Multi level marketing ke 8 bade jhoot

Multi level marketing (MLM) ka matlab hai ki pehle us company ka product lo member bano fir aur log ko apne neeche jodo left aur right me. ise pyramid scheme bhi kaha jaata hai kyuki iske members banane ka shape kuch aisa hota hai. pyramid jaisa. par doston yah itna simple nahi hai. bohot se logon ko lagta hai ki multi level marketing karke log ameer ban jaate hai. aaj mai aapko kuch aisi sachaai se rubaru karaunga jisse aap multi level marketing me nahi fasoge. multi level marketing ek mayajaal jaisa hai isliye isse bachna hi behtar hai.
aapne agar kisi multi level marketing company ke member se agar baat ki hogi to aapne dekha hoga ki kis tarah se wo peeche pad jaate hai hame member banane ke liye. Doston yahi sabse bada sanket isse door rehne ka. Aur agar aap pehle se hi iske jhaal me fase hue hai to yahi simple adivce dunga ki apna job kabhi mat chodiye iske bharose aur chod diya hai to koi job kar lijiye firse ya koi business.

aaiye jaante hai multi level marketing ke 8 sabse bade jhoot jisse aap bachkar rahiye. Aur unke sach.

Jhoot no. 1: multi level marketing ek aisa business hai jisse aap bahut paise kama sakte hai doosre business ke mukaable.
Sach kya hai: multi level marketing me bahut logon ka nuksaan hua hai. multi level marketing ek aisa business model hai jisme bahut kam logon ko paise kamaane ka mauka milta hai jo na ke barabar hai. Iska maths agar karoge jo jaan jaoge ki isme paise kamaana lagbhag naamumkin jaisa hai. dekhne me to yah simple aur aaraamdayak lagta hai kyuki kuch log sochte hai ki apne under kisiko bhi add kar denge jaldi se. par jab add karne nikalte hai tab pata chalta hai ki sach kya hai. kuch log josh me aakar jyaada products le lete hai kyuki bulk me discounts milta hai par wo use bech nahi paate aur nuksaan uthaate hai.

Jhoot no. 2: multi level marketing me members banana bahut aasaan hai. apne doston aur rishtedaaro ko banalo member.
Sach kya hai: acche khaase relations bigad sakte hai isse. sochiye aapke peeche koi product bechne ke rishtedaar ya dost pad jaaye to aap use avoid nahi karoge kya. aakhir hadh hoti hai har cheez ki. multi level marketing wale top members ko tagdi training jaati hai logon ko brainwash karne ki.

Jhoot no. 3 multi level marketing sabse popular aur accha tarika hai product ko market me laane ka.
Sach kya hai: multi level marketing se jitne bhi log product khareedte hai usme se lagbhag sabhi log rishtedaari ya dosti ke pressure me aakar products lete hai. to sochiye kaise ye accha tarika hua product ko bechne ka.

Jhoot no. 4: multi level marketing jeene ka ek naya tarika hai. isse aap gaadi bangla sab kuch le sakte hai.
Sach kya hai: multi level marketing me kaafi logo ka career kharaab ho jaata hai. gaadi bangla to nahi din nikaalne mushkil ho jaate hai. kyuki jis kaam me luck ki bahut jyaada zarurat ho aur skill / mehnat ki kam zarurat aap hi sochiye us kaam se kitne log ameer ban sakte hai.

Jhoot no. 5 future me sabhi products multi level marketing se hi beche jayenge. baaki saare tarike jaise sotres, malls band ho jayenge.
Sach kya hai: multi level marketing 1960 se chali aa rahi hai. firbhi multi level marketing United States jaise desh me sirf 1 percent istamaal hoti hai. aur baaki tarike band nahi balki aur badh rahe hai. isliye multi level marketing member ki baaton me na aayen.

Jhoot no. 6: multi level marketing se tum business man kehlaaoge. yeh tumhaare khud ke business jaisa hai.
Sach kya hai: yah sirf ek dikhaawa hai. multi level marketing ke members businessman nahi sirf ek kadi ke bhaag hai. unke haath me iska koi control nahi. company kabhi bhi band ho sakti hai. isiliye saavdhaan doston.

Jhoot no. 7: aap apne khaali waqt multi level marketing kijiye na. thoda hi samay lagega
Sach kya hai: aapko pata bhi nahi chal payega ki kab aap is jaal me fas gaye. sabse pehle aap pane kharide hue bekar product ki price wasoolne ke liye member dhoondoge. aur jab koi tayaar nahi hoga to frsutrate ho jaoge. khaali waqt ka ye kaam sir dard dedega.

Jhoot no. 8: multi level marketing koi pyramid scheme nahi hai kyunki isme products bikte hai
Sach kya hai: product agar bikenge bhi kaafi baar brainwash karke. kaafi multi level marketing companies jo acche products bechti thi unhe bhi ban kia gaya kyunki kaafi states me multi level marketing allowed nahi hai. kaafi multi level marketing companies guidelines follow nahi karti.

Doston hamaari yahi dua hai ki aap apna career accha banaye bigaade nahi. Kya aap kabhi multi level marketing me phase the?

apna experience hame neeche comments dwaara batayen aur Video accha laga ho to share, subscribe zaroor karen. dhanyawaad

Add a Comment