Ph.D course की जानकारी


Namaste Mitron, aaj baat karenge Ph.D course ke baare mein.

Ph.D yaani Doctor of Philosophy. Yeh ek doctorate degree course hai jo alag alag subjects mein kia jaa sakta hai. Ph.D degree holder ko doctor ki upaadhi di jaati hai. Ye medical fields ki doctor ki upaadhi se bilkul alag hai. Ph.D me research thesis bhi hota hai. Ph.D alag alag areas me kia jaa sakta hai jaise Engineering, Science and Humanities, Social Sciences etc. mein. Ph.D full time, part time aur distance learning ke zariye bhi hota hai. Distance learning ki value kam hogi full time ke mukaable.

Duration kya hai iski?
2 se 5 saal tak ho sakti hai


Fees kitni hoti hai?
Rs. 40,000 se 2 lakh tak ho sakti hai. Kuch insitutes me aur kam bhi ho sakti hai

Eligibility kya hai iski?
Masters degree honi chahiye aapke paas. Kuch subjects ke liye Masters in Philosophy ki requirement bhi ho sakti hai
Admission interview aur written entrance test ke zariye hota hai.
Kaafi colleges me minimum percentage ki requirement ho sakti hai masters degreee mein.
Normally jis area me aap Ph.D karna chahte hai aapki masters degree us area se related honi chahiye jaise agar aap Engineering me Ph.D karna chahte hai toh aapke paas M.Tech/ME ki degree honi chahiye. MCA haalaki B.Tech ke samaan hai par kaafi institutes me MCA bhi Ph.D in computer science ke liye eligible hai. Par ho sakta hai ki kuch institutes MCA ko naa le.
Kaafi institutes me work experience bhi admission ke liye bahut important hota hai jo ki normally minimum 5 years hoti hai par kuch Ph.D courses ke liye 2 years bhi ho sakti hai. Mostly work experiene us field me honi chahiye jisme aap Ph.D karna chahte hai.

Kin subjects mein Ph.D kar sakte hai aap?
Aaiye aapko kuch areas ya subjects bata deta hu jisme Ph.D karte hai.
Doctor of Philosophy (Ph.D.) in Physics
Doctor of Philosophy (Ph.D.) in Mathematics
Doctor of Philosophy (Ph.D.) in Finance and Economics
Doctor of Philosophy (Ph.D.) in Psychology

Ph.D course ka structure kaisa hota hai?
Isme aapko in cheezon par mark diya jayega
1. Course work
2. Pedagogy – matlab ki sikhaane ki prakriya aur kis tarah se ye student ke learning ko influence karta hai.
3. Qualifying Examination
4. Preparation of Research Proposal
5. Thesis work

Reasearch work bilkul original hona chahiye. Course ke har stage par students ko evaluate kia jaata hai yaani unka mulyaankan kia jaata hai

Ph.D course ke fayde kya hai?
University me as a Professor ya researcher ke roop me career ke liye bahut zaruri hota hai.
Kuch jobs jaise teaching, research etc. mein promotion ke liye Ph.D ki zarurat ho sakti hai to wo log Ph.D kar sakte hai.
Doctrate degree aapko research ki best training deti hai jo desh ki maujuda social aur economic udeshya ke mutabik hoti hai
Ph.D professors kaafi books aur articles bhi likhte hai use bhi career ke roop me le sakte hai.

Ph.D ke Employment areas kon konse hai?
Educational Institutes
Publishing Houses
Newspapers
Magazines
Philosophical Journals
Research Institutes
Consultancy
Law Firms
Human Services Industry

Ph.D ke job types kon konse hai?
Lecturer or Professor
Novelist and Writer
Journalist, Editor and Critic
Philosophical Journalist
Researcher and Scientist
Independent Consultant
Human Services Worker

Toh mitro aapko Ph.D ke baare me yeh jaankari beneficial lagi to like zarur kariye is video ko. Aur agar aapne abtak subscribe nahi kia hai is channel ko youtube par toh kar lijiye niche laal button click karke Career se judi sabhi information ke liye

Add a Comment

Your email address will not be published. Required fields are marked *