Sales vs Marketing in Hindi


Kya aap jaante hai ki marketing aur sales mein fark kya hai. Ye dono hi kisi business ke bahut basic aur aham functions hai. Dono ka thik fark jaanana bahut zaruri hai agar aap koi cheez bechna chahte hai to. Kaafi log marketing and sales aisa term use karte hai jabki marketing aur sales dono alag cheezein hai. Aaj aapko clearly bataunga is video mein ki kya fark hai dono mein to is video ko end tak dekhiye taaki koi confusion na rahe. Aur haa aapne is channel ko subscribe nahi kiya hai to kar lijiye.

Marketing wo hai jo aap customer ko attract aur retain karne ke liye karte ho.
Sales wo hai jab aap ek customer ke saath communicate karte ho kisi tarah se us lead ko paise mein convert karne ke liye.

To marketing se aap logo ko apne funnel mein laate ho aur sales ke zariye un logo ke saath deal close karte ho. Funnel yaani? dekhiye marketing mein ye term funnel aapko sunne milega kai baar. Jaise purchase funnel. To ye kya hota hai ki customer ki jo journey hoti hai kisi product ya service ko purchase karne ki use ek model banakar purchase funnel ka naam diya hai. Jaise customer ke product ko khareedne se pehle kaafi cheezein hoti hai jaise awareness honi chahiye product ki, preferences wagehra wagehra. To aise dheere dheere customer ko apne funnel mein lata hota hai. Ye hota hai purchase funnel.

To doston Marketing aur sales dono hi bahut zaruri hai kisi bhi businesss ke liye. Aur haan sales jo hai wo marketing ka hi ek part hai.

Aaiye ise ek example ke zariye samajhte hai suppose mere dukan par kuch laptops hai, wo laptops mujhe sell karna hai. Mai unhe bechne par focus karta hu. Bas wo laptops mujhe sell karna hai. Customer mujhse suppose poochta hai ki use laptop chahiye aur mai use laptop dikhata hu. Kuch sales strategies apna kar koshish karta hu ki wo laptop khareed le. Convince karta hun use aur laptop bech deta hu. To ye hoga sales.

Lekin wahin marketing mein mai kya karunga? Mai sabse pehle to pata lagaunga ki kitne logon ko zarurat hai laptops ki. Iska koi market hai bhi ya nahi. Need hai bhi ya nahi. Phir laptops mangwaunga. Laptops ki jitni acchi ho sake promotion karunga, advertising karunga. Uski qualities, specifications wagehra ke baare bataunga aur bhi kaafi processes honge aur phir bechunga bhi use.

Sales jo hai wo product-oriented hai aur marketing kaafi hadh tak customer oriented hai. Sales jo hai wo kuch hadh tak aap keh sakte hai ki usme selfishness hoti hai ki mai apne product ke baare mein hi soch raha hun ki use zyaada se zyaada kaise bech sakun. Wahin jab marketing ki baat aati hai to isme mai apne customer ke baare mein bhi kaafi sochta hun ki uski needs kya hai? use kya problem hai? kaise product ki zarurat hai use.

To sales hum paise kamaane pe zyaada dhyaan dete hai wahin par marketing mein customers ko jo chahiye waisa product unhe provide karne pe dhyaan dete hai.

Sales ke activities jo hote hai wo Persons se related hote hai. Normally jab selling karte hai to persons sell karte hai products ya services ko. Wahin par marketing mein zyaadatar media involved hoti hai jaise ki television, radio, internet ityadi ka istamaal karte hai.

Aur kisine kaha hai ki jitni aapki marketing acchi hogi utna hi easy aapka sales hoga. Matlab ki marketing badhiya hai to sales ke liye zyaada taklif nahi hogi. Zyaada effort nahi daalna padega sales ke liye. Aur jitna accha aapka product hoga ya aapki service hogi utna hi uske marketing ke liye taklif kam hogi. Warna marketing kar rahe hai aur pata chala ki product hi ghatiya hai..to kitne din chal payega ye.

Kaafi log sirf sales par dhyan dete hai. Arre becho, sell karo, sales badhao..jaldi jaldi.. Aur marketing par dhyan hi nahi dete. Ye thik nahi hai. Aapko sales karna chahiye badhiya strategy se lekin pehle apni marketing to badhiya karlo. Apne sales executives ko kosne se kuch nahi hoga, pehle dekho kya tumhari marketing waise hai jisse unhe sell karne mein taklif na ho.

Marketing plan mein jo cheezein hoti hai wo hai aapka product, uski price, kahan becha jayega wo yaani place, aur kise becha jayega. To ise 4Ps of marketing bhi kehte hai product, price, place aur promotion.

Sales mein hota hai sales ka process, sales ke liye team structure, target market aur goals. Aur kaunse tools lagenge apne is target ko hit karne ke liye ye hota hai usme.

