Career Advice/ Guidance

Sports Anchor / Journalist kaise bane?

Namaste mitro, mai hu Vicky Shetty. Hamare subscriber Sonu Verma ne poocha tha hamse sports anchor banne ka process.

Sports anchor ka career sirf sports ke experts aur public ke saath discuss karna nahi hai balki usse kahi zyaada hai.


Advantages:
Sports experts aur atheletes ko interview kar sakte hai
Experience ke saath career me higher post paa sakte hai
logo tak apni baath pahucha sakte hai

Challenges:
Lamba aur alag alag samay par kaam karna pad sakta hai
Job milna thoda mushkil ho sakta hai shuru me

Job description:
Sports anchors apne scripts likhte hai aur sports news ko present karte hai television ya radio ke maadhyam se. Wo alag alag story ideas ke saath aate hai aur atheletes, agents aur coaches ke saath acche sambandh banaate hai. Wo sports players ke studio ke andar aur bahar interviews lete hai. Sports anchor ko local aur national sports ke baare me up-to-date rehna padta hai aur information ko is tarah present karna padta hai ki log use asaani se samaj paaye aur analyze kar paye. Sports anchor ko apne viewers aur readers ko sports ke news se na sirf avgat karana hota hai balki usse kaafi interesting tarike ke present karna hota hai.

Skills:
Is job ke liye aapki writing aur speaking skills acchi honi chahiye.
Sports ke liye ek junoon hona chahiye.

Kuch aur qualities jo companies dekhti hai ek sports anchor me wo hai:
Excellent oral and written communication skills
Ability to succeed in a stressful environment
Like to work and talk with people
Team player
multi-tasking, and research skills;
neat appearance (for television positions)
ability to travel when needed

Education:
Sports anchor banne ke liye ye degree zyaada labhdayak rahegi:
Bachelor’s degree ya Masters degree in Journalism, broadcasting, or mass communications
Internship karne ka mauka mile bahut hi accha hoga.

Degree prapt karne ke baad aap interviews dijiye choti aur badi media companies me. Agar shuruwaat me badi media company me job nahi mil rahi hai to choti media company me shuruwaat karke apne followers banaiye. Phir jaise jaise aap famous honge aap badi companies me switch kar sakte hai.

Salary:
Dekhiye doston specifically sports anchor ki salary to mentioned nahi hai top websites par lekin news anchor ki salary thode bahut mentioned hai. Us basis par aapko ye bata sakta hu ki shuru me salary kam hoti hai aur jaise jaise aapka experience badhega aapko bahut acchi salary mil sakti hai. Shuru me ye around Rs.150000 se 300000 per annum tak ho sakti hai. Par experience ke baad aur agar aap famous ban gaye to bahut jyaada ho sakti hai salary

Sports journalism me experience ka bahut mahatva hai. Isliye aapko shuru ke kuch saal is field ke har pehlu ko bareeki se samajhna hoga.

Doston ye thi sports anchor banne ki kuch information. Koi bhi sawaal ho to subscribe karke niche comments box me apna sawaal pooch lijiye.

Leave a Reply