Maths padhne ke kuch tarike

Maths ek aisa subject hai jo har student ko kabhi na kabhi to padhna hi padta hai. Kuch students ko maths pasand hai aur kaafi students use pasand nahi karte. Waise har profession me maths kisi na kisi roop me use hota hai. Maths ek aisa subject hai jisme aisa possible hai ki hame ghanto padhne ke baad bhi kuch samaj na aaye. Kuch students maths ko naturally samaj lete hai aur kuch students ko mushkil aati hai.

Ye video un students ke liye hai jo naturally maths ko easily nahi samaj paate. Darne ki koi baat nahi hai. Iska matlab ye nahi hai ki aap kisi tarah se un baaki students ke kam ho. Har student me apni alag khoobi hoti hai. Koi maths me accha hai to koi theory subjects me. Lekin aap ye kuch cheezein karke maths me apne aap ko improve kar sakte hai.

Aaiye mai aapko 6 tips bataata hu jisse maths aap aasani se samaj sakte hai.

1. Errors ko review kariye step by step
Jab aap ek sum solve karte ho toh us solution ke process ke through jaaiye jab tak aap use thik se samaj nahi lete. Jaldbaazi bilkul mat kijiye. Aaaram se step by step dekhiye aur samajhiye ki problem kaise solve ho raha hai aur galati kahan ho rahi hai. Agar aapne kuch mistakes kari hai toh aapko use review karna chahiye aur samajhna chahiye ki kahan par aapki problem solving skills maat khaa rahi hai. Aapne kaise problem ko solve kia aur kahan par aapne galati ki ye ek bahut hi accha tarika hai future mein strong banne ka aur in same mistakes ko avoid karne ka. Apne aapse ye sawaal bhi kijiye ki kya aapne apne dimaag ka poora istamaal kia hai. Jitna aap problems ko khud se solve karni ki koshish karoge utne hi aap ek acche mathematician banoge.


2. Key concepts ko master kijiye
Bahut baar kya hota hai ki students direct sabse complex problems ko solve karne ki koshish karte hai aur jab wo solve nahi hota to unka manobal tootne lagta hai. Maths ke jo complex problems hai usme kai baar chote simple problems bhi jude hote hai. To aap us bade problem ko solve karne ke liye use chote problems me divide kariye. Maths me aap obviously remembering se nahi balki understanding se seekhoge. Jo bhi problems aap solve kar rahe ho uske logic ko samajhiye. Isse jab future mein aap same type ka problem solve karne batihoge toh aap use solve kar paoge. Ek topic se dure topic par move karne se pehle us topic ke key concepts ko acchi tarah samajhna important hai. Yaad rakhiye complex se complex solutions bhi solve honge aapse jab aap uske basics acche se samajh loge.

3. Practice
Maths me aacha hone ke liye zaruri hai ki aapna zyaada se zyaada maths kariye. Maths ko sirf reading aur listening se nahi seekh sakte. Usse seekhne ke liye aapko khudko kaafi problems solve karne honge. Isliye maths exam me accha score karne ke liye aapko bahut saare problems solve karne padenge exam ke pehle. Internet par bahut saare aise websites hai jisse aap maths seekh sakte ho aur phir practice kar sakte ho.

4. Apna learning environment accha banaiye
Mathematics ek aisa subject hai jisme concentration ki bahut zyaada zarurat rehti hai. Accha learning enviroment bahut important hota hai complex problems ko solve karne ke liye. Agar aapko music pasand hai toh ek halka sa background music jo bahut relaxing ho bajne dijiye. Koshish karen ki jahan shaanti ka mahol ho waha maths padhen. Kaafi baar jab students group study me maths solve karne baithe hai to bahut zor zor se baatein karne lagte hai jisse ki kuch students ko concentration me problem ho jaati hai. Isliye jab aap apne friends ke saath maths padhne baithe to bahut zyaada loud na baat karen. Thoda bahut hasi mazaak thik hai par samajhne par zyaada zor dijiye. Aur agar aap aise student hai jo shor sharaabe me bhi padh sakte hai to dusre students ke baare mein sochiye. Koshish kariye ki aapki wajah se dusra koi disturb na ho.

5. Maths ke problems ko real world me apply kariye
Jitna ho sake jab aap problems ko solve karne baithe to use asal duniya ke problems me apply karne ki koshish kariye. Sab topics me toh ye possible nahi hai par kuch topics jaise for example Probability ko aap apne daily life ke kuch cheezon ko predict karne ke liye use kar sakte hai.

Aur sabse zaruri hai ki aap confidence ke saath sikhiye maths. Bilkul dariye mat. Agar galtiyaan kar rahe ho maths me to acchi baat hai kyuki problems ko solve karne baithoge tab hi to galtiyaan karoge.

Umeed karta hu mitron aapko ye kuch tips pasand aaye. Aage aane wale videos me mai iske aur bhi parts banaunga. To agar aapne subscribe nahi kia hai is channel ko toh kar lijiye aur video accha laga toh like aur share zarur karein. Dhanyawaad.

Add a Comment