Software Testing kya hai? Saari jankari

Doston Software development lifecycle ka ek bahut hi important part hai Testing. Software testing ke baare mein is video mein mai aapko aafi mahatvapoorna jankari dunga. Agar aapko software development ya software testing mein career banaana hai to is video ki poora zarur dekhiye. Par usse pehle.

To aaiye shuru karte hai.

Software testing aakhir hai kya?

Software testing ek investigation hai jo conduct kiya jaata hai stakeholders ko software product ya service ki quality ki information dene ke liye.

Isme jo Test techniques istamaal ki jaati hai usme ek process follow kiya jaata hai software mein bugs find karne ke iraade se. Bugs yaani errors ya defects jo software mein ho sakte hai.

Generally ek software ya software component ko in properties ke against check kiya jaata hai.

  • Kya wo design aur development ke requirement ke mutabik banaya gaya hai
  • Kya wo sabhi tarah ke inputs ko sahi se respond kar raha hai
  • Kya wo thik tarah se usable hai.
  • Kya use uske bataye gaye environments mein install kiya jaa sakta hai
  • Kya wo uske stakeholders ke aasha ke anusaar result provide kar raha hai

Dekhiye ek software ko test karne ke anginit tarike ho sakte hai. To normally software testing mein kisi strategy ka istamaal hota hai taaki wo kuch selected tests uspar kar paye diye gaye time aur resources ko dhyaan mein rakhte hue. Software testing ka main uddeshya ye hota hai ki software failures ko detect kiya jaye taaki un defects ko pehchan ke correct kiya ja sake.

Software development karte hue yah tay kar liya jaata hai ki software ko kab aur kaise test karna hai.
Sabhi software defects coding errors ki hi wajah se ho ye zaruri nahi hai. Ek common defect jo hota hai wo hai requirement gaps ka. Matlab ki aisi requirements jo program ke designer se miss ho gayi aur jiske kaaran error aa gaya.

Ab dekhte hai ki software testing mein kya roles hote hai normally. Software testing ko ek alag se career ke roop mein 1980’s ke baad dekha jaane laga. Isme kaafi tarah ke roles hote hai jaise test manager, test lead, test analyst, test Designer, tester, automation developer, test administrator. Waise Software testing ko baaki ke log jo dedicated software testers nahi hai unke dwaara bhi perform kiya jaa sakta hai.

Aaiye ab dekhte hai ki Testing ke kitne levels hai. Normally 3 levels ke testing hote hai. Unit testing, integration testing aur system testing. Kuch cases mein ek chauthe level ka testing accetance testing ko developers include kar sakte hai.

Unit testing-Unit testing mein code ke kisi section ke functionality ko test kiya jaata hai.
Integration testing-Unit testing ke baad integration testing kiya jaata hai. Integration testing mein individual software modules ko combine karke as a group unhe test kiya jaata hai. Integration Testing mein components ke beech interfaces ko verify kiya jaata hai. Ye software design ke against kiya jaata hai.
System testing-System testing mein ye verify kiya jaata hai ki system ke saare requirements meet ho rahe hai. Jaise for example system ke login interface ki testing, kuch delete karne ke feature ki testing ityadi

Aaiye ab dekhte hai software testing ke types konse hai. Waise to kaafi hai but kuch main types aapko bata deta hu.
Smoke and sanity testing-Sanity testing se ye pata chalta hai ki kya aage aur testing karna chahiye.
Smoke testing mein ye check karte hai ki kya koi basic problems hai jo software ko bilkul hi kaam karne se rokenge.
Regression testingRegression testing tab kiya jaata hai jab kisi bade code change ki wajah se defects mile ho.

Aur kuch testing ke types hai Functional testing, non-functional testing, usability testing,  security testing,  accessibility testing, etc.

Aiye ab jaante hai Automated testing kya hai:Pehle manual testing kaafi kiya jaata tha jisme kaafi manual kaam hota tha. Aaj ke samay mein zyaada se zyaada companies automated testing par bahut rely karti hai. Automated testing mein softwares test run karti hai aur wo zyaada effective aur time saving hai. Lekin automated tests run karne ke liye tester ko ye acche se seekhna hota hai ki kaise automated testing kisi project mein implement kiya jaaye. Testing se related Zyaadatar jobs bhi automated testing ki requirement rakhti hai. To agar aap software testing mein jaana chahte hai to automated tests implement karna zarur seekhein.

Testing karte samay tester ko kaafi documents prepare karne pad sakte hai jaise ki Test plan, test case, test script, test suite etc.

Umeed hai doston kaafi kuch jaana hoga aapne is video mein. To milenge next video mein jald hi. Dhanyawaad.

Add a Comment

Your email address will not be published. Required fields are marked *