Political debates में वक़्त बर्बाद मत करो


Political parties ki debates mein time barbaad mat karo.

Kaafi logon ko aadat hoti hai political issues par behes karne ki. Waise galat baat to nahi hai par kisi bhi cheez ki ati durgati ho sakti hai. Kuch log isme apni bahut energy aur time waste kar dete hai.

Ye mostly is wajah se hota hai kyunki log sunne se zyaada bolne me utsuk hote hai. Unhe bas apna point prove karna hota.

Waise kya milta hai yeh karke? Koi maza? nahi. Koi jankari? nahi. Kyunki sabko bolna hi hai. Thoda apne man ko aap niyantran mein rakhna seekho.

Kisi party ke leader ya kisi minister ki tarafdari karne ke chakkar mein ham behek jaate hai. Dekho agar aapke discussion se aapko lagta ki kuch ideas niklenge jo aap desh ki growth ke liye use kar sakte ho toh thik hai. Zarur karo discussion. Par zyaadatar log kya karte hai? Lunch break mein, ya buso mein train mein, bas bolne ke liye bolte hai. Ek dusre se argue karte. Apni kahi hui cheez ko sahi prove karne ki koshish karte rehte hai.

Itna time agar aap kuch aise cheez lagao jisse aapko kuch seekhne mile to aapka bahut bhala ho sakta hai. Aapko andaza bhi nahi hai ki aise behes karne mein bekaar mein hi hamara kitna samay barbaad ho jaata hai. Sirf baatein karte samay hi nahi balki uske baad bhi wo baatein hamare man me vichar banke ghumti haj jisse ham kisi cheez par focus nahi kar paate hai.

To bhai, kaafi baar chup rehne se hi bahut fayda ho jaata hai aapka. Is kich kich mein aapko padhne ki koi khaas zarurat nahi hai jab tak ki aap apne man ko ashant na karna chahte ho.

Aapka jo time aur energy bachega use apni learning pe lagao. Bahut kuch hai seekhne ko. To bas seekho aur faltu ki bakwaas se jitna ho sake door raho.

Add a Comment