BBA vs BMS kya koi difference hai? jaaniye. Full form of BBA is Bachelors of Business Administration and full form of BMS is Bachelor of Management Studies

Doston kaafi students ko ye confusion hota hai ki BBA kare ya phir BMS? Ab ye dono courses dekne mein kaafi similar bhi lagte hai. BBA ke upar to maine kaafi videos bhi banaye hue hai detail mein. jaise BBA ke course details aur BBA ke baad jo aap kar sakte hai wo. Lekin aaj hum in dono course ko acche se samjhenge taaki aapko dono mein se choose karne mein aasaani ho. To is video mein hum BMS aur BBA ke key differences hai unko samjhenge. Kaafi students ye bhi poochte hai ki dono mein se zyaada accha scope kisme hai. To ghabraiye mat aapke saare doubts clear karun is video mein.

BBA yaani Bachelor of Business administration. Ye ek Bachelor’s Degree management education program hai. BMS yaani Bachelor of Management Studies. Ye bhi ek Bachelor’s Degree management education program hai. Dono hi course design kiye gaye hai students mein Business aur Management Skills daalne ke liye jo kisi company ya organisation chahiye hota hai normally.

Dono hi courses ki eligibility hai 12th passed in any stream. Aur dono hi 3 saal ke course hai. Dono mein hi project work bhi hota hai aapko. To eligibility, course duration aur course format dono ka hi same hai. Course ka content bhi kaafi hadh tak same hai but kuch differences hai.

To aapke man mein hoga ki dono hi almost same hai to do courses kyu banaye. Ek hi hona chahiye tha na? Aapka question sahi hai. But iska reason, iski wajah ye hai ki BMS course kuch colleges ne introduce kiya tha aur wo is course ko BBA aur BBM jaise courses se alag rakhna chahte the. Jab BMS course introduce hua tha tab BBA kaafi popular tha. To kuch colleges is BBA course ko redefine karna chahte the. Isliye unhone ye BMS course nikala. Isliye course ka content bhi same hai kaafi hadh tak. Lekin agar aap gaur se dekhe to kuch differences hai dono course mein. Chote differences hai. Aaiye dekhte hai wo differences

BBA jo hai wo management ke administrative aspects par focus karta hai
BMS jo hai wo management ke logical aur analytical aspects par focus karta hai

Waise dono hi courses ke baad ka jo advance course hai jo students normally karte hai wo hai MBA. Kuch universities BBA course offer karte hai kuch universities BMS course offer karte hai.

Doston in dono courses ke kuch subjects, yaani around 2-3 subjects jo hai wo alag ho sakte hai, baaki to same hi hote hai normally. Aur dono hi courses mein specialisation ka option aapko mil sakta hai but wo institute par depend karega ki wo kaunsa specialisation offer karte hai. Institute jo specialisation offer kar rahe hai unme se hi aap choose kar sakte ho.

Dono hi course ke agar kuch similar subjects hum dekhen to wo hai Accounting, Human Resource Management, Marketing, Organisational Behaviour, Communication Skills, Operations Management, International Trade, Business Law. Waise ye kuch subjects maine bataye, inke alawa aur bhi subjects similar ho sakte hai.

To aap soch rahe honge ki aapko kaunsa choose karna chahiye? BBA ya BMS
To meri advise to aapke liye ye hogi doston ki course ke ye jo kuch differences hai inke basis par decision lene se accha hoga ki aap behtar college choose karne par dhyaan dijiye. Ji haan, dono courses ke liye aap apply kar sakte hai. Aur jis course ke liye aapko behtar college milta hai aap wo choose kijiye.

College ko choose karte samay aap kuch factors jaise infrastructure, placement, faculty, rating wagehra par dhyan dijiye. To course aap dono mein se koi bhi choose kare lekin college jo aapko behtar mil raha hai wo choose kijiye. Kyunki dekhiye dono course ke content to almost same hi hai, sirf kuch differences hai. To aap apna focus behtar college chunne par rakhoge to behtar hoga.

To doston aapne is video mein samjha ki BBA aur BMS course mein se kaise aap chun sakte hai basically to jo meri advise hai aapke liye jaisa maine bataya ki aap behtar college chunne par dhyan dijiye.

To agar aapko aise videos is channel par aur bhi chahiye to hume comments mein bataiye ya kisi aur tarah ke videos chahiye to wo bhi bataiye. Aur jo naye viewers hai hamaare, Subscribe agar nahi kiya hai aapne is channel ko ab tak to niche dekhiye ek laal color ka subscribe button hoga, use dabaakar aap subscribe kar sakte hai aur hume support kar sakte hai. To doston milenge next video mei jald hi. Dhanyawaad.

Add a Comment

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *