Insurance par zyaada focus hota hai.

5. BBA in Banking and Finance ya BBA in Banking and Insurance

6. B.Sc. in Banking and Finance

7. BA (Banking) or BA (Economics)

Doston inme se kaafi courses par maine video already banai hui hai jisme maine inki eligibility aur baaki zaruri details bataye hue hai. Niche description mein links hai un videos ke.

Aaiye Mitron ab baat karte hai Banking mein jo job profiles aap paa sakte hai. Unme se kuch aapko bata deta hu-
PO (Probationary Officer)
Clerk
Bank Manager
Assistant Manager
Insurance Officer
Loan Officer
Market Analyst
Consultant
IT Officer

Toh mitron jaise ki maine kaha Banking mein jaane ke liye normally toh kisi bhi stream se aapne graduation kia ho chalega par agar aap Banking ke kaafi concepts apne graduation mein seekhna chahte ho to aap bataye gaye bachelors degree courses kar sakte ho.

To mitron blog ya video acchi lagi to like aur share zarur kare aur bahut se useful videos ke liye subcribe karna na bhule. dhanyawaad.

Add a Comment

Your email address will not be published. Required fields are marked *