Resume me experience gap kaise fill karen?

Resume me experience gap yaani wo period jab aap naukri nahi kar rahe the jiski wajah se aapko kaafi problem aa sakte hai interview me. Inteviewer yah baat zaroor poochte hai ki aapke experience me gap kyu hai agar wah gap 2 mahine se jyaada hai to. Iska jawab acche se dena bahut zaruri hai interview me. Aaiye aapko kuch tarike bataate hai jisse aap is situation ko sambhaal sakte hai.

1. Doosre activities ke baare me sochiye jo aap daal sakte hai us period ke liye:
Jaise aap koi freelance project kar rahe the. Ya apni education continue kar rahe the. Ya koi course kar rahe the. Ya apni family business sambhaal rahe the emergency ke karan.


2. Kuch mahino ka gap jyaada problem nahi create karega
Agar gap kuch mahino ka hai jaise 3-4 mahine to ho sakta hai ki interviewer iske baare me na pooche par aap iske liye bhi ek jawaab tayaar karke jaana. Kya pata agar kahin pooch lia to.

3. Yakin dilaiye ki aap industry se up to date hai
Gap ke kaaran aapki knowledge me kami nahi aani chahiye. Aisa kahiye ki us dauraan bhi aap apni field ke baare me padh rahe the aur up to date the. Iske baad ho sakta hai ki interviewer aapko aapke field se related kuch aise sawaal pooche jisse wo confirm kar paaye ki aap apni field ke baare me latest important jaankari rakhte ho.

4. Apni genuine problem bataaiye
Agar aap kisi aisi kaaran ki wajah se job nahi kar rahe the jaise family ko sambhal rahe the, ya koi bimaar tha isliye to sach bataane me koi problem nahi hai. Isme aapko sorry hone ki bhi koi awashyakta nahi hai kyuki yah naseeb ke kaaran hua hoga usme aapki koi galati nahi hai.

To doston yeh the kuch tarike jisse aap experience me gap ko fill kar sakte hai. Koi bhi sawaal ho to niche comments box par likhiye hamare experts turant jawaab denge aapko. CODE hindi ka yahi paryas hai ki aap har din behtar se behtar bane.

Add a Comment

Your email address will not be published. Required fields are marked *