Agar hum strategies ki baat karen to Sales aur marketing mein alag tarah ke strategies istamaal hote hai:

Marketing mein normally jo strategies use hoti hai unme se kuch aapko bata deta hu:
Traditional marketing jaise tv ads, Print marketing wagehra.
Digital marketing jaise ki Blog marketing, Search engine optimization, Social media marketing, Video marketing.

Waise Digital marketing aur traditional marketing dono hi par mai videos banta rehta hu. To aap hamare channel ke videos section mein use dekh sakte hai.

Sales mein normally jo strategies use hoti hai unme se kuch aapko bata deta hu:
Inbound Selling
Customer Centric Selling
Solution Selling
Conceptual Selling

Marketing ke liye jo tools istamaal hote hai wo hai:
Content creation tool – marketing ke liye jo content zaruri honge unko create karne ke liye tools chahiye hote hai
Project management tool – marketing ke effort ko manage karne ke liye project management tool ki zarurat ho sakti hai
Conversion Rate Optimization (CRO) tool
Search engine optimization (SEO) tool – Digital marketing jab aap karte hai to Search engine optimization karna hota hai. Agar nahi jaante hai Search Engine optimization kya hai to uspar kaafi videos maine banaye hue hai. Uske Playlist ka link aap description mein dekh sakte hai.
Data reporting software ki zarurat ho sakti hai jo marketing aap karenge unki reports generate aur analyze karne ke liye.

Aur Sales ke liye jo tools istammal hote hai wo hai:
Inventory and order management software – sales ke liye jo order wagehra aayenge unko manage karne ke liye
Invoicing software – Bill to doge na aap customer ko, to uske liye invoicing software ka istamaal kar sakte hai
Meetings app – Sales ke liye jo aap apne customers ke saath meetings wagehra rakhoge. Uske liye application use kar sakte ho.
Documents tool
Email management tool

Doston aaiye ab baat karte hai kuch activities ke baare mein jo marketing aur sales mein onvolved hoti hai taaki hum inke fark ko aur acchi tarah se jaan payen:

Marketing mein jo gathividiyaan hoti hai yaani ki activities unme se kuch hai:
Market Research – Research karna hota hai ki aapka target customer kaun hai. Market mein kis product ki requirement ya need hai is waqt.
Product creation- Yaani ki product ko create karna hota hai market ke need ke anusaar
Promotion of product – Product ka promotion karna hota hai
Advertisement of Product
Product ki value communicate karni hoti hai customers ke saath
Selling of the product – Ji haan jaise ki maine bataya sales jo hai marketing ka hi ek part hai to isme selling bhi aati hai
After Sales Services – Ji haan after sales service jo hai wo company ki marketing strategy ka hissa ho sakta hai
Customer Satisfaction

Sales mein jo gathividiyaan hoti hai wo unme se kuch hai:
Product demonstration – Jab aap koi product kisi ko bech rahe ho to normally kaafi product mein aapko demo show karna hota hai. Demo se pata chalta hai customers ko ki kya wo product unko lena chahiye
Building Contacts – Contacts wagehra build karna hota hai customers ke saath
Establishing Tie-ups – Kisi company ke saath tie ups karte hai
Customer ke needs ko satisfy karna hota hai
E-commerce strategy ka istamaal kar sakte hai product ko bechne ke liye

Doston maine ek video banai thi lead generation ke upar usme maine baat ki thi marketing leads aur sales leads ke baare mein. To is differnce ko bhi samaj lete hai.

To marketing mein jo hai hum ye bhi koshish karte hai ki qualified logo ko hi laa sake yaani qualified leads. Matlab ki jin logon ke liye hamara product bana hai, jo use khareed sakte hai sirf unhe. For example mai bech raha hun home loan to mai koshish karunga apne marketing ke zariye ki aise hi logo ko mai apne funnel me daalu jo is khareedne ke liye qualified hai. Agar kisi ki itni salary nahi hai jo mere home loan ke liye qualify ho sake to mai unhe funnel mein nahi dalunga. Halaki sirf qualified leads lana bahut mushkil hai. Kuch leads to non qualified bhi ayenge aapko jo aapko nikalne honge.

Wahin sales leads mein kya hota hai ki jo already qualified log hai ya leads hai wo hamare paas aa jaate hai marketing ke zariye aur phir hum unhe customers mein convert karne ki koshish karte hai.

To doston aapne dekha ki kaise Sales aur Marketing ek dusre se alag hai lekin alag hone ke bawjood bhi dono mein link to hai. Umeed hai aapko dono ke beech ka fark thik se samaj aaya ho. Share zarur karen sabke saath.

Add a Comment

Your email address will not be published. Required fields are marked *