Career & Courses

How to prepare for BBA Entrance exam?

Aaj aapko mai dunga BBA entrance exam preparation ki kuch advice.

Students ko BBA ke entrance exam ke liye prepare karna hoga aur ek preparation strategy banani padegi. BBA entrance exams mein jo common sections hai woh hai Quantitative Aptitude, English, Reasoning aur General Awareness. Maine BBA entrance ke syllabus par alag se ek video bhi banai hai.

Sabse pahle to aapko syllabus ko acche se samajhna hoga. Jitna jaldi start karoge utna accha hai. Pehle to sectionwise aapko mai bataatu hu ki kaise prepare karna hai.

Quantitative Aptitude:
Is section me maths ke topics rehte hai. Mostly 10+2 level me aap jo maths padhte hai wo rehte hai.
Arithmetic, Geometry, Algebra, Mensuration, Number System, Series, Commercial math, Data Interpretation, Data Sufficiency jaise topics

Agar aapko 10+2 mein maths tha to acchi baat hai aur agar nahi tha toh darne ki koi zarurat nahi hai. Aap Entrance exam preparation ke ke jo books hai mathematics ke unse padh sakte ho. BBA me zyaada higher level maths ke sawaal nahi honge. Aap Percentage, Profit & Loss, Ratio, Proportion, Time & Distance, Time & Work, Average, Simple & Compound Interest etc. jaise topics acche se samajhiye. Agar aap maths me weak hai to aap pehle fundamentals aur concept ko samajhne me zyaada samay dijiye. Aur use samajhne ke baad hi practice shuru kijiye.

English:
English ya Verbal Ability section aapke basic English proficiency ko test karega. Jinki English grammar aur vocabulary acchi hai unka toh aadha preparation ho gaya samjho. Jinki acchi nahi woh log acche se sikhiyega ye topics. Isme pooche jayenge Reading Comprehension, Vocabulary, Grammar jaise topics. Fill in the blanks, Phrase Replacement, Word Usage, Jumbled Sentences, Spellings jaise questions honge.

Reasoning:
Isme Logical and Mathematical Reasoning, Deductive Logic, Statement Assumption, Analogy, Visual Reasoning, Series, Data Interpretation, Arrangement jaise topics honge. Practice bahut zaruri hoga iske liye. Kuch books chuniye jisme aap basic Logical and Analytical Reasoning seekh sake aur previous years ke questions bhi solve kijiye.

General Awareness:
Isme normally business awareness area par zyaada zor hoga. Current affairs and static General Knowledge ke topics par questions honge. Aap isme current business and economic scenario se related questions expect kar sakte hai. Static General Knowledge mein jo questions honge wo hai Politics, History, Geography, Society, Art & Literature. Jaisa ki aap samajh sakte hai ki General Awareness bahut hi vast area hai. Toh obviously isme sabkuch padh paana bahut muskhil hai to iske liye aap jo current news hai use follow kijiye. Newspapers, Outlook Business jaise magazines padhiye. Kuch universities mein Business Awareness ke bhi topics hote hai to uske liye aap Economic Times aur Business Standard jaise newpapers padha kijiye. Television par bhi jitna ho sake to Business news ki jaankari rakhiye.

BBA ka entrance exam bahut zyaada tough nahi hota hai. Aapko apni speed aur accuracy par concentrae karna hoga jab aap paper attempt karoge. Kaafi BBA entrance exams me negative marking bhi hoti hai matlab ki jitne galat jawaab denge to kuch marks minus honge. To ye cheez dhyaan me rakhiye aur questions ko samajhkar hi jawaab dijiye ya chodiye.

Ek baar in sections ko acche se samajh kar practice kar lete hai to aap uske baad har section se related mock test dijiye aur phir ek full level mock test jisme saare sections ho. Jaise jaise exam ki date nazdeek ayegi aapka focus concepts se hatkar mock tests par ho jaana chahiye. Har mock test ke baad ek analysis kijiye ki aap kin areas me weak ho aur use improve kijiye. Mock test dete samay aapka focus right time allocation strategy par hona chahiye jisse ki aap saare questions attempt kar sake niyamit samay mein.

To mitro video ki information pasand aayi to like maro aur share zarur karna sabke saath. Aur subscribe kar liya na?

Leave a Reply