Master of Computer Applications details in Hindi

Namaste Mitro. Hamare BCA ke video ke baad aisa lagta hai ki kaafi log MCA ke baare me jaanna chahte the. To ab aapka wait khatam. Aaj mai MCA ke baare me aapke saare doubts clear kar dunga. To aaiye shuru karte hai.

MCA yaani Master of Computer Applications jo ek post graduate degree course hai.

Duration: 3 years

Eligibility: Graduation in any stream with mathematics as one of the subject at 10+2 or any one year of graduation.
Kuch Universities jaise IGNOU me without maths bhi lete hai but unka ek BCS course hai wo register karke complete karna hota hai. Kuch universities minimum 45%-50% marks maang sakti hai graduation me.
Most of the universities me Entrance exam bhi hota hai iska.

MCA ek information technology related course hai. Aaj bhi Information Technology me kaafi scope hai. Bade companies jaise Infosys, Wipro, TCS companies me aap jobs paa sakte hai. Ye 3 saal ka course 6 semesters me divided hota hai. 1st year me computer related skills ko develop karne me dhyaan diya jaata hai. 2nd year me computer ke alag alag concepts ko strong kiya jaata hai. 3rd years me specialisation aur project work hota hai. MCA ek computer science degree hai aur isme application software development ke alag alag areas ke baare me sikhaya jata hai.


Fees:
Har college ki alag alag fees hoti hai. Ye Rs.20000 se Rs.1 lakh ke beech me ho sakti hai per year

MCA ke specializations:
Application software
Management Information Systems
Software Development
Software Management
Networking
Systems Engineering
Web Designing and Development

MCA syllabus:
MCA ke kuch subjects ke baare me bata deta hu.
Sem 1 me Mathematical foundation of computer science, Accounting and Financial management, Computer and C programming jaise subjects hote hai.
Sem 2 me data structure, Computer architecture etc. subjects hote hai.
Sem 3,4 5 me computer related saare subjects hote hai. Sem 5 me specialization bhi select karna hota hai.
Aur sem 6 me industrial project hota hai jisme aapko practical experience milega industry ka. Har sem me practicals hote hai.

Kin Students ko ye course suit karega?
Wo students jo maths se darte nahi hai. Wo students jo application software banane me apna career banana chahte hai IT industry ke andar. Wo students jo computers related subjects sikhaana chahte hai teacher banke.
Mujhe kaafi students poochte hai ki mai commerce student hu to kya MCA mere liye useful hoga. Mera jawaab hai ki ye depend karta hai ki aapka interest kitna hai is field me jaane ke liye. Jaise mere ek friend ne 10 saal pehle B.Com kia aur phir MCA kiya Mumbai university ke distance learning ke through. Phir use Database Administrator ki job mili ek Bade MNC me. Halaki 10 saal pehle competition aaj ke mukaable kam tha lekin isse ye pata chalta hai ki agar interest hai aur kadi mehnat karoge to Commerce aur arts students bhi is field me aage jaa sakte hai. MCA aur B.Tech ya BE in computers ki value ek samaan hai. MCA full time kia to jyaada valuable hai.

MCA ke job areas:
Banking, e-Commerce, Government Agencies, IT companies, Schools aur colleges, Database management companies etc.

MCA ke job ke types:
Software Deveoper, Systems Analyst, Database Administrator, Project Leader, Programmer, Systems Administrator etc.

Starting salary: 2.5 to 3.5 LPA in an average level IT Company

MCA ke baad aur koi advance course?
M.Phil in Computer Applications kar sakte hai aap jo ek advanced postgraduate research degree course hai. Apne career me kuch experience lene ke baad chahe to ye kar sakte hai.

MCA Entrance Books

Umeed hai mitro aapke maine kaafi doubts clear kar diye MCA ke baare me. Par iske bawjood bhi joi query ho to comments box me zarur likhiye.

Agar aapko hamari ye koshish acchi lagi students ko help karne ki to subsribe karke is video ko share bhi kijiye Facebook aur google plus par. Thank you and love you all.

Add a Comment