B.P.Ed. course ke baad career options | बीपीएड कोर्स करियर

Doston jab aap Bachelor of Physical Education yaani B.P.Ed. course complete kar lete ho to sports and fitness ke field mein kaafi career options mein se aap choose kar sakte ho. Aise hi kuch career options ke baare mein batunga aapko is video mein.

Doston job profiles bataane se pehle aaiye dekh lete hai ki is course mein kya topics aapko sikhaye jaate hai normally:
Isme aapko sikhaya jaata hai:
History of physical education
Culture of Games
Anatomy
Sports psychology
Elective course mein games hote hai jaise badminton, tennis, cricket, hockey etc. jisme theory aur practical dono hote hai

Aaiye aapko mai kuch job profiles batata hu jo B.P.Ed. course karne ke baad aap paa sakte hai.

Sports trainer:
Sports Trainer kaafi tarah ke sports mein mastery haasil karte hai aur wo un sports ko khelne ko lekar guidelines provide karte hai jaise un sports ke rules, scores etc. Unka ye kaam hota hai ki wo discipline maintain kare jis bhi category ke sports mein wo indulged hai usme aur sportsperson ko un particular sports mein train kare.

Gym trainer:
Gym trainer banne ke liye aapko physically fit to rehna hi padega par saath hi aapko kaafi tarah ke exercises ke baare mein jankari rakhni hogi. Gym trainer ka kaam hota hai gym mein instruct karte hai alag alag physical activities ke liye. Wo ek lead ki tarah hote hai gym mein aur guide karte hai. Gym trainers aaj kal kaafi accha paisa kama rahe hai.

Fitness in-charge:
Fitness in-charge ki kaam hota hai jinhone unho hire kiya hai unke liye diet plans, exercise ya daily workouts mein madad karna. Us person ki overall fitness development ki responsibility hoti hai in par. Kuch cases mein Fitness in-charge badi companies ya community centers ke liye bhi kaam karte hai jahan par unka kaam hota hai logo ko physical workout ke liye train karna

Physical Education Teacher:
Is profile mein aap as a Physical Education Teacher school, college or university mein job kar sakte ho. Physical Education Teacher sabhi tarah ke physical activities jo hote hai jaise PT exercises, games, and sports etc. use manage karte hai. Wo students ko physical education as a subject bhi sikhaate hai.

Yoga Instructor/ trainer:
Yoga kaafi popular hai India mein aur acche Yoga trainers ki kaafi demand bhi hai. Yoga trainers Bharat ki is traditional exercise, jo ki hai yoga, use master karte hai. Wo logon ko sikhaate hai ki kaise properly yoga kiya jaaye. To wo alag alag asanas unko sikhaate hai.

Sports Coach:
Coaches ka role to kaafi popular hai bahut se sports mein. Jaise example ke liye Bharat mein cricket, hockey ke coaches popular hai. Coach jo hai wo kisi ek tarah ke sports ke saath associated hote hai jaise cricket, football, tennis etc. Unki kaafi aham bhumika hoti hai players ko instruct aur guide karne mein aur ye bhi samjhaane mein ki kaise khelna chahiye. Inko normally hire karte hai sports organization ki jo board hoti hai wo. Kaafi respect bhi milti hai unko. Coach banne ke liye aapko us particular sports ka kaafi experience and in-depth knowledge chahiye hota hai. Kaafi saare players retirement ke baad yaani former players jo hote hai wo bhi as a coach kaam karte hai aage jaakar.

Soft skill trainer:
Ye job normally community centers ya hospital mein hota hai. Soft skill trainer differently abled ya jo elderly log hai unko walking, paddling or eating etc. mein train karte hai. To is job mein human behaviour ka part aata hai physical education ki study mein.

Aur doston agar isme hum Employment areas ki baat kare to aap jobs paa sakte hai kaafi instutions mein jaise ki-
Schools and colleges jaise ki-
Army Public School
IITs
Delhi Public School
Alag alag tarah ke Gyms
sports organizations
federations

To doston video acchi lagi to like aur share zarur kare aur aapko agar aise videos aur chahiye to hume bataiye comments mein ya kisi aur tarah ka video bhi agar chahte ho to batao hume. Milenge next video mein aapse jaldi hi. Dhanyawaad.

Tags:

Add a Comment

Your email address will not be published. Required fields are marked *