Lambe samay tak yaad rakhne ki ek memory technique

Namaskar mitro mai hu Vicky aur haal kaisa hai aapka. Aap dekh rahe hai CODE Hindi.
Aksar hame cheeze yaad rakhne me dikkat aati hai. Students aur professional dono ke liye memory ko sharp rakhna zaruri hai. Ham itni saari cheezen seekna chahte hai lekin problem ye hoti hai ki seekh kar kuch samay me bhool jaate hai aur phirse usse seekhna padta hai ya yaad karna padta hai. Is memory ko sharp kaise banaye ki ham jo chahe wo yaad rakh sake. Aaiye sabse pehle to jaan lete hai ki ham cheeze bhoolte kyu hai.
Aapka dimaag nahi chahta ki aap data se overloaded rahe. Isliye wo sabhi naye data ko aapke short term memory mein store karta hai. Agar aap us memory ko zyaada use nahi karte to aap use bhool jaate hai. Toh aaiye dekhte hai ek technique jisse ham seekhi hui cheez long term memory me daal sakte hai.

Ye technique hai spaced repetition: Isme ham seekhi hui cheez ko kuch antaraal me yaad karenge yaani kuch sessions me.


Pehli baar aap yaad kijiye jaise hi aap wo cheez seekhte hai uske turant baad
Doosri baar yaad kijiye 15-20 minutes ke baad.
Teesri baar 6-8 hours ke baad
Chauthi baar 24 hours ke baad

Aap issi technique ko kuch alag tarah se use kar sakte hai jisse aap kaafi lambe samahy tak kuch yaad rakh payenge. Uske liye:
Pehli baar yaad kijiye jaise hi aap wo cheez seekhte hai uske turant baad
Doosri baar 20-30 minutes ke baad
Teesri baar 1 day ke baad
Chauthi baar 2-3 weeks ke baad
Paanchvi baar 2-3 months ke baad

Isse aap wo cheez bahut lambe samay tak yaad rakh payenge kyuki aapka dimaag ye sochega ki agar aap is information ko itne mahine baad bhi yaad kar rahe hai to wo use aasaani se erase nahi hone dega.

Toh doston ye technique aap try karke dekhiye aur mujhe comments section me bataaiye ki aapko isse fayda hua hai kya. Mitro mai memory technique se related aur bhi videos alag parts me banaunga. Videos ki notifications ke liye aap is channel ko subscribe karna mat bhuliye. Dhanyawaad

4 Replies to “Lambe samay tak yaad rakhne ki ek memory technique”

    • Vicky Shetty

      Job ke liye zaruri hai ki aapke technical skills, communication skills acchi ho. Chahe aapne graduation kisi bhi field me kia ho lekin ye dono skills acchi honi chahiye aapki. College placements ke upar bhi depend karta hai accha job. Agar aapki technical aur communication skills acchi hai to aapko job milne me aasaani hogi. Aapko konsa stream choose karna hai jaise BCom, BBA, BA etc. ye aapko apne interest ke upar aur kis acche college me admission mil raha hai uske upar depend karega

Leave a Reply