BCA vs B.Sc Computer science कौनसा करें?

Aaj baat karenge ki BCA aur BSc Computer Science mein kya difference hai aur kis student ko kaunsa suit karega. Par aapse request hai ki video ya blog ko end tak dekhiye ya padhiye taaki aapko koi misunderstanding na ho.

Mitro BCA aur BSc. Computer Science mein kaafi students confuse ho jaate hai ki kaunsa choose kare. To aaiye mai aaj aapko dono ke basic differences bata deta hu taaki aapko yah decision lene mein aasaani ho.

Kuch topics in dono courses mein similar ho sakti hai jaise programming par institute par bhi depend karta hai ki kitne subjects similar honge. But differences to hai kaafi toh aaiye jaante un differences ke baare mein.

BSc. Computer science ke liye aapka 10+2 Science stream se kiya hona zaruri hai. Is course mein aapko computer science ke core cocepts sikhaye jayenge detail mein. Isme Zyaada focus computing ke mathematical aur theoretical foundations par hota hai aur hardware par bhi. Physics ke kuch topics bhi bataye jayenge isme aapko. Isme aapko hardware aur software, operating systems, aur applications ke design aur development ke baare mein bhi bataya jaata hai.
Isme mathematical algorithms, computer theory ki samaj sikhate hai taaki latest cheezein computer technology mein aap develop kar sake.

BCA ke liye aapne kisi bhi stream se 10+2 kiya ho to chalega aap eligible ho jaoge jaise Science, Commerce aur Arts. Par kuch institutes 12th mein maths subject ki requirement rakh sakti hai. Ye zyaada professionally oriented course hai. Lekin BCA mein aapko computer science ki in-depth conceptual understanding nahi milegi. Wo B.Sc computer science mein milegi. BCA mein computer science, programming, database design, software engineering, networks and information systems ityaadi par zyaada focus hota hai.

Halanki B.Sc Computer Science ke baad IT industry mein bhi kaafi job profiles aap paa sakte hai, par B.Sc Comp science research aur academic field yaani teaching related field ke liye bhi kaafi faydemand hai kyunki isme aap kaafi computer science ke fundamental concepts ko padhte hai.

BCA mein current technologies aur applications par zyaada focus rahega to ye IT industry ke kuch job profiles ke liye zyaada suitable rahega.

Short mein kahun toh agar aap Computer Science ke fundamentals mein zyaada interested hai aur software, computing systems ya hardware design karna chahte ho toh BSc Computer Science zyaada accha rahega aur agar aap computer science ke application ke zariye business problems ko solve karne mein zyaada interested hai to aapke liye BCA zyaada accha rahega. Ya phir agar aap commerce ya arts stream se hai lekin aapko computers mein interest hai to aapke liye BCA accha rahega. Par decide karne se pehle analyze kijiye kuch aur baaton ko bhi.
Jaise:
Dono mein se kaunse course ke subjects aapko zyaada pasand aate hai.
Dono mein job profiles kaunse available hai aur aapko kaunsa job profile chahiye.
Dono mein se kaunse course ke liye aapko acche college mein admission mil raha hai. Haa ye bahot zaruri hai

Dono mein bhi job opportunities available hai kaafi computers ke field mein. kaafi aise job profiles hai jo in dono courses ke graduates paa sakte hai.
Toh sochiye in baaton ke baare mein phir decision lijiye. Aur dono hi courses ke upar maine kaafi videos banaye hue hai jisme maine unke subjects, job profiles aur bahut saare aur details bataye hue hai. Description mein hai wo links.

To doston comments mein hume aap apne suggestions bataye aur bataye ki aur kis tarah ke videos chahiye aapko. To milenge next video mein jald hi. Pranipaat.

Add a Comment

Your email address will not be published. Required fields are marked *